एवमृक्संहितायां तु स्तूयमाना महेश्वरी । सर्वैश्वर्यसुखं प्रादाच्छिवादीनां दिवौकसाम्
अस्येशाना हि जगतो विष्णुपत्नी सनातनी । यदपाङ्गाश्रितं सर्वं जगत्स्थावरजङ्गमम्
यस्य वक्षसि सा देवी प्रभा भानाविव तिष्ठति । स वै सर्वेश्वरः साक्षादक्षरः पुरुषोऽव्ययः
स वै नारायणः श्रीमान्वात्सल्यगुणसागरः । स्वामी सुशीलः सुभगः सर्वज्ञः सर्वशक्तिमान्
नित्यं सम्पूर्णकामश्च नैसर्गिकसुहृत्सखा । कृपापीयूषजलधिः शरणं सर्वदेहिनाम्
स्वर्गापवर्गसुखदो भक्तानां करुणाकरः । श्रीमते विष्णवे तस्मै दास्यं सर्वं करोम्यहम्
देशकालाद्यवस्थासु सर्वासु कमलापतेः । इति स्वरूपसंसिद्धः सुखं दास्यमवाप्नुयात्
एवं विदित्वा मन्त्रार्थं तद्भक्तिं सम्यगाचरेत् । दासभूतमिदं तस्य जगत्स्थावरजङ्गमम्
श्रीमन्नारायणः स्वामी जगतां प्रभुरीश्वरः । माता पिता सुतो बन्धुर्निवासः शरणं गतिः
कल्याणगुणवाञ्छ्रीशः सर्वकामफलप्रदः । योऽसौ निर्गुण इत्युक्तः शास्त्रेषु जगदीश्वरः
evamṛksaṃhitāyāṃ tu stūyamānā maheśvarī | sarvaiśvaryasukhaṃ prādācchivādīnāṃ divaukasām
asyeśānā hi jagato viṣṇupatnī sanātanī | yadapāṅgāśritaṃ sarvaṃ jagatsthāvarajaṅgamam
yasya vakṣasi sā devī prabhā bhānāviva tiṣṭhati | sa vai sarveśvaraḥ sākṣādakṣaraḥ puruṣo'vyayaḥ
sa vai nārāyaṇaḥ śrīmānvātsalyaguṇasāgaraḥ | svāmī suśīlaḥ subhagaḥ sarvajñaḥ sarvaśaktimān
nityaṃ sampūrṇakāmaśca naisargikasuhṛtsakhā | kṛpāpīyūṣajaladhiḥ śaraṇaṃ sarvadehinām
svargāpavargasukhado bhaktānāṃ karuṇākaraḥ | śrīmate viṣṇave tasmai dāsyaṃ sarvaṃ karomyaham
deśakālādyavasthāsu sarvāsu kamalāpateḥ | iti svarūpasaṃsiddhaḥ sukhaṃ dāsyamavāpnuyāt
evaṃ viditvā mantrārthaṃ tadbhaktiṃ samyagācaret | dāsabhūtamidaṃ tasya jagatsthāvarajaṅgamam
śrīmannārāyaṇaḥ svāmī jagatāṃ prabhurīśvaraḥ | mātā pitā suto bandhurnivāsaḥ śaraṇaṃ gatiḥ
kalyāṇaguṇavāñchrīśaḥ sarvakāmaphalapradaḥ | yo'sau nirguṇa ityuktaḥ śāstreṣu jagadīśvaraḥ
Так восхваляемая в собрании ричей великая владычица дала Шиве и прочим обитателям неба счастье всякого владычества. Она — владычица этого мира, вечная супруга Вишну, и от её взора искоса зависит весь мир, неподвижный и движущийся. А тот, на чьей груди та богиня пребывает, как сияние в солнце, — он и есть воочию владыка всего, нетленный, непреходящий Пуруша. Он — достославный Нараяна, океан отеческой любви; господин, благонравный, счастливый, всеведущий, всесильный. Всегда с исполненным желанием, друг и доброжелатель по самой природе, океан нектара милости, прибежище всех воплощённых. Дающий счастье неба и освобождения, источник сострадания к преданным, — тому достославному Вишну я и совершаю всякое служение. Во всех условиях места, времени и прочего — служение владыке Камалы; так утвердившийся в собственной природе счастливо обретёт служение. Познав так смысл мантры, да совершает он как должно преданность Ему: весь этот мир, неподвижный и движущийся, — Его слуга. Достославный Нараяна — господин, владыка и Владыка миров; мать, отец, сын, родич, обитель, прибежище и цель. Владыка Шри, обладающий благими свойствами, дающий плод всех желаний, — он же назван в шастрах лишённым свойств, владыка мира.
64ca031c8484 · published Sep 3, 2026, 4:14:06 AM UTC
Available inRUPage between verses with
Тот же самый, кого зовут океаном отеческой любви, назван в шастрах лишённым свойств. Противоречия нет: следующий стих объяснит, какие именно свойства в Нём отрицают.