तं ददर्शाश्रमपदे नारदः सुमहातपाः ॥
अथैनम् अब्रवीत् काले मधुराक्षरया गिरा ॥
भो भो महर्षे वासिष्ठ ब्रह्मघोषो न वर्तते ॥
एको ध्यानपरस् तूष्णीं किम् आस्से चिन्तयन्न् इव ॥
ब्रह्मघोषैर् विरहितः पर्वतो ऽयं न शोभते ॥
रजसा तमसा चैव सोमः सोपप्लवो यथा ॥
न भ्राजते यथापूर्वं निषादानाम् इवालयः ॥
देवर्षिगणजुष्टो ऽपि वेदध्वनिनिराकृतः ॥
ऋषयश् च हि देवाश् च गन्धर्वाश् च महौजसः ॥
विमुक्ता ब्रह्मघोषेण न भ्राजन्ते यथा पुरा ॥
नारदस्य वचः श्रुत्वा कृष्णद्वैपायनो ऽब्रवीत् ॥
महर्षे यत् त्वया प्रोक्तं वेदवादविचक्षण ॥
एतन् मनोनुकूलं मे भवान् अर्हति भाषितुम् ॥
सर्वज्ञः सर्वदर्शी च सर्वत्र च कुतूहली ॥
त्रिषु लोकेषु यद् वृत्तं सर्वं तव मते स्थितम् ॥
तद् आज्ञापय विप्रर्षे ब्रूहि किं करवाणि ते ॥
यन् मया समनुष्ठेयं ब्रह्मर्षे तद् उदाहर ॥
वियुक्तस्येह शिष्यैर् मे नातिहृष्टम् इदं मनः ॥
नारद उवाच
अनाम्नायमला वेदा ब्राह्मणस्याव्रतं मलम् ॥
मलं पृथिव्या वाहीकाः स्त्रीणां कौतूहलं मलम् ॥
अधीयतां भवान् वेदान् सार्धं पुत्रेण धीमता ॥
विधुन्वन् ब्रह्मघोषेण रक्षोभयकृतं तमः ॥
भीष्म उवाच
नारदस्य वचः श्रुत्वा व्यासः परमधर्मवित् ॥
तथेत्य् उवाच संहृष्टो वेदाभ्यासे दृढव्रतः ॥
taṃ dadarśāśramapade nāradaḥ sumahātapāḥ ||
athainam abravīt kāle madhurākṣarayā girā ||
bho bho maharṣe vāsiṣṭha brahmaghoṣo na vartate ||
eko dhyānaparas tūṣṇīṃ kim āsse cintayann iva ||
brahmaghoṣair virahitaḥ parvato 'yaṃ na śobhate ||
rajasā tamasā caiva somaḥ sopaplavo yathā ||
na bhrājate yathāpūrvaṃ niṣādānām ivālayaḥ ||
devarṣigaṇajuṣṭo 'pi vedadhvaninirākṛtaḥ ||
ṛṣayaś ca hi devāś ca gandharvāś ca mahaujasaḥ ||
vimuktā brahmaghoṣeṇa na bhrājante yathā purā ||
nāradasya vacaḥ śrutvā kṛṣṇadvaipāyano 'bravīt ||
maharṣe yat tvayā proktaṃ vedavādavicakṣaṇa ||
etan manonukūlaṃ me bhavān arhati bhāṣitum ||
sarvajñaḥ sarvadarśī ca sarvatra ca kutūhalī ||
triṣu lokeṣu yad vṛttaṃ sarvaṃ tava mate sthitam ||
tad ājñāpaya viprarṣe brūhi kiṃ karavāṇi te ||
yan mayā samanuṣṭheyaṃ brahmarṣe tad udāhara ||
viyuktasyeha śiṣyair me nātihṛṣṭam idaṃ manaḥ ||
nārada uvāca
anāmnāyamalā vedā brāhmaṇasyāvrataṃ malam ||
malaṃ pṛthivyā vāhīkāḥ strīṇāṃ kautūhalaṃ malam ||
adhīyatāṃ bhavān vedān sārdhaṃ putreṇa dhīmatā ||
vidhunvan brahmaghoṣeṇa rakṣobhayakṛtaṃ tamaḥ ||
bhīṣma uvāca
nāradasya vacaḥ śrutvā vyāsaḥ paramadharmavit ||
tathety uvāca saṃhṛṣṭo vedābhyāse dṛḍhavrataḥ ||
Нарада, великий подвижник, увидел Вьясу в обители и в надлежащее время обратился к нему сладкой речью: «О великий риши, потомок Васиштхи! Здесь не слышно звучания Веды. Почему ты сидишь один, молча, погружённый в медитацию, словно в размышлении? Эта гора, лишённая ведического звука, не сияет, как луна, помрачённая раджасом и тамасом. Она уже не блистает как прежде и, хотя её посещают сонмы божественных риши, похожа на жилище нишадов, потому что устранён звук Вед. Риши, боги и могучие гандхарвы без ведического звучания не сияют как раньше». Услышав Нараду, Кришна-Двайпаяна сказал: «О великий риши, знаток ведического слова, сказанное тобой согласно моему уму. Ты всезнающ, всевидящ и любознателен во всём; всё, что происходит в трёх мирах, стоит в твоём знании. Прикажи же, брахмариши, скажи, что мне сделать для тебя. Что мне следует исполнить, изложи это. Разлучённый здесь с учениками, я не слишком радостен». Нарада сказал: «Веды загрязняются отсутствием повторения; для брахмана грязь — отсутствие обета; для земли грязь — Вахики; для женщин грязь — суетное любопытство. Повторяй Веды вместе со своим мудрым сыном, разгоняя ведическим звуком тьму, созданную страхом ракшасов». Бхишма сказал: Услышав слово Нарады, Вьяса, знающий высшую дхарму, радостно сказал: «Да будет так», твёрдо решив возобновить повторение Вед.
88bb0fbe6808 · published Jun 21, 2026, 7:39:11 AM UTC
Available inRUPage between verses with
Нарада напоминает, что священное знание живёт в звучании и практике. Когда Веда не произносится, даже место риши теряет сияние; духовная культура требует регулярного восстановления памяти.