कृतोपवासं तु तदा वैदेह्या सह राघवम् । अयोध्या निलयः श्रुत्वा सर्वः प्रमुदितो जनः ॥
ततः पौरजनः सर्वः श्रुत्वा रामाभिषेचनम् । प्रभातां रजनीं दृष्ट्वा चक्रे शोभां परां पुनः ॥
सिताभ्रशिखराभेषु देवतायतनेषु च । चतुष्पथेषु रथ्यासु चैत्येष्व् अट्टालकेषु च ॥
नानापण्यसमृद्धेषु वणिजाम् आपणेषु च । कुटुम्बिनां समृद्धेषु श्रीमत्सु भवनेषु च ॥
सभासु चैव सर्वासु वृक्षेष्व् आलक्षितेषु च । ध्वजाः समुच्छ्रिताश् चित्राः पताकाश् चाभवंस् तदा ॥
नटनर्तकसंघानां गायकानां च गायताम् । मनःकर्णसुखा वाचः शुश्रुवुश् च ततस् ततः ॥
रामाभिषेकयुक्ताश् च कथाश् चक्रुर् मिथो जनाः । रामाभिषेके संप्राप्ते चत्वरेषु गृहेषु च ॥
बाला अपि क्रीडमाना गृहद्वारेषु संघशः । रामाभिषेकसंयुक्ताश् चक्रुर् एव मिथः कथाः ॥
कृतपुष्पोपहारश् च धूपगन्धाधिवासितः । राजमार्गः कृतः श्रीमान् पौरै रामाभिषेचने ॥
प्रकाशीकरणार्थं च निशागमनशङ्कया । दीपवृक्षांस् तथा चक्रुर् अनु रथ्यासु सर्वशः ॥
kṛtopavāsaṃ tu tadā vaidehyā saha rāghavam | ayodhyā nilayaḥ śrutvā sarvaḥ pramudito janaḥ ||
tataḥ paurajanaḥ sarvaḥ śrutvā rāmābhiṣecanam | prabhātāṃ rajanīṃ dṛṣṭvā cakre śobhāṃ parāṃ punaḥ ||
sitābhraśikharābheṣu devatāyataneṣu ca | catuṣpatheṣu rathyāsu caityeṣv aṭṭālakeṣu ca ||
nānāpaṇyasamṛddheṣu vaṇijām āpaṇeṣu ca | kuṭumbināṃ samṛddheṣu śrīmatsu bhavaneṣu ca ||
sabhāsu caiva sarvāsu vṛkṣeṣv ālakṣiteṣu ca | dhvajāḥ samucchritāś citrāḥ patākāś cābhavaṃs tadā ||
naṭanartakasaṃghānāṃ gāyakānāṃ ca gāyatām | manaḥkarṇasukhā vācaḥ śuśruvuś ca tatas tataḥ ||
rāmābhiṣekayuktāś ca kathāś cakrur mitho janāḥ | rāmābhiṣeke saṃprāpte catvareṣu gṛheṣu ca ||
bālā api krīḍamānā gṛhadvāreṣu saṃghaśaḥ | rāmābhiṣekasaṃyuktāś cakrur eva mithaḥ kathāḥ ||
kṛtapuṣpopahāraś ca dhūpagandhādhivāsitaḥ | rājamārgaḥ kṛtaḥ śrīmān paurai rāmābhiṣecane ||
prakāśīkaraṇārthaṃ ca niśāgamanaśaṅkayā | dīpavṛkṣāṃs tathā cakrur anu rathyāsu sarvaśaḥ ||
Узнав, что Рагхава соблюл пост вместе с Вайдехи, весь народ Айодхьи возликовал. Затем все горожане, услышав о помазании Рамы и увидев, что ночь рассвела, снова устроили высшее убранство. В храмах, сияющих как вершины белых облаков, на перекрёстках, улицах, у святынь и на башнях, в лавках купцов, богатых разными товарами, в прекрасных домах процветающих домовладельцев, во всех собраниях и на отмеченных деревьях появились высоко поднятые разноцветные флаги и стяги. Со всех сторон слышались голоса актёров, танцоров и поющих певцов, приятные уму и слуху. Люди на площадях и в домах вели между собой разговоры о наступающем помазании Рамы. Даже дети, играя группами у дверей домов, говорили друг с другом только о помазании Рамы. Горожане сделали главную улицу прекрасной для посвящения Рамы: приготовили цветочные подношения, наполнили её ароматом благовоний и повсюду вдоль улиц установили стойки с лампами для освещения, на случай если наступит ночь.
600b43185743 · published Jun 22, 2026, 12:00:00 AM UTC
Available inRUPage between verses with
Радость о Раме проникает во все слои города: храмы, рынки, дома, площади, актёры, певцы и даже дети говорят об одном событии. Помазание становится общим ожиданием света, поэтому город заранее ставит светильники.