ततस् त्यजति सो ऽव्यक्तं सर्गप्रलयधर्मिणम् ॥
निर्गुणः प्रकृतिं वेद गुणयुक्ताम् अचेतनाम् ॥
ततः केवलधर्मासौ भवत्य् अव्यक्तदर्शनात् ॥
केवलेन समागम्य विमुक्तो ऽऽत्मानम् आप्नुयात् ॥
एतत् तत् तत्त्वम् इत्य् आहुर् निस्तत्त्वम् अजरामरम् ॥
तत्त्वसंश्रयणाद् एतत् तत्त्ववन् न च मानद ॥
पञ्चविंशतितत्त्वानि प्रवदन्ति मनीषिणः ॥
न चैष तत्त्ववांस् तात निस्तत्त्वस् त्व् एष बुद्धिमान् ॥
एष मुञ्चति तत्त्वं हि क्षिप्रं बुद्धस्य लक्षणम् ॥
षड्विंशो ऽहम् इति प्राज्ञो गृह्यमाणो ऽजरामरः ॥
केवलेन बलेनैव समतां यात्य् असंशयम् ॥
षड्विंशेन प्रबुद्धेन बुध्यमानो ऽप्य् अबुद्धिमान् ॥
एतन् नानात्वम् इत्य् उक्तं सांख्यश्रुतिनिदर्शनात् ॥
चेतनेन समेतस्य पञ्चविंशतिकस्य च ॥
एकत्वं वै भवत्य् अस्य यदा बुद्ध्या न बुध्यते ॥
बुध्यमानो ऽप्रबुद्धेन समतां याति मैथिल ॥
सङ्गधर्मा भवत्य् एष निःसङ्गात्मा नराधिप ॥
निःसङ्गात्मानम् आसाद्य षड्विंशकम् अजं विदुः ॥
विभुस् त्यजति चाव्यक्तं यदा त्व् एतद् विबुध्यते ॥
चतुर्विंशम् अगाधं च षड्विंशस्य प्रबोधनात् ॥
एष ह्य् अप्रतिबुद्धश् च बुध्यमानश् च ते ऽनघ ॥
प्रोक्तो बुद्धश् च तत्त्वेन यथाश्रुतिनिदर्शनात् ॥
नानात्वैकत्वम् एतावद् द्रष्टव्यं शास्त्रदृष्टिभिः ॥
tatas tyajati so 'vyaktaṃ sargapralayadharmiṇam ||
nirguṇaḥ prakṛtiṃ veda guṇayuktām acetanām ||
tataḥ kevaladharmāsau bhavaty avyaktadarśanāt ||
kevalena samāgamya vimukto ''tmānam āpnuyāt ||
etat tat tattvam ity āhur nistattvam ajarāmaram ||
tattvasaṃśrayaṇād etat tattvavan na ca mānada ||
pañcaviṃśatitattvāni pravadanti manīṣiṇaḥ ||
na caiṣa tattvavāṃs tāta nistattvas tv eṣa buddhimān ||
eṣa muñcati tattvaṃ hi kṣipraṃ buddhasya lakṣaṇam ||
ṣaḍviṃśo 'ham iti prājño gṛhyamāṇo 'jarāmaraḥ ||
kevalena balenaiva samatāṃ yāty asaṃśayam ||
ṣaḍviṃśena prabuddhena budhyamāno 'py abuddhimān ||
etan nānātvam ity uktaṃ sāṃkhyaśrutinidarśanāt ||
cetanena sametasya pañcaviṃśatikasya ca ||
ekatvaṃ vai bhavaty asya yadā buddhyā na budhyate ||
budhyamāno 'prabuddhena samatāṃ yāti maithila ||
saṅgadharmā bhavaty eṣa niḥsaṅgātmā narādhipa ||
niḥsaṅgātmānam āsādya ṣaḍviṃśakam ajaṃ viduḥ ||
vibhus tyajati cāvyaktaṃ yadā tv etad vibudhyate ||
caturviṃśam agādhaṃ ca ṣaḍviṃśasya prabodhanāt ||
eṣa hy apratibuddhaś ca budhyamānaś ca te 'nagha ||
prokto buddhaś ca tattvena yathāśrutinidarśanāt ||
nānātvaikatvam etāvad draṣṭavyaṃ śāstradṛṣṭibhiḥ ||
Затем безгунный оставляет непроявленное, имеющее природу творения и растворения, и познаёт пракрити как несознательную, соединённую с гунами. От видения непроявленного он становится природы кевалы; соединившись с кевалой, освобождённый достигает самого себя. Это называют той таттвой, которая вне таттв, нестареющая и бессмертная. Из-за опоры на таттвы она кажется имеющей таттву, но это не так, о дарующий честь. Мудрые говорят о двадцати пяти таттвах, но этот разумный, дорогой, не является одной из таттв: он вне таттв. Он быстро отпускает таттву — это признак пробуждённого. Мудрый, постигая “я двадцать шестой”, нестареющий и бессмертный, одной силой кевалы достигает равности, без сомнения. Даже пробуждающийся по отношению к пробуждённому двадцать шестому остаётся непробуждённым; это, согласно примеру шрути санкхьи, называется множественностью. Когда двадцать пятый, соединённый с сознательным, не различает через буддхи, у него возникает единство с тем, что он созерцает. О Майтхила, пробуждающийся, соединяясь с непробуждённым, достигает равности с ним; сам по себе атман несвязан, но он становится природы связи. Достигнув несвязанного атмана, знают нерождённого двадцать шестого. Когда это пробуждается, владыка оставляет непроявленное и бездонное двадцать четвёртое через пробуждение двадцать шестого. Так тебе, о безгрешный, согласно шрути по истине объяснены непробуждённый, пробуждающийся и пробуждённый; так следует видеть множественность и единство глазами шастры».
e8c3d082a87b · published Jun 21, 2026, 7:01:25 AM UTC
Available inRUPage between verses with
Освобождение описано как оставление даже тонкой авьякты. Атман свободен сам по себе, но становится связанным, когда принимает равность с непробуждённым; пробуждение двадцать шестого разрывает эту связь.