यः कृत्वापुष्करे संध्यां सावित्रीं समुपासिता । स्वपत्नी हस्त दत्तेन पौष्करेण जलेन तु
भृंगारेण वरेणैव मृण्मयेनापि शङ्कर । आनीय तज्जलं पुण्यं संध्योपास्तिर्दिनक्षये
समाधिना समाधेया सप्राणायामपूर्विका । तस्यां कृतायां यत्पुण्यं तच्छृणुष्व हराद्यमे
तेन द्वादशवर्षाणि भवेत्संध्या सुवंदिता । अश्वमेधफलं स्नाने दाने दशगुणं तथा
उपवासे प्यनंतं च स्वयं प्रोक्तं मयानघ । सावित्र्याः पुरतो यस्तु दंपत्योभोजनं ददेत्
तेनाहं भोजितस्तत्र भवामीह न संशय: । द्वितीयं भोजयेद्यस्तु भोजितस्तेन केशवः
लक्ष्मीसहायो वरदो वरांस्तस्य प्रयच्छति । उमासहायस्तार्तीये भोजितोसि न संशयः
अथवा या कुमारीणां भक्त्या दद्याच्च भोजनम् । तस्याः कुले भवेद्वंध्या न कदाचिच्च दुर्भगा
न कन्या जननी क्वापि न भर्तुर्या न वल्लभा । तस्मात्सर्वप्रयत्नेन सावित्र्यग्रे तु भोजनम्
पारत्रमैहिकं वापि कामयद्धिर्नरैः सदा । दातव्यं सर्वदा भीष्म कटुतैलविवर्जितम्
न चाम्लं न च वै क्षारं स्त्रीणां भोज्यं कदाचन । भक्ष्यं पंचप्रकारं च रसैः सर्वैः सुसंस्कृतम्
घृतपूर्यं सुपक्वाश्च बहुक्षीरसमन्विताः । शिखरिणी तथा पेया दधिक्षीरसमन्विता
आह्लादकारिणी पुंसां स्त्रीणां चातीव वल्लभा । धनधान्यांजनोपेतं नारीणां च शतांकुलम्
पूपकं शष्कुलं तस्यां जायते नात्र संशयः । न ज्वरो न च संतापो न दुःखं न वियोगिता
असौ तारयते स्वानां कुलानामेकविंशतिम् । बंधुभिश्च सुतैश्चैव दासीदासैरनंतकैः
पूरितं च कुलं तस्याः पूरिकां या प्रदास्यति । एधते च चिरं कालं पुत्र पौत्रसमन्वितम्
कुलं च सकलं तस्य शष्कुलं यः प्रयच्छति । पुत्रिण्यो वै दुहितरो बंधुभिः सहितं कुलम्
शिखरिणीप्रदात्रीणां युवतीनां न संशयः । मोदते तु कुलं तस्याः सर्वसिद्धिप्रपूरितम्
मोदकानां प्रदानेन एवमाह प्रजापतिः । एतदेव तु गौरीणां भोजनं हर शस्यते
सुभगा पुत्रिणी साध्वी धनऋद्धिसमन्विता । सहस्रभोजिनी शंभो जन्मजन्म भविष्यति
पूपानि चैव पुण्यानि कृतानि मधुराणि च । द्राक्षारसप्रधानं च गुडखंडसमन्वितम्
शारदेन तु धान्येन कृत्वा खंडं विमिश्रितम् । स्त्रीणां चैव तु पेयानि भक्ष्याणि च द्विजन्मनाम्
इह चाविकवासांसि वर्षायोग्ययानि सर्वशः । यानि यानि च पेयानि तानि योग्यानि दापयेत्
प्रतिपूज्य विधानेन वसुदानैः सकञ्जुकैः । कुंकुमेनानुलिप्तांग्यः स्रग्दामभिरलंकृताः
दत्वा तूपानहावंघ्रयोर्नारिकेलं करे तथा । अक्ष्णोश्चैवांजनं दत्वा सिंदूरं चैव मस्तके
गुडं फलानि हृद्यानि वांछितानि मृदूनि च । हस्ते दत्वा सपात्राणि प्रणिपत्य विसर्जयेत्
स्वयं भुंजीत वै पश्चात्सबंधुर्बालकैः सह । अथवा नैव संपत्तिस्तीर्थे दानं च भाजनम्
गृहे गतः प्रदास्यामि हृष्टो देव प्रसीद मे । एवमेव पितृणां च आगत्य स्वीयमंदिरे
पिंडप्रदानपूर्वं तु श्राद्धं कुर्याद्विधानतः । पितरस्तस्य वै तृप्ता भवंति ब्रह्मणो दिनम्
तीर्थादष्टगुणं पुण्यं स्वगृहे ददतां शिव । न च पश्यंति वै नीचाः श्राद्धं द्विजातिभिः कृतम्
एकांते तु गृहे गुप्ते पितॄणां श्राद्धमिष्यते । नीचदृष्ट्याहतं तच्च पितॄन्नैवोपतिष्ठति
तस्मात्सर्वप्रयत्मेन श्राद्धं गुप्तं च कारयेत् । पितृणां तृप्तिदं प्रोक्तं स्वयमेव स्वयंभुवा
गौरीभक्त्याधिकाया तु शस्ताज्ञातक्रिया तु सा । राजसी मनसा ज्ञाता जनानां कीर्तिदायिनी
गुप्तं दानं सदा देयमात्मनो हितमिच्छता । पक्वान्नं दृश्यतामेति दीयमानं जनै भुवि
दृश्यमानं तु तत्तुष्ट्यै दृश्यते नेह कर्हिचित् । एकस्मिन्भोजिते विप्रे कोटिर्भवति भोजिता
भवने नात्र संदेह: सत्यं पौराणिकं वचः । तीर्थे तु ब्राह्मणं नैव परीक्षेत कथंचन
अन्नार्थिनमनुप्राप्तं भोज्यं तं मनुरब्रवीत् । सक्तुभिः पिंडदानं च संयावैः पायसेन वा
कर्तव्यमृषिभिर्दृष्टं पिण्याकेनैंगुदेन वा । तिलपिण्याककैर्देयं भक्तिमद्भिर्नरैः सदा
श्राद्धं तत्र तु कर्तव्यमर्घ्यावाहनवर्जितम् । स्वधां तु गृध्राः काका वा नैव दृश्या हरंति ते
श्राद्ध तत्तैर्थिकं प्रोक्तं पितृणां तृप्तिदं परम् । कर्तव्यं तत्प्रयत्नेन भक्तिरेवात्र कारणम्
भक्त्या तुष्यंति पितरस्तुष्टाः कामान्दिशंति ते । पुत्रं पौत्रं धनं धान्यं कामान्यान्मनसेच्छति
भक्त्या चाराधितो दद्याज्जनानां प्रीतः पितामहः । अकालेऽपि अथ काले वा तीर्थे श्राद्धं सदा नरैः
प्राप्त रेव सदा स्नानं कर्तव्यं पितृतर्पणम् । पिंडदानं च कर्तव्यं पितृणां चाति बल्लभम्
पितरो हि निरीक्षन्ते गोत्रजं समुपागतम् । आशया परया युक्ताः कांक्षंत्सलिलं च ते
विलम्बो नैव कर्तव्यो नैव विघ्नं समाचरेत् । अच्छिन्ना सन्ततिस्तेषां सदा कालं भविष्यति
पितरः पुत्रदातारं वृद्धिश्राद्धभिकांक्षिण: । तेन ते सन्ततिच्छेदं न कुर्वन्ति हि कर्हिचित्
अतः श्राद्धं पुरा प्रोक्तं स्वयमेव स्वयंभुवा । गुणोत्तरं तु यत्कार्यं द्विजैः पितृपरायणैः
तीर्थे क्षेत्रे गृहे वापि संक्रांतौ ग्रहणेपि वा । विषुवे अयने चापि जन्मर्क्षे च प्रपीडिते
एतान्वै श्राद्धकालांस्तु पुरा स्वायंभुवोऽब्रवीत् । कृते श्राद्धेन वै पुंसां पीडा भवति देहजा
तदा पुत्रकृतं वापि सर्वं त्यजति दुष्कृतम् । यथा न भविता पीडा ग्रहचोरनृपादिकात्
दुष्कृतं नश्यते सर्व परत्र च गतिं शुभाम् । लभते नात्र सन्देहः प्रजापतिवचो यथा
कृते युगे पुष्कराणि त्रेतायां नैमिषं स्मृतम् । द्वापरे च कुरुक्षेत्रं कलौ गङ्गां समाश्रयेत्
दुष्करः पुष्करे वासो दुष्करं पुष्करे तपः । यदन्यत्र कृतं पापं तीर्थे तद्याति लाघवम्
न तीर्थकृतमन्यत्र क्वचित्पापं व्यपोहति । सायं प्रातः स्मरेद्यस्तु पुष्कराणि कृताञ्जलिः
उपस्पृष्टं भवेत्तेन सर्वतीर्थेषु भारत । सायं प्रातरुपस्पृश्य पुष्करे नियतेन्द्रियः
क्रतून्सर्वानवाप्नोति ब्रह्मलोकं च गच्छति । द्वादशाब्दं द्वादशाहं मासं मासार्धमेव च
यो वसेत्पुष्करे नित्यं स गच्छेत्परमां गतिम् । सर्वेषामेव लोकानां ब्रह्मलोकोपरि स्थितः
य इच्छेत्पुष्करं गन्तुं सोनुसेवेत पुष्करम् । यथालोमविलोमाभ्यां तथा व्यस्तसमस्तयोः
स्नातस्तु पुष्करे सम्यक् कोट्याश्च फलमश्नुते । विधिवत्क्रियमाणेषु सर्वतीर्थेषु यत्फलम्
yaḥ kṛtvāpuṣkare saṃdhyāṃ sāvitrīṃ samupāsitā | svapatnī hasta dattena pauṣkareṇa jalena tu
bhṛṃgāreṇa vareṇaiva mṛṇmayenāpi śaṅkara | ānīya tajjalaṃ puṇyaṃ saṃdhyopāstirdinakṣaye
samādhinā samādheyā saprāṇāyāmapūrvikā | tasyāṃ kṛtāyāṃ yatpuṇyaṃ tacchṛṇuṣva harādyame
tena dvādaśavarṣāṇi bhavetsaṃdhyā suvaṃditā | aśvamedhaphalaṃ snāne dāne daśaguṇaṃ tathā
upavāse pyanaṃtaṃ ca svayaṃ proktaṃ mayānagha | sāvitryāḥ purato yastu daṃpatyobhojanaṃ dadet
tenāhaṃ bhojitastatra bhavāmīha na saṃśaya: | dvitīyaṃ bhojayedyastu bhojitastena keśavaḥ
lakṣmīsahāyo varado varāṃstasya prayacchati | umāsahāyastārtīye bhojitosi na saṃśayaḥ
athavā yā kumārīṇāṃ bhaktyā dadyācca bhojanam | tasyāḥ kule bhavedvaṃdhyā na kadācicca durbhagā
na kanyā jananī kvāpi na bharturyā na vallabhā | tasmātsarvaprayatnena sāvitryagre tu bhojanam
pāratramaihikaṃ vāpi kāmayaddhirnaraiḥ sadā | dātavyaṃ sarvadā bhīṣma kaṭutailavivarjitam
na cāmlaṃ na ca vai kṣāraṃ strīṇāṃ bhojyaṃ kadācana | bhakṣyaṃ paṃcaprakāraṃ ca rasaiḥ sarvaiḥ susaṃskṛtam
ghṛtapūryaṃ supakvāśca bahukṣīrasamanvitāḥ | śikhariṇī tathā peyā dadhikṣīrasamanvitā
āhlādakāriṇī puṃsāṃ strīṇāṃ cātīva vallabhā | dhanadhānyāṃjanopetaṃ nārīṇāṃ ca śatāṃkulam
pūpakaṃ śaṣkulaṃ tasyāṃ jāyate nātra saṃśayaḥ | na jvaro na ca saṃtāpo na duḥkhaṃ na viyogitā
asau tārayate svānāṃ kulānāmekaviṃśatim | baṃdhubhiśca sutaiścaiva dāsīdāsairanaṃtakaiḥ
pūritaṃ ca kulaṃ tasyāḥ pūrikāṃ yā pradāsyati | edhate ca ciraṃ kālaṃ putra pautrasamanvitam
kulaṃ ca sakalaṃ tasya śaṣkulaṃ yaḥ prayacchati | putriṇyo vai duhitaro baṃdhubhiḥ sahitaṃ kulam
śikhariṇīpradātrīṇāṃ yuvatīnāṃ na saṃśayaḥ | modate tu kulaṃ tasyāḥ sarvasiddhiprapūritam
modakānāṃ pradānena evamāha prajāpatiḥ | etadeva tu gaurīṇāṃ bhojanaṃ hara śasyate
subhagā putriṇī sādhvī dhanaṛddhisamanvitā | sahasrabhojinī śaṃbho janmajanma bhaviṣyati
pūpāni caiva puṇyāni kṛtāni madhurāṇi ca | drākṣārasapradhānaṃ ca guḍakhaṃḍasamanvitam
śāradena tu dhānyena kṛtvā khaṃḍaṃ vimiśritam | strīṇāṃ caiva tu peyāni bhakṣyāṇi ca dvijanmanām
iha cāvikavāsāṃsi varṣāyogyayāni sarvaśaḥ | yāni yāni ca peyāni tāni yogyāni dāpayet
pratipūjya vidhānena vasudānaiḥ sakañjukaiḥ | kuṃkumenānuliptāṃgyaḥ sragdāmabhiralaṃkṛtāḥ
datvā tūpānahāvaṃghrayornārikelaṃ kare tathā | akṣṇoścaivāṃjanaṃ datvā siṃdūraṃ caiva mastake
guḍaṃ phalāni hṛdyāni vāṃchitāni mṛdūni ca | haste datvā sapātrāṇi praṇipatya visarjayet
svayaṃ bhuṃjīta vai paścātsabaṃdhurbālakaiḥ saha | athavā naiva saṃpattistīrthe dānaṃ ca bhājanam
gṛhe gataḥ pradāsyāmi hṛṣṭo deva prasīda me | evameva pitṛṇāṃ ca āgatya svīyamaṃdire
piṃḍapradānapūrvaṃ tu śrāddhaṃ kuryādvidhānataḥ | pitarastasya vai tṛptā bhavaṃti brahmaṇo dinam
tīrthādaṣṭaguṇaṃ puṇyaṃ svagṛhe dadatāṃ śiva | na ca paśyaṃti vai nīcāḥ śrāddhaṃ dvijātibhiḥ kṛtam
ekāṃte tu gṛhe gupte pitṝṇāṃ śrāddhamiṣyate | nīcadṛṣṭyāhataṃ tacca pitṝnnaivopatiṣṭhati
tasmātsarvaprayatmena śrāddhaṃ guptaṃ ca kārayet | pitṛṇāṃ tṛptidaṃ proktaṃ svayameva svayaṃbhuvā
gaurībhaktyādhikāyā tu śastājñātakriyā tu sā | rājasī manasā jñātā janānāṃ kīrtidāyinī
guptaṃ dānaṃ sadā deyamātmano hitamicchatā | pakvānnaṃ dṛśyatāmeti dīyamānaṃ janai bhuvi
dṛśyamānaṃ tu tattuṣṭyai dṛśyate neha karhicit | ekasminbhojite vipre koṭirbhavati bhojitā
bhavane nātra saṃdeha: satyaṃ paurāṇikaṃ vacaḥ | tīrthe tu brāhmaṇaṃ naiva parīkṣeta kathaṃcana
annārthinamanuprāptaṃ bhojyaṃ taṃ manurabravīt | saktubhiḥ piṃḍadānaṃ ca saṃyāvaiḥ pāyasena vā
kartavyamṛṣibhirdṛṣṭaṃ piṇyākenaiṃgudena vā | tilapiṇyākakairdeyaṃ bhaktimadbhirnaraiḥ sadā
śrāddhaṃ tatra tu kartavyamarghyāvāhanavarjitam | svadhāṃ tu gṛdhrāḥ kākā vā naiva dṛśyā haraṃti te
śrāddha tattairthikaṃ proktaṃ pitṛṇāṃ tṛptidaṃ param | kartavyaṃ tatprayatnena bhaktirevātra kāraṇam
bhaktyā tuṣyaṃti pitarastuṣṭāḥ kāmāndiśaṃti te | putraṃ pautraṃ dhanaṃ dhānyaṃ kāmānyānmanasecchati
bhaktyā cārādhito dadyājjanānāṃ prītaḥ pitāmahaḥ | akāle'pi atha kāle vā tīrthe śrāddhaṃ sadā naraiḥ
prāpta reva sadā snānaṃ kartavyaṃ pitṛtarpaṇam | piṃḍadānaṃ ca kartavyaṃ pitṛṇāṃ cāti ballabham
pitaro hi nirīkṣante gotrajaṃ samupāgatam | āśayā parayā yuktāḥ kāṃkṣaṃtsalilaṃ ca te
vilambo naiva kartavyo naiva vighnaṃ samācaret | acchinnā santatisteṣāṃ sadā kālaṃ bhaviṣyati
pitaraḥ putradātāraṃ vṛddhiśrāddhabhikāṃkṣiṇa: | tena te santaticchedaṃ na kurvanti hi karhicit
ataḥ śrāddhaṃ purā proktaṃ svayameva svayaṃbhuvā | guṇottaraṃ tu yatkāryaṃ dvijaiḥ pitṛparāyaṇaiḥ
tīrthe kṣetre gṛhe vāpi saṃkrāṃtau grahaṇepi vā | viṣuve ayane cāpi janmarkṣe ca prapīḍite
etānvai śrāddhakālāṃstu purā svāyaṃbhuvo'bravīt | kṛte śrāddhena vai puṃsāṃ pīḍā bhavati dehajā
tadā putrakṛtaṃ vāpi sarvaṃ tyajati duṣkṛtam | yathā na bhavitā pīḍā grahacoranṛpādikāt
duṣkṛtaṃ naśyate sarva paratra ca gatiṃ śubhām | labhate nātra sandehaḥ prajāpativaco yathā
kṛte yuge puṣkarāṇi tretāyāṃ naimiṣaṃ smṛtam | dvāpare ca kurukṣetraṃ kalau gaṅgāṃ samāśrayet
duṣkaraḥ puṣkare vāso duṣkaraṃ puṣkare tapaḥ | yadanyatra kṛtaṃ pāpaṃ tīrthe tadyāti lāghavam
na tīrthakṛtamanyatra kvacitpāpaṃ vyapohati | sāyaṃ prātaḥ smaredyastu puṣkarāṇi kṛtāñjaliḥ
upaspṛṣṭaṃ bhavettena sarvatīrtheṣu bhārata | sāyaṃ prātarupaspṛśya puṣkare niyatendriyaḥ
kratūnsarvānavāpnoti brahmalokaṃ ca gacchati | dvādaśābdaṃ dvādaśāhaṃ māsaṃ māsārdhameva ca
yo vasetpuṣkare nityaṃ sa gacchetparamāṃ gatim | sarveṣāmeva lokānāṃ brahmalokopari sthitaḥ
ya icchetpuṣkaraṃ gantuṃ sonuseveta puṣkaram | yathālomavilomābhyāṃ tathā vyastasamastayoḥ
snātastu puṣkare samyak koṭyāśca phalamaśnute | vidhivatkriyamāṇeṣu sarvatīrtheṣu yatphalam
«Кто, совершив в Пушкаре сандхью, почтил Савитри водою Пушкары, поданной рукою своей жены, — прекрасным кувшином или хотя бы глиняным, о Шанкара, — принеся ту святую воду; и почитание сандхьи на исходе дня должно быть совершено с сосредоточением, с предшествующей пранаямой. Слушай, о Хара, какая заслуга при этом: этим двенадцать лет сандхья бывает хорошо почтённой; при омовении — плод ашвамедхи, при даянии — десятикратный, а при посте — бесконечный: сам я это сказал, о безгрешный.
Кто пред Савитри подаст угощение супругам, тем я там накормлен — нет сомнения; кто накормит второй раз — тем накормлен Кешава, и он вместе с Лакшми дарует ему дары; в третий раз ты накормлен вместе с Умою, нет сомнения. Или же которая с преданностью подаст угощение девицам — в её роду не будет ни бесплодной, ни когда-либо несчастной, ни девы, что нигде не станет матерью, ни нелюбимой мужем. Потому всем усердием пред Савитри угощение всегда должно быть подано людьми, желающими здешнего или загробного, о Бхишма, — без горького масла. Ни кислое, ни солёное никогда не пища для женщин: яство пятивидное, хорошо приготовленное со всеми вкусами, с гхи, хорошо пропечённое, с обилием молока; шикхарини и питьё с простоквашею и молоком — отрадное мужам и весьма милое женщинам, с богатством, зерном и сурьмою, стократно.
Пирожок и лепёшку — и не бывает у неё ни лихорадки, ни жара, ни горя, ни разлуки; она переправляет двадцать один свой род. Наполнен род у той, что подаст пурику, — с роднёю, сыновьями и бесчисленными рабынями и рабами, и долгое время процветает с сыновьями и внуками. Весь род у того, кто подаёт лепёшку: дочери с сыновьями и род вместе с роднёю. У юных жён, подающих шикхарини, — нет сомнения — радуется род, полный всякого успеха; и подаянием модаков, — так сказал Владыка тварей. Это же угощение хвалится и для юных, о Хара: счастливой, с сыновьями, добродетельной, с богатством и достатком, кормящей тысячу, о Шамбху, будет она из рождения в рождение. Пирожки святые, сделанные сладкими, с виноградным соком, с патокою и сахаром, сахар, смешанный с осенним зерном, — питьё для женщин и яства для дваждырождённых. И здесь шерстяные одежды, годные для дождей, всячески; и какое питьё подобает, то пусть велит подать.
Почтив по уставу дарами добра с кофтами, умащённых кункумою, украшенных венками, дав обувь на ноги и кокос в руку, сурьму на глаза и синдур на темя, патоку и плоды приятные, желанные и мягкие, дав в руку с сосудами, поклонившись, пусть отпустит; сам же пусть ест потом, с роднёю и детьми. А если нет достатка на даяние и угощение в тиртхе, — „придя домой, подам радостный; будь милостив ко мне, о боже“. Так же и предкам: придя в свой дом, пусть совершит шраддху по уставу, начиная с подношения пинд, — и предки его насыщены на день Брахмы. У подающих в своём доме заслуга восьмикратна против тиртхи, о Шива, и не видят низкие шраддху, совершённую дваждырождёнными.
В уединении, в укрытом доме желаема шраддха предкам: поражённая взглядом низкого, она не доходит до предков. Потому всем усердием пусть велит совершить шраддху укрытой — так сказано Самосущим, и она даёт насыщение предкам. Незамеченное действие хвалимо у той, чья преданность Гаури превосходна; знаемое же умом — страстное, дающее людям славу. Тайное даяние всегда должно даваться желающим себе блага; варёная пища, подаваемая людьми на земле, идёт на виду, — а видимое ради их довольства здесь никогда не видится. Одним накормленным брахманом бывает накормлена коти — в доме, и нет здесь сомнения: истинно пураническое слово. В тиртхе же брахмана пусть никак не испытывает: пришедшего, ищущего пищи, должно накормить — так сказал Ману.
Подношение пинд толокном, саньявою или паясом должно совершаться — так усмотрено мудрецами, — или жмыхом ингудовым; кунжутным жмыхом должно даваться преданными людьми всегда. Шраддху там должно совершать без аргхьи и призывания; и свадху коршуны или вороны, невидимые, не уносят. Шраддха тиртховая названа высшею, дающею предкам насыщение; её должно совершать с усердием — преданность здесь причина. Преданностью довольны предки, а довольные — дают желанное: сына, внука, богатство, зерно и что ещё желает ум. Умилостивленный преданностью, довольный Прародитель подаёт людям. И не в срок, и в срок в тиртхе шраддха всегда людьми — пришедшему всегда должно совершать омовение и насыщение предков; и подношение пинд должно совершать, весьма любезное предкам. Ведь предки высматривают пришедшего рождённого в их роду, полные высшей надежды, чающие воды. Промедления не должно быть, и пусть не чинит помехи: непрерывным будет потомство их на все времена. Предки чают дающего сына и вриддхи-шраддху, и потому они никогда не пресекают потомства.
Потому шраддха издревле сказана самим Самосущим, и превосходное это дело должно совершаться дваждырождёнными, преданными предкам: в тиртхе, в кшетре или дома, при санкранти или при затмении, в равноденствие и в солнцеворот, и при удручённой звезде рождения. Эти времена шраддхи издревле назвал Сваямбхува. Когда шраддха совершена, телесная беда у людей — тогда всё злодеяние, и сыном совершённое, покидает его, так что не будет беды ни от планет, ни от воров, ни от царей; гибнет всё злодеяние, а в ином мире он обретает благой путь, — нет здесь сомнения, как слово Праджапати.
В Крита-югу — Пушкары, в Трету помнится Наймиша, в Двапару — Курукшетра, а в Кали пусть примет прибежищем Гангу. Труден в Пушкаре житьё, труден в Пушкаре подвиг; грех, совершённый в ином месте, в тиртхе идёт к облегчению, а совершённый в тиртхе нигде не устраняется. Кто вечером и утром вспомнит Пушкары со сложенными ладонями, тем совершено прикосновение к воде во всех тиртхах, о Бхарата. Вечером и утром коснувшись воды в Пушкаре, обуздавший чувства обретает все жертвы и достигает мира Брахмы. Двенадцать лет, двенадцать дней, месяц или полмесяца кто постоянно проживёт в Пушкаре, тот достигнет высшего пути, стоящего выше мира Брахмы и всех миров. Кто пожелает идти в Пушкару, тот пусть послужит Пушкаре — по шерсти и против, порознь и вместе; омывшийся в Пушкаре как должно вкушает плод коти. Какой плод во всех тиртхах, по уставу совершаемых…»
d801fe25673e · published Sep 3, 2026, 4:13:28 AM UTC
Available inRUPage between verses with
Целый пласт здесь — о женщинах и о еде. Угощение супругам пред Савитри названо кормлением самого Брахмы, второе — Кешавы с Лакшми, третье — Хары с Умою. Дальше идут подробности до смешного земные: без горького масла, без кислого и солёного, шикхарини с простоквашею, пурика, лепёшка, модаки, обувь на ноги, кокос в руку, сурьма на глаза, синдур на темя. Святость тут не отменяет заботы о том, что человеку вкусно и что ему впору надеть.
Оговорка про бедного дорогого стоит: если нет достатка на угощение в тиртхе — скажи прямо «приду домой и подам», и этого довольно. Даяние меряется не суммою.
О шраддхе сказано резко: тайная — хвалима, знаемая умом — страстна и даёт лишь славу. И причина всему названа одним словом: «преданность здесь причина». Обряд без неё — набор действий, а предки ждут не пинды, а того, кто её принесёт: «высматривают пришедшего рождённого в их роду, чающие воды».