नारद उवाच
सोऽपि तत्र गतः सार्धं कुटुम्बेन वने मधोः । चकार पर्णशालां वै विश्रान्तेस्तु समीपतः
तत्र विश्रान्तितीर्थे तु त्रिकालं स्नानमाचरन् । नाकरोद्विष्णुलोकेऽपि स्पृहां स मुनिसत्तमः
एकदा जलमध्ये स स्नानं कुर्वन्मुनिर्नृप । आचकाङ्क्षे च भविता कदा मे हरिदर्शनम्
एवं कामयमानस्य मुनिवर्यस्य भूपते । आजगाम त्वरायुक्तः पक्षिराजासनो हरिः
लक्ष्म्या वक्षःस्थया सार्धं चतुर्बाहुधरो हरिः । नवीनघनवर्णाङ्गो विद्युद्वर्णाम्बरावृतः
कौस्तुभोद्भासिसद्वक्षाः शङ्खचक्रगदाब्जभृत् । वनमालालसत्कण्ठो मकराकृतिकुण्डलः
फुल्लाम्बुजपलाशाक्षः स्वलकालङ्कृताननः । विद्रुमाकारकरजोऽरुणहस्तोऽङ्घ्रिसत्तलः
उवाच तं द्विजश्रेष्ठं दन्तभासा विभासयन् । शरन्निशापतिस्तोमतिरस्कारकृता दिशः
भो भो द्विजवरैतन्मे तीर्थं मधुवनं शुभम् । विश्रान्तिसंज्ञकं स्नानसर्वकामोपपादकम्
अत्र त्वया स्नानकाले वाञ्छितं मम दर्शनम् । तुभ्यं हि तन्मया दत्तं ब्रह्मादिसुरदुर्लभम्
त्यज देहमिमं विप्र मानुषं दिव्यमाप्नुहि । आयाहि मद्गृहं सार्धं मयारुह्य खगेश्वरम्
इत्याकर्ण्य वचस्तस्य श्रीपतेः स मुनीश्वरः । तुष्टाव प्रणतो भूत्वा जल एव विशाम्पते
श्रीपते श्रीमदम्भोजसंमर्दितपदाम्बुजम् । भवतो भवतापघ्नं वन्दे त्रिदशवन्दितम्
so'pi tatra gataḥ sārdhaṃ kuṭumbena vane madhoḥ | cakāra parṇaśālāṃ vai viśrāntestu samīpataḥ
tatra viśrāntitīrthe tu trikālaṃ snānamācaran | nākarodviṣṇuloke'pi spṛhāṃ sa munisattamaḥ
ekadā jalamadhye sa snānaṃ kurvanmunirnṛpa | ācakāṅkṣe ca bhavitā kadā me haridarśanam
evaṃ kāmayamānasya munivaryasya bhūpate | ājagāma tvarāyuktaḥ pakṣirājāsano hariḥ
lakṣmyā vakṣaḥsthayā sārdhaṃ caturbāhudharo hariḥ | navīnaghanavarṇāṅgo vidyudvarṇāmbarāvṛtaḥ
kaustubhodbhāsisadvakṣāḥ śaṅkhacakragadābjabhṛt | vanamālālasatkaṇṭho makarākṛtikuṇḍalaḥ
phullāmbujapalāśākṣaḥ svalakālaṅkṛtānanaḥ | vidrumākārakarajo'ruṇahasto'ṅghrisattalaḥ
uvāca taṃ dvijaśreṣṭhaṃ dantabhāsā vibhāsayan | śaranniśāpatistomatiraskārakṛtā diśaḥ
bho bho dvijavaraitanme tīrthaṃ madhuvanaṃ śubham | viśrāntisaṃjñakaṃ snānasarvakāmopapādakam
atra tvayā snānakāle vāñchitaṃ mama darśanam | tubhyaṃ hi tanmayā dattaṃ brahmādisuradurlabham
tyaja dehamimaṃ vipra mānuṣaṃ divyamāpnuhi | āyāhi madgṛhaṃ sārdhaṃ mayāruhya khageśvaram
ityākarṇya vacastasya śrīpateḥ sa munīśvaraḥ | tuṣṭāva praṇato bhūtvā jala eva viśāmpate
śrīpate śrīmadambhojasaṃmarditapadāmbujam | bhavato bhavatāpaghnaṃ vande tridaśavanditam
И он, придя туда вместе с семьёй, построил в лесу Мадху хижину из листьев вблизи Вишранти. Совершая там, в тиртхе Вишранти, омовение трижды в день, тот лучший из мудрецов не питал влечения даже к миру Вишну. Однажды, совершая омовение посреди воды, мудрец возжелал, о царь: «Когда же будет мне видение Хари?» И у лучшего из мудрецов, так возжелавшего, о владыка земли, тотчас явился Хари, восседающий на царе птиц: четырёхрукий, с Лакшми, пребывающей на Его груди, телом цвета свежей тучи, облечённый в одежды цвета молнии, с прекрасной грудью, сияющей Каустубхой, несущий раковину, диск, палицу и лотос, с шеей, блистающей лесной гирляндой, с серьгами в виде макары, с очами, как лепестки распустившегося лотоса, с ликом, украшенным кудрями, с ногтями, подобными кораллу, с алыми руками и прекрасными подошвами стоп. Озаряя стороны света блеском зубов, затмевающим сонм осенних лун, Он сказал тому лучшему из брахманов: «О лучший из брахманов, это моя благая тиртха Мадхувана, называемая Вишранти, омовением дающая все желания. Здесь во время омовения желал ты видеть меня; и вот дано тебе то, что труднодостижимо для Брахмы и богов. Оставь это человеческое тело, о брахман, и обрети дивное; взойди со мною на владыку птиц и иди в мой дом». Услышав это слово владыки Шри, тот владыка мудрецов, склонившись прямо в воде, восхвалил Его, о владыка народов: «О владыка Шри, чьи лотосные стопы разминают прекрасные лотосные ладони Шри! Чту твой лотос стоп, губящий жар бытия и чтимый богами».
fe83150e8e73 · published Sep 3, 2026, 4:14:05 AM UTC
Available inRUPage between verses with
Он выпросил у Господа не мир Его, а Его самого — и потому равнодушен к Вайкунтхе, стоя в воде. Явление описано до мелочей, вплоть до ногтей и подошв: увидено то, чего просили, а не отвлечённое сияние.