वेदांश् च यो वेदयते ऽधिदेवो; विधींश् च यश् चाश्रयते पुराणान् ॥
कामे वेदे लौकिके यत् फलं च; विष्वक्सेने सर्वम् एतत् प्रतीहि ॥
ज्योतींषि शुक्लानि च सर्वलोके; त्रयो लोका लोकपालास् त्रयश् च ॥
त्रयो ऽग्नयो व्याहृतयश् च तिस्रः; सर्वे देवा देवकीपुत्र एव ॥
संवत्सरः स ऋतुः सो ऽर्धमासः; सो ऽहोरात्रः स कला वै स काष्ठाः ॥
मात्रा मुहूर्ताश् च लवाः क्षणाश् च; विष्वक्सेने सर्वम् एतत् प्रतीहि ॥
चन्द्रादित्यौ ग्रहनक्षत्रताराः; सर्वाणि दर्शान्य् अथ पौर्णमास्यः ॥
नक्षत्रयोगा ऋतवश् च पार्थ; विष्वक्सेनात् सर्वम् एतत् प्रसूतम् ॥
रुद्रादित्या वसवो ऽथाश्विनौ च; साध्या विश्वे मरुतां षड् गणाश् च ॥
प्रजापतिर् देवमातादितिश् च; सर्वे कृष्णाद् ऋषयश् चैव सप्त ॥
वायुर् भूत्वा विक्षिपते च विश्वम्; अग्निर् भूत्वा दहते विश्वरूपः ॥
आपो भूत्वा मज्जयते च सर्वं; ब्रह्मा भूत्वा सृजते विश्वसंघान् ॥
वेद्यं च यद् वेदयते च वेदान्; विधिश् च यश् चाश्रयते विधेयान् ॥
धर्मे च वेदे च बले च सर्वं; चराचरं केशवं त्वं प्रतीहि ॥
ज्योतिर्भूतः परमो ऽसौ पुरस्तात्; प्रकाशयन् प्रभया विश्वरूपः ॥
अपः सृष्ट्वा ह्य् आत्मभूर् आत्मयोनिः; पुराकरोत् सर्वम् एवाथ विश्वम् ॥
ऋतून् उत्पातान् विविधान्य् अद्भुतानि; मेघान् विद्युत् सर्वम् ऐरावतं च ॥
सर्वं कृष्णात् स्थावरं जङ्गमं च; विश्वाख्याताद् विष्णुम् एनं प्रतीहि ॥
vedāṃś ca yo vedayate 'dhidevo; vidhīṃś ca yaś cāśrayate purāṇān ||
kāme vede laukike yat phalaṃ ca; viṣvaksene sarvam etat pratīhi ||
jyotīṃṣi śuklāni ca sarvaloke; trayo lokā lokapālās trayaś ca ||
trayo 'gnayo vyāhṛtayaś ca tisraḥ; sarve devā devakīputra eva ||
saṃvatsaraḥ sa ṛtuḥ so 'rdhamāsaḥ; so 'horātraḥ sa kalā vai sa kāṣṭhāḥ ||
mātrā muhūrtāś ca lavāḥ kṣaṇāś ca; viṣvaksene sarvam etat pratīhi ||
candrādityau grahanakṣatratārāḥ; sarvāṇi darśāny atha paurṇamāsyaḥ ||
nakṣatrayogā ṛtavaś ca pārtha; viṣvaksenāt sarvam etat prasūtam ||
rudrādityā vasavo 'thāśvinau ca; sādhyā viśve marutāṃ ṣaḍ gaṇāś ca ||
prajāpatir devamātāditiś ca; sarve kṛṣṇād ṛṣayaś caiva sapta ||
vāyur bhūtvā vikṣipate ca viśvam; agnir bhūtvā dahate viśvarūpaḥ ||
āpo bhūtvā majjayate ca sarvaṃ; brahmā bhūtvā sṛjate viśvasaṃghān ||
vedyaṃ ca yad vedayate ca vedān; vidhiś ca yaś cāśrayate vidheyān ||
dharme ca vede ca bale ca sarvaṃ; carācaraṃ keśavaṃ tvaṃ pratīhi ||
jyotirbhūtaḥ paramo 'sau purastāt; prakāśayan prabhayā viśvarūpaḥ ||
apaḥ sṛṣṭvā hy ātmabhūr ātmayoniḥ; purākarot sarvam evātha viśvam ||
ṛtūn utpātān vividhāny adbhutāni; meghān vidyut sarvam airāvataṃ ca ||
sarvaṃ kṛṣṇāt sthāvaraṃ jaṅgamaṃ ca; viśvākhyātād viṣṇum enaṃ pratīhi ||
«Веды кто возвещает, верховный бог, и установления кто содержит древние, в желании, Веде, мирском какой плод, — в Вишваксене всё это разумей. Светила светлые во всём мире, три мира и хранители мира три, три огня и вьяхрити три, все боги — Деваки-сын лишь. Год — он, пора — он, он полумесяц, он день-и-ночь, он кала, он каштхи, мгновения, мухурты, лавы, кшаны — в Вишваксене всё это разумей. Луна-солнце, планеты, созвездия, звёзды, все новолуния и полнолуния, созвездий соединения и поры, о Партха, — из Вишваксены всё это произошло. Рудры-Адитьи, Васу и Ашвины, Садхьи, Вишведевы, Марутов шесть сонмов, Праджапати, богов-матерь Адити — все от Кришны, и риши семь. Ветром став, колеблет мир; Огнём став, жжёт, вселенско-образный; Водами став, топит всё; Брахмою став, творит мира сонмы. Познаваемое, что и возвещает Веды, и установление кто содержит установляемое, — в дхарме, Веде, силе всё движущееся-недвижное Кешавою ты разумей. Светом ставший, высший Он искони, озаряя сияньем, вселенско-образный; воды сотворив, самосущий, себе-лоно, некогда сделал всё же мироздание. Поры, знамения, разные чудеса, тучи, молнию, всё, и Айравату, — всё от Кришны, недвижное и движущееся; от Вселенским-нарицаемого Вишну его разумей».
b961b8d46a9a · published Jun 22, 2026, 6:50:00 AM UTC
Available inRUPage between verses with
Гимн достигает предельной полноты: всё есть Вишваксена-Кришна. Веды и их плод, светила, три мира и их хранители, три огня и три вьяхрити — и звучит сокровеннейшее: «все боги — лишь Деваки-сын (devakī-putra eva)». Время во всех его мерах — год, поры, дни, мгновения; светила и созвездия; Рудры, Адитьи, Васу, Ашвины, Маруты, Праджапати, Адити, семь риши — всё «от Кришны». Став Ветром, Он колеблет; Огнём — жжёт; Водами — топит; Брахмою — творит. Знаменательно это имя — «Деваки-сын»: не отвлечённый Абсолют, а Дитя, Младенец Враджа, наречён единою Реальностью за всяким богом, всякой стихией, всяким часом времени. В свете преданности здесь сердце откровения: сын Деваки, любимый Господь, и есть Абсолют; за бесчисленностью имён и форм сияет один сладчайший Лик. Узнать это — значит зреть во всём Кешаву и любить Его как близкого.