नारद उवाच
तं समाश्लिष्य बाहुभ्यां स्नेहाश्रूणि विमुच्य च । ततः स गद्गदं प्राह प्रणयेन महामुनिः
अयं शिशुस्ते भविता सुसखा रामकृष्णयोः । विहरिष्यति ताभ्यां च रात्रिन्दिवमतन्द्रितः
तत आभाष्य तं गोपप्रवरं मुनिपुङ्गवः । यदा गन्तुं मनश्चके तत्रैवं भानुरब्रवीत्
एकास्ति पुत्रिका देव देवपत्न्युपमा मम । कनीयसी शिशोरस्य जडान्धबधिराकृतिः
उत्साहवृद्धये याचे त्वां वरं भगवत्तम । प्रसन्नदृष्टिमात्रेण सुस्थिरां कुरु बालिकाम्
श्रुत्वैवं नारदो वाक्यं कौतुकाकृष्टमानसः । अथ प्रविश्य भवनं लुठन्तीं भूतले सुताम्
उत्थाप्याङ्के निधायातिस्नेहविह्वलमानसः । भानुरप्याययौ भक्तिनम्रो मुनिवरान्तिकम्
अथ भागवतश्रेष्ठः कृष्णस्यातिप्रियो मुनिः । दृष्ट्वा तस्याः परं रूपमदृष्टाश्रुतमद्भुतम्
अभूतपूर्वसमं मुग्धो हरिप्रेमा महामुनिः । विगाह्य परमानन्दसिन्धुमेकरसायनम्
मुहूर्तद्वितयं तत्र मुनिरासीच्छिलोपमः । मुनीन्द्रः प्रतिबुद्धस्तु शनैरुन्मील्य लोचने
महाविस्मयमापन्नस्तूष्णीमेव स्थितोऽभवत् । अन्तर्हदि महाबुद्धिरेवमेवं व्यचिन्तयत्
भ्रान्तं सर्वेषु लोकेषु मया स्वच्छन्दचारिणा । अस्या रूपेण सदृशी दृष्टा नैव च कुत्रचित्
taṃ samāśliṣya bāhubhyāṃ snehāśrūṇi vimucya ca | tataḥ sa gadgadaṃ prāha praṇayena mahāmuniḥ
ayaṃ śiśuste bhavitā susakhā rāmakṛṣṇayoḥ | vihariṣyati tābhyāṃ ca rātrindivamatandritaḥ
tata ābhāṣya taṃ gopapravaraṃ munipuṅgavaḥ | yadā gantuṃ manaścake tatraivaṃ bhānurabravīt
ekāsti putrikā deva devapatnyupamā mama | kanīyasī śiśorasya jaḍāndhabadhirākṛtiḥ
utsāhavṛddhaye yāce tvāṃ varaṃ bhagavattama | prasannadṛṣṭimātreṇa susthirāṃ kuru bālikām
śrutvaivaṃ nārado vākyaṃ kautukākṛṣṭamānasaḥ | atha praviśya bhavanaṃ luṭhantīṃ bhūtale sutām
utthāpyāṅke nidhāyātisnehavihvalamānasaḥ | bhānurapyāyayau bhaktinamro munivarāntikam
atha bhāgavataśreṣṭhaḥ kṛṣṇasyātipriyo muniḥ | dṛṣṭvā tasyāḥ paraṃ rūpamadṛṣṭāśrutamadbhutam
abhūtapūrvasamaṃ mugdho haripremā mahāmuniḥ | vigāhya paramānandasindhumekarasāyanam
muhūrtadvitayaṃ tatra munirāsīcchilopamaḥ | munīndraḥ pratibuddhastu śanairunmīlya locane
mahāvismayamāpannastūṣṇīmeva sthito'bhavat | antarhadi mahābuddhirevamevaṃ vyacintayat
bhrāntaṃ sarveṣu lokeṣu mayā svacchandacāriṇā | asyā rūpeṇa sadṛśī dṛṣṭā naiva ca kutracit
«Обняв его обеими руками и роняя слёзы нежности, затем сказал он прерывисто, с любовью, великий мудрец: „Этот твой сын станет добрым другом Рамы и Кришны и будет резвиться с ними день и ночь, неутомимый“. Затем, обратившись к тому лучшему из пастухов, бык среди мудрецов положил на ум уйти, — и тогда Бхану сказал так: „Есть одна дочь, о бог, подобная жене бога, моя, младше этого мальчика, — с виду немая, слепая и глухая. Ради возрастания бодрости молю тебя о даре, о лучший из достойных: одним лишь милостивым взглядом сделай девочку крепкой“. Услышав такое слово, Нарада, с умом, влекомым любопытством, затем, войдя в дом, дочь, катающуюся по полу, подняв и посадив на колени, с сердцем, изнемогшим от нежности, — и Бхану подошёл, склонённый преданностью, к мудрецу. Затем лучший из бхагават, мудрец, крайне милый Кришне, увидев её высший облик, невиданный, неслыханный, дивный, был очарован, как никогда прежде, любящий Хари великий мудрец, — погрузившись в океан высшего блаженства, единый эликсир. Две мухурты пробыл там мудрец, подобный камню; владыка мудрецов, очнувшись, медленно открыв глаза, впав в великое изумление, остался безмолвным. Внутри, в сердце, великий разумом так и так размышлял: „Исхожено мною, странствующим по своей воле, во всех мирах — и равной ей обликом не видано нигде“.»
748b85898e57 · published Sep 3, 2026, 4:13:48 AM UTC
Available inRUPage between verses with
Отец приводит дочь как беду: с виду немая, слепая и глухая, и просит лишь укрепить её взглядом. Нарада видит другое — и каменеет на две мухурты. Скрытность здесь работает в обе стороны: та, кого он искал по всему Враджу, лежала на полу в доме, куда он вошёл спросить про сына.