शेष उवाच
अथाभिषिक्तं रामं तु तुष्टुवुः प्रणताः सुराः । रावणाभिधदैत्येन्द्रवधहर्षितमानसाः
जय दाशरथे सुरार्तिहञ्जय दानववंशदाहक । जय देववराङ्गनागणग्रहणव्यग्रकरारिदारक
तव यद्गुणजातमानन्तं कवयो वर्णयितुं समुत्सुकाः । प्रलये जगतां ततीः पुनर्ग्रससे त्वं भुवनेश लीलया
जय जन्मजरादिदुःखकैः परिमुक्त प्रबलोद्धरोद्धर । जय भास्करान्वयाम्बुधौ कृतजन्मन्नजरामराच्युत । तव देववरस्य नामभिर्बहुपापा अपि ते पवित्रिताः । किमु साधु द्विजवर्यपूर्वकाः सुतनुं मानुषतामुपागताः
हरविरिञ्चिनुतं तव पादयोर्युगलमीप्सितकामसमृद्धिदम् । हृदि पवित्रयवादिकचिह्नितैः सुरचितं मनसा स्पृहयामहे
यदि भवान्न दधात्यभयं भुवो मदनमूर्तितिरस्करकान्तिभृत् । सुरगणा हि कथं सुखिनः पुनरनु भवन्ति घृणामय पावन
यदा यदा नो दनुजा हि दुःखदास्तदा तदा त्वं भुवि जन्मभाग्भवेः । अजोऽव्ययोऽपीश्वरोऽपि सन्विभो स्वभावमास्थाय निजं निजार्चितः
अमृतसुधासदृशैरघनाशकैः सुचरितैरवकीर्य महीतलम् । अमनुजैर्गुणशंसिभिरीडितः प्रविश चाशु पुनर्हि स्वकं पदम्
अनादिराद्योऽजरूपधारी हारी किरीटी मकरध्वजाभः । जयं करोतु प्रसभं हतारिः स्मरारिसंसेवितपादपद्मः
athābhiṣiktaṃ rāmaṃ tu tuṣṭuvuḥ praṇatāḥ surāḥ | rāvaṇābhidhadaityendravadhaharṣitamānasāḥ
jaya dāśarathe surārtihañjaya dānavavaṃśadāhaka | jaya devavarāṅganāgaṇagrahaṇavyagrakarāridāraka
tava yadguṇajātamānantaṃ kavayo varṇayituṃ samutsukāḥ | pralaye jagatāṃ tatīḥ punargrasase tvaṃ bhuvaneśa līlayā
jaya janmajarādiduḥkhakaiḥ parimukta prabaloddharoddhara | jaya bhāskarānvayāmbudhau kṛtajanmannajarāmarācyuta | tava devavarasya nāmabhirbahupāpā api te pavitritāḥ | kimu sādhu dvijavaryapūrvakāḥ sutanuṃ mānuṣatāmupāgatāḥ
haraviriñcinutaṃ tava pādayoryugalamīpsitakāmasamṛddhidam | hṛdi pavitrayavādikacihnitaiḥ suracitaṃ manasā spṛhayāmahe
yadi bhavānna dadhātyabhayaṃ bhuvo madanamūrtitiraskarakāntibhṛt | suragaṇā hi kathaṃ sukhinaḥ punaranu bhavanti ghṛṇāmaya pāvana
yadā yadā no danujā hi duḥkhadāstadā tadā tvaṃ bhuvi janmabhāgbhaveḥ | ajo'vyayo'pīśvaro'pi sanvibho svabhāvamāsthāya nijaṃ nijārcitaḥ
amṛtasudhāsadṛśairaghanāśakaiḥ sucaritairavakīrya mahītalam | amanujairguṇaśaṃsibhirīḍitaḥ praviśa cāśu punarhi svakaṃ padam
anādirādyo'jarūpadhārī hārī kirīṭī makaradhvajābhaḥ | jayaṃ karotu prasabhaṃ hatāriḥ smarārisaṃsevitapādapadmaḥ
«Затем помазанного Раму восславили склонившиеся боги, с сердцами, обрадованными убийством владыки дайтьев по имени Равана: „Победа тебе, сын Дашаратхи, губящий скорби богов! Победа, сжигающий род данавов! Победа, рассекающий врагов, чьи руки были заняты похищением жён богов! Бесконечное множество твоих достоинств поэты жаждут описать; при растворении ты вновь играючи поглощаешь сонмы миров, о владыка миров. Победа тебе, свободный от бед рождения, старости и прочего, о могучий избавитель избавителей! Победа тебе, родившийся в океане рода Солнца, нестареющий, бессмертный Ачьюта! Именами тебя, лучшего из богов, очищены и многогрешные — что уж [говорить о] благих, начиная с лучших из дваждырождённых, — [о ты], принявший прекрасное тело, [сошедший] в человеческий образ. Пары твоих стоп, восхваляемой Харой и Виринчи, дающей исполнение желанного, отмеченной знаками [ваджры] и прочими, прекрасно устроенной, — мы жаждем сердцем: освяти [ею] сердце. Если ты, о полный сострадания, о очищающий, чья краса посрамляет облик бога любви, не дашь земле безопасности, — как же сонмы богов вновь станут счастливы? Когда бы данавы ни причиняли нам горе, тогда ты и рождаешься на земле; хотя ты нерождённый, неизменный и владыка, о вездесущий, ты, чтимый своими, принимаешь свой [человеческий] образ. Усыпав земной круг благими деяниями, подобными амрите, уносящими грех, восхваляемый воспевающими [твои] достоинства не-людьми, — войди скорее в свою обитель.“»
c494469370cf · published Sep 3, 2026, 4:13:44 AM UTC
Available inRUPage between verses with
Славословие богов кончается неожиданной просьбой: возвращайся к себе. Они благодарят за победу и тут же напоминают, что человеческий образ принят ради дела, а дело сделано. Но самое существенное сказано в середине: именами его очищены и многогрешные — так победа над Раваной оказывается не главным из того, за что его славят.