अथ वर्ष शते पूर्णे तपसाराधितो मुनिः । सगराय वरं प्रादाद् भृगुः सत्यवतां वरः ॥
अपत्यलाभः सुमहान् भविष्यति तवानघ । कीर्तिं चाप्रतिमां लोके प्राप्स्यसे पुरुषर्षभ ॥
एका जनयिता तात पुत्रं वंशकरं तव । षष्टिं पुत्रसहस्राणि अपरा जनयिष्यति ॥
भाषमाणं नरव्याघ्रं राजपत्न्यौ प्रसाद्य तम् । ऊचतुः परमप्रीते कृताञ्जलिपुटे तदा ॥
एकः कस्याः सुतो ब्रह्मन् का बहूञ् जनयिष्यति । श्रोतुम् इच्छावहे ब्रह्मन् सत्यम् अस्तु वचस् तव ॥
तयोस् तद् वचनं श्रुत्वा भृगुः परम धार्मिकः । उवाच परमां वाणीं स्वच्छन्दो ऽत्र विधीयताम् ॥
एको वंशकरो वास्तु बहवो वा महाबलाः । कीर्तिमन्तो महोत्साहाः का वा कं वरम् इच्छति ॥
atha varṣa śate pūrṇe tapasārādhito muniḥ | sagarāya varaṃ prādād bhṛguḥ satyavatāṃ varaḥ ||
apatyalābhaḥ sumahān bhaviṣyati tavānagha | kīrtiṃ cāpratimāṃ loke prāpsyase puruṣarṣabha ||
ekā janayitā tāta putraṃ vaṃśakaraṃ tava | ṣaṣṭiṃ putrasahasrāṇi aparā janayiṣyati ||
bhāṣamāṇaṃ naravyāghraṃ rājapatnyau prasādya tam | ūcatuḥ paramaprīte kṛtāñjalipuṭe tadā ||
ekaḥ kasyāḥ suto brahman kā bahūñ janayiṣyati | śrotum icchāvahe brahman satyam astu vacas tava ||
tayos tad vacanaṃ śrutvā bhṛguḥ parama dhārmikaḥ | uvāca paramāṃ vāṇīṃ svacchando 'tra vidhīyatām ||
eko vaṃśakaro vāstu bahavo vā mahābalāḥ | kīrtimanto mahotsāhāḥ kā vā kaṃ varam icchati ||
Когда исполнилось сто лет, мудрец Бхригу, лучший из истинноречивых, был удовлетворён аскезой и даровал Сагаре благословение: «О безгрешный, у тебя будет великое потомство, и ты обретёшь в мире несравненную славу, о лучший из людей. Одна жена родит тебе сына, продолжателя рода; другая родит шестьдесят тысяч сыновей». Тогда обе царские супруги, очень довольные, умилостивили говорящего мудреца, сложили ладони и сказали: «О брахман, у которой будет один сын, а которая родит многих? Мы хотим услышать; пусть твоё слово будет истинным». Услышав их речь, праведный Бхригу произнёс прекрасные слова: «Здесь пусть будет свободный выбор: один продолжатель рода или множество могучих, славных и энергичных сыновей. Кто из вас какого дара желает?»
c6a960bab25f · published Jun 22, 2026, 12:00:00 AM UTC
Available inRUPage between verses with
Дар Бхригу ставит перед жёнами Сагары выбор между качеством линии и множеством потомков. Оба варианта благословенны, но несут разную судьбу, и дальнейший рассказ будет разворачивать последствия этого выбора.