Mohinī
अथ मथुरामाहात्म्यमारभ्यते ॥ श्रुतं ह्यवंत्या माहात्म्यं वसो पापहरं नृणाम् ॥ अधुना श्रोतुमिच्छामि माहात्म्यं मथुराभवम्
श्रृणु मोहिनि वक्ष्यामि मथुरायाः शुभावहम् ॥ वैभवं यत्र भगवाञ्जातः पद्मभुवार्थितः
आविर्भूय विभुस्तत्र संप्राप्तो नंदगोकुलम् ॥ तत्र स्थित्वाखिलाः क्रीडाश्चकार सहगोपकैः
हत्वा च कंसप्रहितान्पूतनादीन्निशाचरान् ॥ विजहार स गोपीभिर्वनेषु द्वादशस्वपि
वनेषु यानि तीर्थानि संति यानि च माथुरे ॥ तानि तेऽहं प्रवक्ष्यामि श्रृणु मोहिनि सांप्रतम्
आद्यं मधुवनं नाम स्नातो यत्र नरोत्तमः ॥ संतर्प्य देवर्षिपितॄन्विष्णुलोके महीयते
अथ तालाह्वयं देवि द्वितीयं वनमुत्तमम् ॥ यत्र स्नातो नरो भक्त्वा कृतकृत्यः प्रजायते
कुमुदाख्यं तृतीयं तु यत्र स्नात्वा सुलोचने ॥ लभते वांछितान्कामानिहामुत्र च मोदते
ततः काम्यवनं नाम चतुर्थं परिकीर्तितम् ॥ बहुतीर्थान्वितं यत्र गत्वा स्याद्विष्णुलोकभाक्
यत्तत्र विमलं कुंडं सर्वतीर्थोत्तमोत्तमम् ॥ तत्र स्नातो नरो भद्रे लभते वैष्णवं पदम्
पंचमं बहुलाख्यं तु वनं पापविनाशनम् ॥ यत्र स्नातस्तु मनुजः सर्वान्कामानवाप्नुयात्
atha mathurāmāhātmyamārabhyate || śrutaṃ hyavaṃtyā māhātmyaṃ vaso pāpaharaṃ nṛṇām || adhunā śrotumicchāmi māhātmyaṃ mathurābhavam
śrṛṇu mohini vakṣyāmi mathurāyāḥ śubhāvaham || vaibhavaṃ yatra bhagavāñjātaḥ padmabhuvārthitaḥ
āvirbhūya vibhustatra saṃprāpto naṃdagokulam || tatra sthitvākhilāḥ krīḍāścakāra sahagopakaiḥ
hatvā ca kaṃsaprahitānpūtanādīnniśācarān || vijahāra sa gopībhirvaneṣu dvādaśasvapi
vaneṣu yāni tīrthāni saṃti yāni ca māthure || tāni te'haṃ pravakṣyāmi śrṛṇu mohini sāṃpratam
ādyaṃ madhuvanaṃ nāma snāto yatra narottamaḥ || saṃtarpya devarṣipitṝnviṣṇuloke mahīyate
atha tālāhvayaṃ devi dvitīyaṃ vanamuttamam || yatra snāto naro bhaktvā kṛtakṛtyaḥ prajāyate
kumudākhyaṃ tṛtīyaṃ tu yatra snātvā sulocane || labhate vāṃchitānkāmānihāmutra ca modate
tataḥ kāmyavanaṃ nāma caturthaṃ parikīrtitam || bahutīrthānvitaṃ yatra gatvā syādviṣṇulokabhāk
yattatra vimalaṃ kuṃḍaṃ sarvatīrthottamottamam || tatra snāto naro bhadre labhate vaiṣṇavaṃ padam
paṃcamaṃ bahulākhyaṃ tu vanaṃ pāpavināśanam || yatra snātastu manujaḥ sarvānkāmānavāpnuyāt
Теперь начинается величие Матхуры. «Услышано величие Аванти, о Васу, уносящее людям грех; ныне желаю слышать величие, касающееся Матхуры». — «Слушай, о Мохини, поведаю приносящее благо величие Матхуры, где родился Владыка, упрошенный лотосорождённым. Явившись, вездесущий пришёл там в Гокулу Нанды и, пребывая там, совершал все игры вместе с пастушками; убив посланных Кансою Путану и прочих ночных бродяг, играл он с пастушками во всех двенадцати лесах. Какие тиртхи есть в тех лесах и какие в Матхуре — их я тебе поведаю; слушай ныне, о Мохини. Первый — по имени Мадхуван, где омывшийся, лучший из людей, насытив богов, риши и предков, величается в мире Вишну. Затем второй превосходный лес, зовомый Талою, о богиня, где омывшийся с преданностью человек становится исполнившим должное. Третий же, именуемый Кумудою, где омывшийся, о прекрасноокая, обретает желанное и здесь, и там, и радуется. Затем четвёртым назван Камьяван, наделённый многими тиртхами, придя куда, да будет человек причастен миру Вишну. Тот пруд Вимала, что там, — наилучший из всех тиртх; омывшийся там человек, о благая, обретает обитель Вишну. Пятый — лес, именуемый Бахулою, уничтожающий грехи, где омывшийся человек да обретёт все желания.
db23c66cc763 · published Sep 6, 2026, 7:30:15 PM UTC
Available inRUPage between verses with
Матхура введена не как тиртха среди прочих, а как место рождения: с первого стиха сказано, зачем всё это перечисляется. Двенадцать лесов — не список вод, а места игр.
Сказано, что Владыка явился по просьбе лотосорождённого. Приход связан не с бедою мира вообще, а с тем, что о нём попросили.
Плод здесь почти всюду один — обитель Вишну, а не небо и не долголетие. Перечень идёт по той же схеме, что в других главах, но награда сменилась.