एतच्छ्रुत्वा स राजाग्र्यः पूज्यं मत्वा घटोद्भवम् । प्रथमं पूजयामास ब्रह्मपुत्रं तपोधनम्
अनेकरत्नसम्भारैः स्वर्णभारैरनेकधा । देशैर्जनैः परिवृतैरत्यन्तप्रीतिदायकैः
अगस्त्यं पूजयामास सपत्नीकं मनोरमम् । तथैव रत्नैः स्वर्णैश्च देशैश्च विविधैरपि
व्यासं सत्यवतीपुत्रं तथैव समपूजयत् । च्यवनं भार्यया साकं सुरत्नैः समपूजयत् । अन्यानपि मुनीन्सर्वानृत्विजस्तपसां निधीन् । पूजयामास रत्नौघैः स्वर्णभारैरनेकधा
अदात्तदा क्रतौ रामो विप्रेभ्यो भूरिदक्षिणाम् । लक्षं लक्षं सुवर्णस्य प्रत्येकं त्वग्रजन्मने
दीनान्धकृपणेभ्यश्च ददौ दानमनेकधा । यथा सन्तोषविहितैर्वित्तै रत्नैर्मनोहरैः
वासांसि च विचित्राणि भोजनानि मृदूनि च । तत्र प्रादाद्यथाशास्त्रं सर्वेषां प्रीतिदायकम्
हृष्टपुष्टजनाकीर्णं सर्वसत्त्वोपबृंहितम् । अत्यन्तमभवद्धृष्टं पुरं पुंस्त्रीसमावृतम्
दानं ददन्तं सर्वेषां वीक्ष्य कुम्भोद्भवो मुनिः । अत्यन्तपरमप्रीतिं ययौ क्रतुवरे द्विजः
तदाभिषेकतोयार्थं पानीयममृतोपमम् । आनेतुं च चतुःषष्टिं नृपान्सस्त्रीन्समाह्वयत्
रामस्तु सीतया सार्धमानेतुमुदकं ययौ । घटेन स्वर्णवर्णेन सर्वालङ्कारशोभया
सौमित्रिरप्यूर्मिलया माण्डव्या भरतो नृपः । शत्रुघ्नः श्रुतकीर्त्या च कान्तिमत्या च पुष्कलः
etacchrutvā sa rājāgryaḥ pūjyaṃ matvā ghaṭodbhavam | prathamaṃ pūjayāmāsa brahmaputraṃ tapodhanam
anekaratnasambhāraiḥ svarṇabhārairanekadhā | deśairjanaiḥ parivṛtairatyantaprītidāyakaiḥ
agastyaṃ pūjayāmāsa sapatnīkaṃ manoramam | tathaiva ratnaiḥ svarṇaiśca deśaiśca vividhairapi
vyāsaṃ satyavatīputraṃ tathaiva samapūjayat | cyavanaṃ bhāryayā sākaṃ suratnaiḥ samapūjayat | anyānapi munīnsarvānṛtvijastapasāṃ nidhīn | pūjayāmāsa ratnaughaiḥ svarṇabhārairanekadhā
adāttadā kratau rāmo viprebhyo bhūridakṣiṇām | lakṣaṃ lakṣaṃ suvarṇasya pratyekaṃ tvagrajanmane
dīnāndhakṛpaṇebhyaśca dadau dānamanekadhā | yathā santoṣavihitairvittai ratnairmanoharaiḥ
vāsāṃsi ca vicitrāṇi bhojanāni mṛdūni ca | tatra prādādyathāśāstraṃ sarveṣāṃ prītidāyakam
hṛṣṭapuṣṭajanākīrṇaṃ sarvasattvopabṛṃhitam | atyantamabhavaddhṛṣṭaṃ puraṃ puṃstrīsamāvṛtam
dānaṃ dadantaṃ sarveṣāṃ vīkṣya kumbhodbhavo muniḥ | atyantaparamaprītiṃ yayau kratuvare dvijaḥ
tadābhiṣekatoyārthaṃ pānīyamamṛtopamam | ānetuṃ ca catuḥṣaṣṭiṃ nṛpānsastrīnsamāhvayat
rāmastu sītayā sārdhamānetumudakaṃ yayau | ghaṭena svarṇavarṇena sarvālaṅkāraśobhayā
saumitrirapyūrmilayā māṇḍavyā bharato nṛpaḥ | śatrughnaḥ śrutakīrtyā ca kāntimatyā ca puṣkalaḥ
«Услышав это, тот первый из царей, сочтя достойным рождённого из кувшина, первым почтил сына Брахмы, богатого подвигом, — множеством самоцветов, грудами золота многократно, землями с окружающими их людьми, дарующими крайнюю радость. Агастью почтил он вместе с женою, пленительного, — так же самоцветами и золотом и различными землями. Вьясу, сына Сатьявати, так же почтил; Чьявану вместе с женою почтил прекрасными самоцветами. И всех других мудрецов, жрецов, сокровищницы подвига, почтил он потоками самоцветов и грудами золота многократно. Дал тогда при жертве Рама брахманам обильную дакшину — по сто тысяч золота каждому первородному. И убогим, слепым, жалким давал он дары многократно — богатствами и пленительными самоцветами, устроенными по их довольству. И пёстрые одежды, и мягкие яства раздал он там по шастре, всем дарующее радость. Полный радостных и сытых людей, наполненный всеми существами, крайне обрадованным стал град, полный мужчин и женщин. Увидев его, дающего дары всем, мудрец, рождённый из кувшина, обрёл крайнюю высшую радость при превосходной жертве. Тогда, чтобы принести воду для омовения, воду, подобную амрите, призвал он шестьдесят четыре царя с жёнами. Рама же вместе с Ситой пошёл принести воду с кувшином золотого цвета, в сиянии всех украшений.»
c2db1d7213c6 · published Sep 3, 2026, 4:13:48 AM UTC
Available inRUPage between verses with
Даяние идёт по кругу от мудрецов к жрецам и заканчивается там, где обычно и заканчивается в этой книге, — на убогих, слепых и нищих, причём дары для них подобраны «по их довольству», а не по чину. И воду для завершающего омовения царь идёт черпать сам, с женою, а не посылает слуг.