शक्र उवाच
खरयोनिम् अनुप्राप्तस् तुषभक्षो ऽसि दानव ॥
इयं ते योनिर् अधमा शोचस्य् आहो न शोचसि ॥
अदृष्टं बत पश्यामि द्विषतां वशम् आगतम् ॥
श्रिया विहीनं मित्रैश् च भ्रष्टवीर्यपराक्रमम् ॥
यत् तद् यानसहस्रेण ज्ञातिभिः परिवारितः ॥
लोकान् प्रतापयन् सर्वान् यास्य् अस्मान् अवितर्कयन् ॥
त्वन्मुखाश् चैव दैतेया व्यतिष्ठंस् तव शासने ॥
अकृष्टपच्या पृथिवी तवैश्वर्ये बभूव ह ॥
इदं च ते ऽद्य व्यसनं शोचस्य् आहो न शोचसि ॥
यदातिष्ठः समुद्रस्य पूर्वकूले विलेलिहन् ॥
ज्ञातिभ्यो विभजन् वित्तं तदासीत् ते मनः कथम् ॥
यत् ते सहस्रसमिता ननृतुर् देवयोषितः ॥
बहूनि वर्षपूगानि विहारे दीप्यतः श्रिया ॥
सर्वाः पुष्करमालिन्यः सर्वाः काञ्चनसप्रभाः ॥
कथम् अद्य तदा चैव मनस् ते दानवेश्वर ॥
छत्रं तवासीत् सुमहत् सौवर्णं मणिभूषितम् ॥
ननृतुर् यत्र गन्धर्वाः षट्सहस्राणि सप्तधा ॥
यूपस् तवासीत् सुमहान् यजतः सर्वकाञ्चनः ॥
यत्राददः सहस्राणाम् अयुतानि गवां दश ॥
यदा तु पृथिवीं सर्वां यजमानो ऽनुपर्ययाः ॥
शम्याक्षेपेण विधिना तदासीत् किं नु ते हृदि ॥
न ते पश्यामि भृङ्गारं न छत्रं व्यजनं न च ॥
ब्रह्मदत्तां च ते मालां न पश्याम्य् असुराधिप ॥
śakra uvāca
kharayonim anuprāptas tuṣabhakṣo 'si dānava ||
iyaṃ te yonir adhamā śocasy āho na śocasi ||
adṛṣṭaṃ bata paśyāmi dviṣatāṃ vaśam āgatam ||
śriyā vihīnaṃ mitraiś ca bhraṣṭavīryaparākramam ||
yat tad yānasahasreṇa jñātibhiḥ parivāritaḥ ||
lokān pratāpayan sarvān yāsy asmān avitarkayan ||
tvanmukhāś caiva daiteyā vyatiṣṭhaṃs tava śāsane ||
akṛṣṭapacyā pṛthivī tavaiśvarye babhūva ha ||
idaṃ ca te 'dya vyasanaṃ śocasy āho na śocasi ||
yadātiṣṭhaḥ samudrasya pūrvakūle vilelihan ||
jñātibhyo vibhajan vittaṃ tadāsīt te manaḥ katham ||
yat te sahasrasamitā nanṛtur devayoṣitaḥ ||
bahūni varṣapūgāni vihāre dīpyataḥ śriyā ||
sarvāḥ puṣkaramālinyaḥ sarvāḥ kāñcanasaprabhāḥ ||
katham adya tadā caiva manas te dānaveśvara ||
chatraṃ tavāsīt sumahat sauvarṇaṃ maṇibhūṣitam ||
nanṛtur yatra gandharvāḥ ṣaṭsahasrāṇi saptadhā ||
yūpas tavāsīt sumahān yajataḥ sarvakāñcanaḥ ||
yatrādadaḥ sahasrāṇām ayutāni gavāṃ daśa ||
yadā tu pṛthivīṃ sarvāṃ yajamāno 'nuparyayāḥ ||
śamyākṣepeṇa vidhinā tadāsīt kiṃ nu te hṛdi ||
na te paśyāmi bhṛṅgāraṃ na chatraṃ vyajanaṃ na ca ||
brahmadattāṃ ca te mālāṃ na paśyāmy asurādhipa ||
Шакра сказал: «О данав, ты достиг ослиного рождения и ешь мякину. Это твоё низшее рождение: скорбишь ты или нет? Увы, я вижу невиданное: ты попал во власть врагов, лишён славы и друзей, утратив силу и доблесть. Когда-то ты, окружённый родичами и тысячами колесниц, шёл, паля все миры и не считаясь с нами. Дайтьи смотрели на тебя как на главу и стояли в твоём повелении; при твоём владычестве земля родила без пахоты. А теперь это твоё несчастье: скорбишь ты или нет? Когда ты стоял у восточного берега океана и делил богатство между родичами, каким был твой ум? Когда для тебя долгие годы в развлечениях танцевали небесные женщины, все в лотосовых гирляндах и золотом сиянии, каков твой ум теперь и каков он был тогда, владыка данавов? У тебя был огромный золотой зонт, украшенный драгоценностями, где семью группами танцевали шесть тысяч гандхарвов. У тебя был огромный золотой жертвенный столб, когда ты совершал жертву и раздавал десятки тысяч коров. Когда ты, совершая жертвы, обходил всю землю по правилу бросания шами-палки, что было тогда в твоём сердце? Теперь я не вижу у тебя ни золотого сосуда, ни зонта, ни опахала, ни данной Брахмой гирлянды, о владыка асуров».
d496a13ef328 · published Jun 21, 2026, 1:30:56 AM UTC
Available inRUPage between verses with
Индра говорит языком победителя: он перечисляет утраченные знаки власти, чтобы вызвать у Бали скорбь или стыд. Но сама подробность перечисления уже показывает, насколько непостоянны царские атрибуты.