कौसल्यातनयस्तं वै उच्चैर्मणिमयासने । संस्थाप्य च पदोर्युग्मं जलेनाक्षालयत्प्रभुः
पादावनेजनोदं तु मस्तकेऽधाद्धरिः स्वयम् । पवित्रितोऽद्य सगणः सकुटुम्ब इति ब्रुवन्
चन्दनेन विलिप्याथ गां च प्रादात्पयस्विनीम् । उवाच च वचोरम्यं देवदेवेन्द्रसेवितः
स्वामिन्मखो मया वाजिमेधसंज्ञः क्रियेत ह । सोऽयं त्वच्चरणापातादद्य पूर्णो भविष्यति
अद्य मे ब्रह्महत्योत्थपापहानिं करिष्यति । अश्वमेधः क्रतुर्युष्मच्चरणेन पवित्रितः
इति वाक्यं ब्रुवाणं तं राजराजेन्द्रसेवितम् । आरण्यक उवाचेदं हसन्माध्व्या गिरा मुनिः
स्वामिंस्तव तु युक्तं हि वचो ब्रह्मण्य भूमिप । त्वन्मूर्तयो महाराज ब्राह्मणा वेदपारगाः
त्वं यदा ब्रह्मपूजादि शुभं कर्म करिष्यसि । ततोऽखिला नृपा विप्रं पूजयिष्यन्ति भूमिप
त्वयोक्तं यन्महाराज विप्रहत्यापनुत्तये । यागं करोमि विमलं तत्तु हास्यकरं वचः
त्वन्नामस्मरणान्मूढः सर्वशास्त्रविवर्जितः । सर्वपापाब्धिमुत्तीर्य स गच्छेत्परमं पदम्
सर्ववेदेतिहासानां सारार्थोऽयमिति स्फुटम् । यद्रामनामस्मरणं क्रियते पापतारकम्
तावद्गर्जन्ति पापानि ब्रह्महत्यासमानि च । न यावत्प्रोच्यते नाम रामचन्द्र तव स्फुटम्
त्वन्नामगर्जनं श्रुत्वा महापातककुञ्जराः । पलायन्ते महाराज कुत्रचित्स्थानलिप्सया
kausalyātanayastaṃ vai uccairmaṇimayāsane | saṃsthāpya ca padoryugmaṃ jalenākṣālayatprabhuḥ
pādāvanejanodaṃ tu mastake'dhāddhariḥ svayam | pavitrito'dya sagaṇaḥ sakuṭumba iti bruvan
candanena vilipyātha gāṃ ca prādātpayasvinīm | uvāca ca vacoramyaṃ devadevendrasevitaḥ
svāminmakho mayā vājimedhasaṃjñaḥ kriyeta ha | so'yaṃ tvaccaraṇāpātādadya pūrṇo bhaviṣyati
adya me brahmahatyotthapāpahāniṃ kariṣyati | aśvamedhaḥ kraturyuṣmaccaraṇena pavitritaḥ
iti vākyaṃ bruvāṇaṃ taṃ rājarājendrasevitam | āraṇyaka uvācedaṃ hasanmādhvyā girā muniḥ
svāmiṃstava tu yuktaṃ hi vaco brahmaṇya bhūmipa | tvanmūrtayo mahārāja brāhmaṇā vedapāragāḥ
tvaṃ yadā brahmapūjādi śubhaṃ karma kariṣyasi | tato'khilā nṛpā vipraṃ pūjayiṣyanti bhūmipa
tvayoktaṃ yanmahārāja viprahatyāpanuttaye | yāgaṃ karomi vimalaṃ tattu hāsyakaraṃ vacaḥ
tvannāmasmaraṇānmūḍhaḥ sarvaśāstravivarjitaḥ | sarvapāpābdhimuttīrya sa gacchetparamaṃ padam
sarvavedetihāsānāṃ sārārtho'yamiti sphuṭam | yadrāmanāmasmaraṇaṃ kriyate pāpatārakam
tāvadgarjanti pāpāni brahmahatyāsamāni ca | na yāvatprocyate nāma rāmacandra tava sphuṭam
tvannāmagarjanaṃ śrutvā mahāpātakakuñjarāḥ | palāyante mahārāja kutracitsthānalipsayā
«Сын Каусальи, усадив его на высоком самоцветном сиденье, омыл водою чету его стоп; и воду от омовения стоп сам Хари возложил себе на голову, говоря: „Ныне очищен я со свитой и с домочадцами“. Умастив [его] сандалом, даровал он затем дойную корову и сказал прекрасное слово, чтимый богами и владыкой богов: „О владыка, жертва, именуемая ашвамедхой, да будет совершена мною; от прихода твоих стоп станет она ныне полной. Ныне ашвамедха, жертвоприношение, освящённое твоими стопами, совершит для меня устранение греха, возникшего от убийства брахмана“. Говорящему это слово, ему, чтимому владыками царей, мудрец Араньяка сказал это, смеясь, сладостной речью: „О владыка, уместно ведь твоё слово, о чтущий брахманов, о владыка земли: твои образы, о великий царь, — это брахманы, достигшие предела Вед. Когда ты будешь совершать благое деяние — почитание брахманов и прочее, — тогда все цари будут почитать брахмана, о владыка земли. Но то, что сказано тобою, о великий царь, — „совершаю я чистую жертву для устранения убийства брахмана“, — то слово смехотворно. От памятования твоего имени глупец, лишённый всех писаний, переправившись через океан всех грехов, идёт к высшему состоянию. Явно, что суть всех Вед и итихас — вот она: памятование имени Рамы, совершаемое [людьми], переправляет через грех. Дотоле ревут грехи, равные убийству брахмана, покуда не произносится явственно имя твоё, о Рамачандра. Услышав рык твоего имени, слоны великих грехов бегут куда-нибудь в желании найти себе место“.»
b0a9e50894f7 · published Sep 3, 2026, 4:13:46 AM UTC
Available inRUPage between verses with
Царь омывает стопы гостю и берёт эту воду себе на голову — и тут же объявляет, что теперь жертва будет полной. Отшельник смеётся не над обрядом, а над расчётом: тому, чьё имя снимает грех у неучёного, незачем очищаться жертвой. Слоны и рык здесь не украшение — грех шумен ровно до тех пор, пока имя молчит.