ततो नारायणो विष्णुर् नियुक्तः सुरसत्तमैः । जानन्न् अपि सुरान् एवं श्लक्ष्णं वचनम् अब्रवीत् ॥
उपायः को वधे तस्य राक्षसाधिपतेः सुराः । यम् अहं तं समास्थाय निहन्याम् ऋषिकण्टकम् ॥
एवम् उक्ताः सुराः सर्वे प्रत्यूचुर् विष्णुम् अव्ययम् । मानुषीं तनुम् आस्थाय रावणं जहि संयुगे ॥
स हि तेपे तपस् तीव्रं दीर्घकालम् अरिंदम । येन तुष्टो ऽभवद् ब्रह्मा लोककृल् लोकपूजितः ॥
संतुष्टः प्रददौ तस्मै राक्षसाय वरं प्रभुः । नानाविधेभ्यो भूतेभ्यो भयं नान्यत्र मानुषात् ॥
अवज्ञाताः पुरा तेन वरदानेन मानवाः । तस्मात् तस्य वधो दृष्टो मानुषेभ्यः परंतप ॥
इत्य् एतद् वचनं श्रुत्वा सुराणां विष्णुर् आत्मवान् । पितरं रोचयाम् आस तदा दशरथं नृपम् ॥
स चाप्य् अपुत्रो नृपतिस् तस्मिन् काले महाद्युतिः । अयजत् पुत्रियाम् इष्टिं पुत्रेप्सुर् अरिसूदनः ॥
tato nārāyaṇo viṣṇur niyuktaḥ surasattamaiḥ | jānann api surān evaṃ ślakṣṇaṃ vacanam abravīt ||
upāyaḥ ko vadhe tasya rākṣasādhipateḥ surāḥ | yam ahaṃ taṃ samāsthāya nihanyām ṛṣikaṇṭakam ||
evam uktāḥ surāḥ sarve pratyūcur viṣṇum avyayam | mānuṣīṃ tanum āsthāya rāvaṇaṃ jahi saṃyuge ||
sa hi tepe tapas tīvraṃ dīrghakālam ariṃdama | yena tuṣṭo 'bhavad brahmā lokakṛl lokapūjitaḥ ||
saṃtuṣṭaḥ pradadau tasmai rākṣasāya varaṃ prabhuḥ | nānāvidhebhyo bhūtebhyo bhayaṃ nānyatra mānuṣāt ||
avajñātāḥ purā tena varadānena mānavāḥ | tasmāt tasya vadho dṛṣṭo mānuṣebhyaḥ paraṃtapa ||
ity etad vacanaṃ śrutvā surāṇāṃ viṣṇur ātmavān | pitaraṃ rocayām āsa tadā daśarathaṃ nṛpam ||
sa cāpy aputro nṛpatis tasmin kāle mahādyutiḥ | ayajat putriyām iṣṭiṃ putrepsur arisūdanaḥ ||
Тогда Нараяна Вишну, побуждённый лучшими из богов, хотя всё знал, мягко сказал им: «О боги, какой способ есть для уничтожения этого владыки ракшасов? Какую форму мне принять, чтобы уничтожить мучителя риши?» Когда неизменный Вишну так спросил их, все боги ответили: «Прими человеческое тело и срази Равану в битве. Ведь он, о усмиритель врагов, долго совершал суровую аскезу, и ею удовлетворился Брахма, создатель миров, почитаемый всеми. Довольный владыка даровал этому ракшасу благословение: ему не будет страха от существ разных видов, кроме человека. При даровании дара Равана прежде презрел людей; поэтому, о сокрушитель врагов, его гибель найдена через людей». Услышав это слово богов, владеющий собой Вишну избрал царя Дашаратху своим отцом. А тот великосияющий бездетный царь, уничтожитель врагов, в это время совершал ишти ради сыновей, желая потомства.
f30d8d2c51b3 · published Jun 22, 2026, 12:00:00 AM UTC
Available inRUPage between verses with
Вишну спрашивает богов о способе, хотя знает его: так божественная воля даёт место голосу девов и раскрывает логику нисхождения. Человеческая форма выбрана не случайно, а как точный ответ на гордыню Раваны. Презрение демона к людям становится дверью для милости Нараяны.