अथ रात्र्यां व्यतीतायां विश्वामित्रो महामुनिः । आपृच्छ्य तौ च राजानौ जगामोत्तरपर्वतम् ॥
विश्वामित्रो गते राजा वैदेहं मिथिलाधिपम् । आपृच्छ्याथ जगामाशु राजा दशरथः पुरीम् ॥
अथ राजा विदेहानां ददौ कन्याधनं बहु । गवां शतसहस्राणि बहूनि मिथिलेश्वरः ॥
कम्बलानां च मुख्यानां क्षौमकोट्यम्बराणि च । हस्त्यश्वरथपादातं दिव्यरूपं स्वलंकृतम् ॥
ददौ कन्या पिता तासां दासीदासम् अनुत्तमम् । हिरण्यस्य सुवर्णस्य मुक्तानां विद्रुमस्य च ॥
ददौ परमसंहृष्टः कन्याधनम् अनुत्तमम् । दत्त्वा बहुधनं राजा समनुज्ञाप्य पार्थिवम् ॥
प्रविवेश स्वनिलयं मिथिलां मिथिलेश्वरः । राजाप्य् अयोध्याधिपतिः सह पुत्रैर् महात्मभिः ॥
atha rātryāṃ vyatītāyāṃ viśvāmitro mahāmuniḥ | āpṛcchya tau ca rājānau jagāmottaraparvatam ||
viśvāmitro gate rājā vaidehaṃ mithilādhipam | āpṛcchyātha jagāmāśu rājā daśarathaḥ purīm ||
atha rājā videhānāṃ dadau kanyādhanaṃ bahu | gavāṃ śatasahasrāṇi bahūni mithileśvaraḥ ||
kambalānāṃ ca mukhyānāṃ kṣaumakoṭyambarāṇi ca | hastyaśvarathapādātaṃ divyarūpaṃ svalaṃkṛtam ||
dadau kanyā pitā tāsāṃ dāsīdāsam anuttamam | hiraṇyasya suvarṇasya muktānāṃ vidrumasya ca ||
dadau paramasaṃhṛṣṭaḥ kanyādhanam anuttamam | dattvā bahudhanaṃ rājā samanujñāpya pārthivam ||
praviveśa svanilayaṃ mithilāṃ mithileśvaraḥ | rājāpy ayodhyādhipatiḥ saha putrair mahātmabhiḥ ||
Когда ночь прошла, великий муни Вишвамитра попрощался с обоими царями и ушёл к северной горе. После ухода Вишвамитры царь Дашаратха попрощался с Вайдехой, владыкой Митхилы, и быстро отправился к своей столице. Затем царь Видехов, владыка Митхилы, дал обильное приданое дочерям: многие сотни тысяч коров, лучшие покрывала, множество тонких льняных одежд, слонов, коней, колесницы и пехоту прекрасного вида, богато украшенную. Отец девушек дал превосходных служанок и слуг, золото, чистое золото, жемчуг и кораллы. В высшей степени радостный, он даровал превосходные свадебные дары. Дав много богатства и почтительно отпустив царя, владыка Митхилы вернулся в свою Митхилу.
47288c754f59 · published Jun 22, 2026, 12:00:00 AM UTC
Available inRUPage between verses with
После небесной радости свадьбы повествование показывает земную полноту дара: Джанака отдаёт дочерей не скупым жестом, а с царской щедростью. Союз родов завершается благословением, дарами и почтительным расставанием.