त्वम् एव हीन्द्र वेत्थास्मान् वेदाहं त्वां च वासव ॥
विकत्थसे मां किं बद्धं कालेन निरपत्रप ॥
त्वम् एव हि पुरा वेत्थ यत् तदा पौरुषं मम ॥
समरेषु च विक्रान्तं पर्याप्तं तन् निदर्शनम् ॥
आदित्याश् चैव रुद्राश् च साध्याश् च वसुभिः सह ॥
मया विनिर्जिताः सर्वे मरुतश् च शचीपते ॥
त्वम् एव शक्र जानासि देवासुरसमागमे ॥
समेता विबुधा भग्नास् तरसा समरे मया ॥
पर्वताश् चासकृत् क्षिप्ताः सवनाः सवनौकसः ॥
सटङ्कशिखरा घोराः समरे मूर्ध्नि ते मया ॥
किं नु शक्यं मया कर्तुं यत् कालो दुरतिक्रमः ॥
न हि त्वां नोत्सहे हन्तुं सवज्रम् अपि मुष्टिना ॥
न तु विक्रमकालो ऽयं क्षमाकालो ऽयम् आगतः ॥
तेन त्वा मर्षये शक्र दुर्मर्षणतरस् त्वया ॥
त्वं मा परिणते काले परीतं कालवह्निना ॥
नियतं कालपाशेन बद्धं शक्र विकत्थसे ॥
अयं स पुरुषः श्यामो लोकस्य दुरतिक्रमः ॥
बद्ध्वा तिष्ठति मां रौद्रः पशुं रशनया यथा ॥
लाभालाभौ सुखं दुःखं कामक्रोधौ भवाभवौ ॥
वधो बन्धः प्रमोक्षश् च सर्वं कालेन लभ्यते ॥
नाहं कर्ता न कर्ता त्वं कर्ता यस् तु सदा प्रभुः ॥
सो ऽयं पचति कालो मां वृक्षे फलम् इवागतम् ॥
यान्य् एव पुरुषः कुर्वन् सुखैः कालेन युज्यते ॥
पुनस् तान्य् एव कुर्वाणो दुःखैः कालेन युज्यते ॥
न च कालेन कालज्ञः स्पृष्टः शोचितुम् अर्हति ॥
तेन शक्र न शोचामि नास्ति शोके सहायता ॥
यदा हि शोचतां शोको व्यसनं नापकर्षति ॥
सामर्थ्यं शोचतो नास्ति नाद्य शोचाम्य् अहं ततः ॥
एवम् उक्तः सहस्राक्षो भगवान् पाकशासनः ॥
प्रतिसंहृत्य संरम्भम् इत्य् उवाच शतक्रतुः ॥
tvam eva hīndra vetthāsmān vedāhaṃ tvāṃ ca vāsava ||
vikatthase māṃ kiṃ baddhaṃ kālena nirapatrapa ||
tvam eva hi purā vettha yat tadā pauruṣaṃ mama ||
samareṣu ca vikrāntaṃ paryāptaṃ tan nidarśanam ||
ādityāś caiva rudrāś ca sādhyāś ca vasubhiḥ saha ||
mayā vinirjitāḥ sarve marutaś ca śacīpate ||
tvam eva śakra jānāsi devāsurasamāgame ||
sametā vibudhā bhagnās tarasā samare mayā ||
parvatāś cāsakṛt kṣiptāḥ savanāḥ savanaukasaḥ ||
saṭaṅkaśikharā ghorāḥ samare mūrdhni te mayā ||
kiṃ nu śakyaṃ mayā kartuṃ yat kālo duratikramaḥ ||
na hi tvāṃ notsahe hantuṃ savajram api muṣṭinā ||
na tu vikramakālo 'yaṃ kṣamākālo 'yam āgataḥ ||
tena tvā marṣaye śakra durmarṣaṇataras tvayā ||
tvaṃ mā pariṇate kāle parītaṃ kālavahninā ||
niyataṃ kālapāśena baddhaṃ śakra vikatthase ||
ayaṃ sa puruṣaḥ śyāmo lokasya duratikramaḥ ||
baddhvā tiṣṭhati māṃ raudraḥ paśuṃ raśanayā yathā ||
lābhālābhau sukhaṃ duḥkhaṃ kāmakrodhau bhavābhavau ||
vadho bandhaḥ pramokṣaś ca sarvaṃ kālena labhyate ||
nāhaṃ kartā na kartā tvaṃ kartā yas tu sadā prabhuḥ ||
so 'yaṃ pacati kālo māṃ vṛkṣe phalam ivāgatam ||
yāny eva puruṣaḥ kurvan sukhaiḥ kālena yujyate ||
punas tāny eva kurvāṇo duḥkhaiḥ kālena yujyate ||
na ca kālena kālajñaḥ spṛṣṭaḥ śocitum arhati ||
tena śakra na śocāmi nāsti śoke sahāyatā ||
yadā hi śocatāṃ śoko vyasanaṃ nāpakarṣati ||
sāmarthyaṃ śocato nāsti nādya śocāmy ahaṃ tataḥ ||
evam uktaḥ sahasrākṣo bhagavān pākaśāsanaḥ ||
pratisaṃhṛtya saṃrambham ity uvāca śatakratuḥ ||
«Ты сам, Индра, знаешь нас, и я знаю тебя, Васава. Зачем ты хвастаешься передо мной, связанным временем, бесстыдный? Ты сам помнишь, какова прежде была моя сила и доблесть в битвах; этого достаточно как доказательства. Адитьи, Рудры, Садхьи, Васу и Маруты были побеждены мной, владыка Шачи. Ты сам знаешь, Шакра, что при столкновении богов и асуров собравшиеся боги были стремительно разбиты мной в битве. Я не раз бросал в бою горы с лесами, обитателями лесов и страшными скалистыми вершинами на твою голову. Что же мне теперь делать, если время непреодолимо? Не потому я не убиваю тебя, что не смог бы поразить тебя кулаком даже с ваджрой в руке; просто сейчас не время натиска, а время терпения. Поэтому я терплю тебя, Шакра. Ты хвастаешься передо мной, когда срок созрел, когда я охвачен огнём времени и связан его путами. Вот тот тёмный и грозный Пуруша, непреодолимый для мира, держит меня связанным, как животное верёвкой. Приобретение и потеря, счастье и горе, желание и гнев, бытие и небытие, смерть, узы и освобождение — всё приходит через время. Не я деятель и не ты деятель; деятель — тот, кто всегда владыка. Это время варит меня, как плод, созревший на дереве. То же самое действие в один срок соединяет человека со счастьем, а в другой срок — с горем. Знающий время, даже коснутый временем, не должен скорбеть. Поэтому, Шакра, я не скорблю: в скорби нет помощи. Когда скорбь не отводит беду, у скорбящего нет силы; поэтому сегодня я не скорблю». Услышав это, благой Тысячеглазый, каратель Паки, сдержал свой гнев и сказал.
bf8b215c4e7d · published Jun 21, 2026, 10:17:07 AM UTC
Available inRUPage between verses with
Бали различает силу и своевременность. Он не отрекается от своей прежней мощи, но признаёт, что сейчас действует другой порядок. Это зрелость: не путать способность действовать с правом и временем действовать.