Vasu
तत्फलं लभते मर्त्यो गङ्गास्नानान्न संशयः ॥ महापातकसंयुक्तो युक्तो वा सर्वपातकैः
गङ्गास्नानेन विधिवन्मुच्यते सर्वपातकैः ॥ गङ्गा स्नानात्परं स्नानं न भूतं न भविष्यति
विशेषतः कलियुगे पापं हरति जाह्नवी ॥ निहत्य कामजान्दोषान्कायवाक्चित्तसंभवान्
गङ्गास्नानेन भक्त्या तु मोदते दिवि देववत् ॥ वर्षं स्नाति च गंगायां यो नरो भक्तिसंयुतः
तस्य स्याद्वैष्णवे लोके स्थितिः कल्पं न संशयः ॥ आमृत्युं स्नाति गंगायां यो नरो नित्यमेव च
समस्तपापनिमुक्तः समस्तकुलसंयुतः ॥ समस्तभोगसंयुक्तो विष्णुलोके महीयते
परार्द्धद्वितयं यावन्नात्र कार्या विचारणा ॥ गंगायां स्नाति यो मर्त्यो नैरंतर्येण नित्यदा
जीवन्मुक्तः स चात्रैव मृतो विष्णुपदं व्रजेत् ॥ प्रातःस्नानाद्दशगुणं पुण्यं मध्यंदिने स्मृतम्
सायंकाले शतगुणमनन्तं शिवसन्निधौ ॥ कपिलाकोटिदानाद्धि गंगास्नानं विशिष्यते
कुरुक्षेत्रसमा गंगा यत्र तत्रावगाहिता ॥ हरिद्वारे प्रयागे च सिंधुसंगे फलाधिका
ये मदीयांशुसंतप्ते जले ते स्नांति जाह्नवि ॥ ते भित्वा मंडलं यांति मोक्षं चेति रवेर्वचः
यो गृहे स्वे स्थितोऽपि त्वां स्नाने संकीर्तयिष्यति ॥ सोऽपि यास्यति नाकं वै इत्याह वरुणश्च ताम्
tatphalaṃ labhate martyo gaṅgāsnānānna saṃśayaḥ || mahāpātakasaṃyukto yukto vā sarvapātakaiḥ
gaṅgāsnānena vidhivanmucyate sarvapātakaiḥ || gaṅgā snānātparaṃ snānaṃ na bhūtaṃ na bhaviṣyati
viśeṣataḥ kaliyuge pāpaṃ harati jāhnavī || nihatya kāmajāndoṣānkāyavākcittasaṃbhavān
gaṅgāsnānena bhaktyā tu modate divi devavat || varṣaṃ snāti ca gaṃgāyāṃ yo naro bhaktisaṃyutaḥ
tasya syādvaiṣṇave loke sthitiḥ kalpaṃ na saṃśayaḥ || āmṛtyuṃ snāti gaṃgāyāṃ yo naro nityameva ca
samastapāpanimuktaḥ samastakulasaṃyutaḥ || samastabhogasaṃyukto viṣṇuloke mahīyate
parārddhadvitayaṃ yāvannātra kāryā vicāraṇā || gaṃgāyāṃ snāti yo martyo nairaṃtaryeṇa nityadā
jīvanmuktaḥ sa cātraiva mṛto viṣṇupadaṃ vrajet || prātaḥsnānāddaśaguṇaṃ puṇyaṃ madhyaṃdine smṛtam
sāyaṃkāle śataguṇamanantaṃ śivasannidhau || kapilākoṭidānāddhi gaṃgāsnānaṃ viśiṣyate
kurukṣetrasamā gaṃgā yatra tatrāvagāhitā || haridvāre prayāge ca siṃdhusaṃge phalādhikā
ye madīyāṃśusaṃtapte jale te snāṃti jāhnavi || te bhitvā maṃḍalaṃ yāṃti mokṣaṃ ceti ravervacaḥ
yo gṛhe sve sthito'pi tvāṃ snāne saṃkīrtayiṣyati || so'pi yāsyati nākaṃ vai ityāha varuṇaśca tām
тот плод обретает смертный от омовения в Ганге, нет сомнения. Соединённый с великим грехом или со всеми грехами омовением в Ганге по уставу освобождается от всех грехов. Выше омовения в Ганге омовения не было и не будет. В особенности же в Кали-югу уносит грех Джахнави, сразив пороки, рождённые от желания, возникшие телом, речью и умом. Омовением в Ганге с преданностью радуется человек на небе, как бог. Кто, наделённый преданностью, год омывается в Ганге, у того да будет пребывание в мире Вишну на кальпу, нет сомнения. Кто до самой смерти всегда омывается в Ганге, тот, свободный от всех грехов, со всем родом вместе, наделённый всеми благами, почитается в мире Вишну два парардхи, — не должно здесь творить сомнения. Смертный, что омывается в Ганге непрерывно и всегда, — тот освобождён уже при жизни, и здесь же, умерши, да идёт в обитель Вишну. Благо утреннего омовения десятикратно в полдень, помнится; в вечернюю пору стократно и бесконечно вблизи Шивы. Омовение в Ганге превосходит даяние коти бурых коров. Ганга равна Курукшетре, где бы в неё ни погружались; в Харидваре, в Праяге и при слиянии с океаном она обильнее плодом. «Кто омывается в воде, нагретой моими лучами, о Джахнави, те, пробив круг, идут к освобождению» — таково слово Солнца. «И кто, пребывая в своём доме, будет возглашать тебя при омовении, и он пойдёт на небо», — так сказал ей Варуна.
iti śrībṛhannāradīyapurāṇottarabhāge mohinīcarite gaṅgāsnānamāhātmyaṃ nāmaikonacatvāriṃśo 'dhyāyaḥ
facabb893bfa · published Sep 6, 2026, 12:34:48 PM UTC
Available inRUPage between verses with
Ряд обещаний доведён до предела и там же ограничен временем: год — кальпа, вся жизнь — два парардхи. Даже величайшее здесь имеет срок, и только освобождение при жизни названо без числа.
Часы расписаны по возрастанию — утро, полдень, вечер, — но это не отменяет утреннего правила из прежней главы. Одно говорит о должном, другое о возможном.
Замыкают главу два свидетельства — Солнца и Варуны, владык жара и воды. Последнее из них самое щедрое: довольно и дома возгласить имя при обычном омовении.