ते तु तस्मिन् महावृक्ष उषित्वा रजनीं शिवाम् । विमले ऽभ्युदिते सूर्ये तस्माद् देशात् प्रतस्थिरे ॥
यत्र भागीरथी गङ्गा यमुनाम् अभिवर्तते । जग्मुस् तं देशम् उद्दिश्य विगाह्य सुमहद् वनम् ॥
ते भूमिम् आगान् विविधान् देशांश् चापि मनोरमान् । अदृष्टपूर्वान् पश्यन्तस् तत्र तत्र यशस्विनः ॥
यथाक्षेमेण गच्छन् स पश्यंश् च विविधान् द्रुमान् । निवृत्तमात्रे दिवसे रामः सौमित्रिम् अब्रवीत् ॥
प्रयागम् अभितः पश्य सौमित्रे धूमम् उन्नतम् । अग्नेर् भगवतः केतुं मन्ये संनिहितो मुनिः ॥
नूनं प्राप्ताः स्म संभेदं गङ्गायमुनयोर् वयम् । तथा हि श्रूयते शम्ब्दो वारिणा वारिघट्टितः ॥
दारूणि परिभिन्नानि वनजैर् उपजीविभिः । भरद्वाजाश्रमे चैते दृश्यन्ते विविधा द्रुमाः ॥
धन्विनौ तौ सुखं गत्वा लम्बमाने दिवाकरे । गङ्गायमुनयोः संधौ प्रापतुर् निलयं मुनेः ॥
te tu tasmin mahāvṛkṣa uṣitvā rajanīṃ śivām | vimale 'bhyudite sūrye tasmād deśāt pratasthire ||
yatra bhāgīrathī gaṅgā yamunām abhivartate | jagmus taṃ deśam uddiśya vigāhya sumahad vanam ||
te bhūmim āgān vividhān deśāṃś cāpi manoramān | adṛṣṭapūrvān paśyantas tatra tatra yaśasvinaḥ ||
yathākṣemeṇa gacchan sa paśyaṃś ca vividhān drumān | nivṛttamātre divase rāmaḥ saumitrim abravīt ||
prayāgam abhitaḥ paśya saumitre dhūmam unnatam | agner bhagavataḥ ketuṃ manye saṃnihito muniḥ ||
nūnaṃ prāptāḥ sma saṃbhedaṃ gaṅgāyamunayor vayam | tathā hi śrūyate śambdo vāriṇā vārighaṭṭitaḥ ||
dārūṇi paribhinnāni vanajair upajīvibhiḥ | bharadvājāśrame caite dṛśyante vividhā drumāḥ ||
dhanvinau tau sukhaṃ gatvā lambamāne divākare | gaṅgāyamunayoḥ saṃdhau prāpatur nilayaṃ muneḥ ||
Переночевав благую ночь под тем великим деревом, они при ясном восходе солнца отправились из того места. Войдя в огромный лес, они пошли к той области, где Бхагиратхи Ганга соединяется с Ямуной. Славные путники видели по дороге проходимую землю, разные прекрасные места, прежде ими не виданные, и множество деревьев. К исходу дня Рама, благополучно идя и созерцая разные деревья, сказал Саумитри: «Посмотри, о Лакшмана, у Праяги поднимается высокий дым — знак священного огня. Думаю, мудрец находится близко. Несомненно, мы достигли слияния Ганги и Ямуны: слышится звук воды, ударяющейся о воду. Видны расщеплённые лесными жителями дрова и разные деревья у ашрама Бхарадваджи». Так оба брата, вооружённые луками, благополучно дошли к обители мудреца у слияния Ганги и Ямуны, когда солнце уже склонялось.
678483bb7e06 · published Jun 22, 2026, 12:00:00 AM UTC
Available inRUPage between verses with
Путь к Праяге ведёт от дикого леса к месту священного соединения. Рама читает признаки ашрама — дым огня, звук вод и следы жизни подвижников — как карту дхармы в лесу.