नारद उवाच
अद्य मे तपसो देव यमस्य नियमस्य च ॥
सद्यः फलम् अवाप्तं वै दृष्टो यद् भगवान् मया ॥
वर एष ममात्यन्तं दृष्टस् त्वं यत् सनातनः ॥
भगवान् विश्वदृक् सिंहः सर्वमूर्तिर् महाप्रभुः ॥
भीष्म उवाच
एवं संदर्शयित्वा तु नारदं परमेष्ठिजम् ॥
उवाच वचनं भूयो गच्छ नारद माचिरम् ॥
इमे ह्य् अनिन्द्रियाहारा मद्भक्ताश् चन्द्रवर्चसः ॥
एकाग्राश् चिन्तयेयुर् मां नैषां विघ्नो भवेद् इति ॥
सिद्धाश् चैते महाभागाः पुरा ह्य् एकान्तिनो ऽभवन् ॥
तमोरजोविनिर्मुक्ता मां प्रवेक्ष्यन्त्य् असंशयम् ॥
न दृश्यश् चक्षुषा यो ऽसौ न स्पृश्यः स्पर्शनेन च ॥
न घ्रेयश् चैव गन्धेन रसेन च विवर्जितः ॥
सत्त्वं रजस् तमश् चैव न गुणास् तं भजन्ति वै ॥
यश् च सर्वगतः साक्षी लोकस्यात्मेति कथ्यते ॥
भूतग्रामशरीरेषु नश्यत्सु न विनश्यति ॥
अजो नित्यः शाश्वतश् च निर्गुणो निष्कलस् तथा ॥
द्विर्द्वादशेभ्यस् तत्त्वेभ्यः ख्यातो यः पञ्चविंशकः ॥
पुरुषो निष्क्रियश् चैव ज्ञानदृश्यश् च कथ्यते ॥
यं प्रविश्य भवन्तीह मुक्ता वै द्विजसत्तम ॥
स वासुदेवो विज्ञेयः परमात्मा सनातनः ॥
nārada uvāca
adya me tapaso deva yamasya niyamasya ca ||
sadyaḥ phalam avāptaṃ vai dṛṣṭo yad bhagavān mayā ||
vara eṣa mamātyantaṃ dṛṣṭas tvaṃ yat sanātanaḥ ||
bhagavān viśvadṛk siṃhaḥ sarvamūrtir mahāprabhuḥ ||
bhīṣma uvāca
evaṃ saṃdarśayitvā tu nāradaṃ parameṣṭhijam ||
uvāca vacanaṃ bhūyo gaccha nārada māciram ||
ime hy anindriyāhārā madbhaktāś candravarcasaḥ ||
ekāgrāś cintayeyur māṃ naiṣāṃ vighno bhaved iti ||
siddhāś caite mahābhāgāḥ purā hy ekāntino 'bhavan ||
tamorajovinirmuktā māṃ pravekṣyanty asaṃśayam ||
na dṛśyaś cakṣuṣā yo 'sau na spṛśyaḥ sparśanena ca ||
na ghreyaś caiva gandhena rasena ca vivarjitaḥ ||
sattvaṃ rajas tamaś caiva na guṇās taṃ bhajanti vai ||
yaś ca sarvagataḥ sākṣī lokasyātmeti kathyate ||
bhūtagrāmaśarīreṣu naśyatsu na vinaśyati ||
ajo nityaḥ śāśvataś ca nirguṇo niṣkalas tathā ||
dvirdvādaśebhyas tattvebhyaḥ khyāto yaḥ pañcaviṃśakaḥ ||
puruṣo niṣkriyaś caiva jñānadṛśyaś ca kathyate ||
yaṃ praviśya bhavantīha muktā vai dvijasattama ||
sa vāsudevo vijñeyaḥ paramātmā sanātanaḥ ||
Нарада сказал: «О Бог, сегодня я немедленно обрёл плод моего тапаса, ямы и ниямы, потому что увидел Тебя, Бхагавана. Самый желанный дар для меня уже получен: я увидел Тебя, вечного Бхагавана, всезрящего льва, имеющего все формы и великую власть». Бхишма сказал: «Так явив Себя Нараде, рождённому от Парамештхина, Господь снова сказал: “Иди, Нарада, не медля. Эти Мои преданные, лунносиятельные, питающиеся не через чувства, сосредоточенно созерцают Меня; пусть для них не будет препятствия. Эти великосчастливые сиддхи прежде были эка́нтиками; освобождённые от тамаса и раджаса, они, несомненно, войдут в Меня. Тот, кто не видим глазом, не осязаем прикосновением, не обоняем запахом и лишён вкуса; тот, кого не достигают саттва, раджас и тамас; тот всепроникающий свидетель, называемый Атманом мира; тот, кто не гибнет, когда гибнут тела сонма существ; нерождённый, вечный, неизменный, вне гун и без частей; тот Пуруша, известный как двадцать пятый сверх дважды двенадцати начал, бездействующий и видимый знанием; тот, войдя в кого здесь становятся освобождёнными, о лучший дваждырождённый, должен быть познан как Васудева, вечная Параматма”».
4386ca0c921d · published Jun 21, 2026, 11:21:25 AM UTC
Available inRUPage between verses with
Нарада не просит отдельного блага, потому что само видение Господа является плодом тапаса. Затем Нараяна раскрывает различие между зримым проявлением и запредельной Параматмой, доступной не чувствам, а знанию и преданности.