दशक्रोश इतस् तात गिरिर् यस्मिन् निवत्स्यसि । महर्षिसेवितः पुण्यः सर्वतः सुख दर्शनः ॥
गोलाङ्गूलानुचरितो वानरर्क्षनिषेवितः । चित्रकूट इति ख्यातो गन्धमादनसंनिभः ॥
यावता चित्र कूटस्य नरः शृङ्गाण्य् अवेक्षते । कल्याणानि समाधत्ते न पापे कुरुते मनः ॥
ऋषयस् तत्र बहवो विहृत्य शरदां शतम् । तपसा दिवम् आरूढाः कपालशिरसा सह ॥
प्रविविक्तम् अहं मन्ये तं वासं भवतः सुखम् । इह वा वनवासाय वस राम मया सह ॥
स रामं सर्वकामैस् तं भरद्वाजः प्रियातिथिम् । सभार्यं सह च भ्रात्रा प्रतिजग्राह धर्मवित् ॥
तस्य प्रयागे रामस्य तं महर्षिम् उपेयुषः । प्रपन्ना रजनी पुण्या चित्राः कथयतः कथाः ॥
प्रभातायां रजन्यां तु भरद्वाजम् उपागमत् । उवाच नरशार्दूलो मुनिं ज्वलिततेजसं ॥
शर्वरीं भवनन्न् अद्य सत्यशील तवाश्रमे । उषिताः स्मेह वसतिम् अनुजानातु नो भवान् ॥
रात्र्यां तु तस्यां व्युष्टायां भरद्वाजो ऽब्रवीद् इदम् । मधुमूलफलोपेतं चित्रकूटं व्रजेति ह ॥
तत्र कुञ्जरयूथानि मृगयूथानि चाभितः । विचरन्ति वनान्तेषु तानि द्रक्ष्यसि राघव ॥
प्रहृष्टकोयष्टिककोकिलस्वनैर्; विनादितं तं वसुधाधरं शिवम् । मृगैश् च मत्तैर् बहुभिश् च कुञ्जरैः; सुरम्यम् आसाद्य समावसाश्रमम् ॥
daśakrośa itas tāta girir yasmin nivatsyasi | maharṣisevitaḥ puṇyaḥ sarvataḥ sukha darśanaḥ ||
golāṅgūlānucarito vānararkṣaniṣevitaḥ | citrakūṭa iti khyāto gandhamādanasaṃnibhaḥ ||
yāvatā citra kūṭasya naraḥ śṛṅgāṇy avekṣate | kalyāṇāni samādhatte na pāpe kurute manaḥ ||
ṛṣayas tatra bahavo vihṛtya śaradāṃ śatam | tapasā divam ārūḍhāḥ kapālaśirasā saha ||
praviviktam ahaṃ manye taṃ vāsaṃ bhavataḥ sukham | iha vā vanavāsāya vasa rāma mayā saha ||
sa rāmaṃ sarvakāmais taṃ bharadvājaḥ priyātithim | sabhāryaṃ saha ca bhrātrā pratijagrāha dharmavit ||
tasya prayāge rāmasya taṃ maharṣim upeyuṣaḥ | prapannā rajanī puṇyā citrāḥ kathayataḥ kathāḥ ||
prabhātāyāṃ rajanyāṃ tu bharadvājam upāgamat | uvāca naraśārdūlo muniṃ jvalitatejasaṃ ||
śarvarīṃ bhavanann adya satyaśīla tavāśrame | uṣitāḥ smeha vasatim anujānātu no bhavān ||
rātryāṃ tu tasyāṃ vyuṣṭāyāṃ bharadvājo 'bravīd idam | madhumūlaphalopetaṃ citrakūṭaṃ vrajeti ha ||
tatra kuñjarayūthāni mṛgayūthāni cābhitaḥ | vicaranti vanānteṣu tāni drakṣyasi rāghava ||
prahṛṣṭakoyaṣṭikakokilasvanair; vināditaṃ taṃ vasudhādharaṃ śivam | mṛgaiś ca mattair bahubhiś ca kuñjaraiḥ; suramyam āsādya samāvasāśramam ||
Бхарадваджа сказал: «В десяти крошах отсюда, дорогой, есть гора, на которой ты будешь жить. Она священна, посещаема великими риши и со всех сторон радует взор. Там ходят лангуры, её населяют ванары и медведи; она известна как Читракута и подобна Гандхамадане. Пока человек созерцает вершины Читракуты, он собирает благие заслуги и не направляет ум ко греху. Многие риши, прожив там сто лет, силой аскезы взошли на небо вместе с Капалаширасом. Я считаю это место очень уединённым и удобным для тебя; или же, о Рама, живи здесь со мной для своего лесного изгнания». Знающий дхарму Бхарадваджа принял дорогого гостя Раму со всеми нужными дарами, вместе с супругой и братом. У Рамы, пришедшего в Праяге к этому великому риши, наступила священная ночь, пока они вели разнообразные беседы. Когда ночь рассвела, тигр среди людей подошёл к Бхарадвадже, мудрецу пылающего могущества, и сказал: «О почтенный, о верный истине, сегодня мы переночевали в твоём ашраме. Да дозволит нам ваша милость дальнейшее пребывание». Когда та ночь окончилась, Бхарадваджа сказал: «Иди к Читракуте, богатой мёдом, кореньями и плодами. Там, о Рагхава, в лесных окраинах со всех сторон бродят стада слонов и зверей; ты увидишь их. Достигнув той благой и прекрасной горы, оглашаемой криками радостных птиц, полной резвых животных и множества слонов, поселись в ашраме».
830c3a8efd50 · published Jun 22, 2026, 12:00:00 AM UTC
Available inRUPage between verses with
Бхарадваджа указывает Читракуту не просто как безопасное убежище, а как место, где сама природа поддерживает подвижничество. Лес здесь не пустота, а пространство очищения, красоты и памяти о риши.