शौनक उवाच
केन पुण्येन भो सूत चान्येन गतपातकः । नरो याति हरेः स्थानं तद्वदस्वानुकम्पया
ब्राह्मणस्य धनैरन्यैः प्राणैर्वापि द्विजोत्तम । रक्षां करोति यो मर्त्यो विष्णुलोकं स गच्छति
पुरा राजा दीननाथो युगे द्वापरसंज्ञके । आसीदपुत्रो बलवान्वैष्णवः स तु याजकः
एकदा गालवं राजा पप्रच्छ विनयान्वितः । केन पुण्येन जायेत पुत्रो वै करुणार्णव
वदस्व मुनिशार्दूल करिष्यामि तवाज्ञया । येषां नृणां नास्ति सुतो जीवनं हि निरर्थकम्
राजञ्छृणुष्वावहितो यत्पृष्टोऽस्मि तवाग्रतः । कथयामि समासेन पुत्रस्योद्भवकारणम्
क्रतुं च नरमेधाख्यं कुरुष्व राजसत्तम । तदा ते सन्ततिःस्याद्वै सर्वलक्षणसंयुता
नरमेधं महायज्ञं यज्ञानां प्रवरं द्विज । कीदृशं नरमानीय करिष्यामि गुरो वद
सुन्दराङ्गसुवदनः समस्तशास्त्रविद्भवेत् । सत्कुले यदि जातः स तदा यज्ञाय कल्पते
अङ्गहीनः कृष्णवर्णो मूर्खोऽयोग्यो भवेन्नहि । एवमुक्तो गालवेन स राजा मनुजेश्वरः
प्रेषयामास दूतांश्च कथयित्वा मुनेर्वचः । द्रविणं बहु दत्त्वा च गालवप्रमुखान्द्विजान्
यज्ञार्थे वरयामास समस्तशास्त्रपारगान् । ततो राजाज्ञया दूता देशं देशं मुदा गताः
ग्रामे ग्रामे द्विजश्रेष्ठ पत्तनेऽपि समाहिताः । कुत्रापि न प्राप्तवन्तो गता जनपदं ततः
kena puṇyena bho sūta cānyena gatapātakaḥ | naro yāti hareḥ sthānaṃ tadvadasvānukampayā
brāhmaṇasya dhanairanyaiḥ prāṇairvāpi dvijottama | rakṣāṃ karoti yo martyo viṣṇulokaṃ sa gacchati
purā rājā dīnanātho yuge dvāparasaṃjñake | āsīdaputro balavānvaiṣṇavaḥ sa tu yājakaḥ
ekadā gālavaṃ rājā papraccha vinayānvitaḥ | kena puṇyena jāyeta putro vai karuṇārṇava
vadasva muniśārdūla kariṣyāmi tavājñayā | yeṣāṃ nṛṇāṃ nāsti suto jīvanaṃ hi nirarthakam
rājañchṛṇuṣvāvahito yatpṛṣṭo'smi tavāgrataḥ | kathayāmi samāsena putrasyodbhavakāraṇam
kratuṃ ca naramedhākhyaṃ kuruṣva rājasattama | tadā te santatiḥsyādvai sarvalakṣaṇasaṃyutā
naramedhaṃ mahāyajñaṃ yajñānāṃ pravaraṃ dvija | kīdṛśaṃ naramānīya kariṣyāmi guro vada
sundarāṅgasuvadanaḥ samastaśāstravidbhavet | satkule yadi jātaḥ sa tadā yajñāya kalpate
aṅgahīnaḥ kṛṣṇavarṇo mūrkho'yogyo bhavennahi | evamukto gālavena sa rājā manujeśvaraḥ
preṣayāmāsa dūtāṃśca kathayitvā munervacaḥ | draviṇaṃ bahu dattvā ca gālavapramukhāndvijān
yajñārthe varayāmāsa samastaśāstrapāragān | tato rājājñayā dūtā deśaṃ deśaṃ mudā gatāḥ
grāme grāme dvijaśreṣṭha pattane'pi samāhitāḥ | kutrāpi na prāptavanto gatā janapadaṃ tataḥ
«Какой заслугой, о Сута, и каким ещё [делом] человек, избавившись от греха, идёт в обитель Хари? Скажи о том по милости». — «Смертный, который защищает брахмана — своим добром, иным ли [достоянием] или самой жизнью, о лучший из дваждырождённых, — идёт в мир Вишну. Некогда, в югу, называемую Двапарой, был царь Динанатха — бездетный, сильный, вайшнав и совершитель жертв. Однажды царь смиренно спросил Галаву: „Какой заслугой рождается сын, о океан сострадания? Скажи, о тигр среди мудрецов, — исполню по слову твоему. У кого из людей нет сына, у того жизнь бесплодна“. — „Слушай внимательно, о царь, то, о чём я спрошен; вкратце расскажу о причине появления сына. Соверши, о лучший из царей, жертву, называемую нарамедха, — и будет у тебя потомство, наделённое всеми [благими] признаками“. — „Нарамедха — великая жертва, лучшая из жертв, о дваждырождённый; какого человека приведя, я совершу её? Скажи, о наставник“. — „Пусть будет он прекрасен телом и лицом, сведущ во всех шастрах; если он рождён в добром роду, тогда он годен для жертвы. Ущербный телом, чёрный обликом, невежда — негоден“. Так сказанный Галавой, царь, владыка людей, отправил послов, передав слово мудреца, и, дав много добра, избрал для жертвы брахманов во главе с Галавой, постигших все шастры. Затем по велению царя послы радостно пошли из страны в страну, из деревни в деревню, о лучший из дваждырождённых, и в города, сосредоточенные; но нигде не нашли [такого] и пошли затем в [иную] область.»
7f2585990365 · published Sep 3, 2026, 4:13:43 AM UTC
Available inRUPage between verses with
Глава открывается правилом — защитить брахмана даже ценою жизни, — а первым делом показывает его нарушение: жрец советует царю человеческое жертвоприношение, и требования к жертве перечислены хладнокровно, вплоть до отбраковки по внешности. Пуранический текст не прячет этого и не одобряет: дальше он повернёт так, что убить никого не придётся, и правило, названное вначале, исполнит вовсе не жрец.