राज्याद् भ्रंशस्व कैकेयि नृशंसे दुष्टचारिणि । परित्यक्ता च धर्मेण मा मृतं रुदती भव ॥
किं नु ते ऽदूषयद् राजा रामो वा भृशधार्मिकः । ययोर् मृत्युर् विवासश् च त्वत्कृते तुल्यम् आगतौ ॥
भ्रूणहत्याम् असि प्राप्ता कुलस्यास्य विनाशनात् । कैकेयि नरकं गच्छ मा च भर्तुः सलोकताम् ॥
यत् त्वया हीदृशं पापं कृतं घोरेण कर्मणा । सर्वलोकप्रियं हित्वा ममाप्य् आपादितं भयम् ॥
त्वत्कृते मे पिता वृत्तो रामश् चारण्यम् आश्रितः । अयशो जीवलोके च त्वयाहं प्रतिपादितः ॥
मातृरूपे ममामित्रे नृशंसे राज्यकामुके । न ते ऽहम् अभिभाष्यो ऽस्मि दुर्वृत्ते पतिघातिनि ॥
कौसल्या च सुमित्रा च याश् चान्या मम मातरः । दुःखेन महताविष्टास् त्वां प्राप्य कुलदूषिणीम् ॥
न त्वम् अश्वपतेः कन्या धर्मराजस्य धीमतः । राक्षसी तत्र जातासि कुलप्रध्वंसिनी पितुः ॥
यत् त्वया धार्मिको रामो नित्यं सत्यपरायणः । वनं प्रस्थापितो दुःखात् पिता च त्रिदिवं गतः ॥
यत् प्रधानासि तत् पापं मयि पित्रा विनाकृते । भ्रातृभ्यां च परित्यक्ते सर्वलोकस्य चाप्रिये ॥
कौसल्यां धर्मसंयुक्तां वियुक्तां पापनिश्चये । कृत्वा कं प्राप्स्यसे त्व् अद्य लोकं निरयगामिनी ॥
किं नावबुध्यसे क्रूरे नियतं बन्धुसंश्रयम् । ज्येष्ठं पितृसमं रामं कौसल्यायात्मसंभवम् ॥
अङ्गप्रत्यङ्गजः पुत्रो हृदयाच् चापि जायते । तस्मात् प्रियतरो मातुः प्रियत्वान् न तु बान्धवः ॥
rājyād bhraṃśasva kaikeyi nṛśaṃse duṣṭacāriṇi | parityaktā ca dharmeṇa mā mṛtaṃ rudatī bhava ||
kiṃ nu te 'dūṣayad rājā rāmo vā bhṛśadhārmikaḥ | yayor mṛtyur vivāsaś ca tvatkṛte tulyam āgatau ||
bhrūṇahatyām asi prāptā kulasyāsya vināśanāt | kaikeyi narakaṃ gaccha mā ca bhartuḥ salokatām ||
yat tvayā hīdṛśaṃ pāpaṃ kṛtaṃ ghoreṇa karmaṇā | sarvalokapriyaṃ hitvā mamāpy āpāditaṃ bhayam ||
tvatkṛte me pitā vṛtto rāmaś cāraṇyam āśritaḥ | ayaśo jīvaloke ca tvayāhaṃ pratipāditaḥ ||
mātṛrūpe mamāmitre nṛśaṃse rājyakāmuke | na te 'ham abhibhāṣyo 'smi durvṛtte patighātini ||
kausalyā ca sumitrā ca yāś cānyā mama mātaraḥ | duḥkhena mahatāviṣṭās tvāṃ prāpya kuladūṣiṇīm ||
na tvam aśvapateḥ kanyā dharmarājasya dhīmataḥ | rākṣasī tatra jātāsi kulapradhvaṃsinī pituḥ ||
yat tvayā dhārmiko rāmo nityaṃ satyaparāyaṇaḥ | vanaṃ prasthāpito duḥkhāt pitā ca tridivaṃ gataḥ ||
yat pradhānāsi tat pāpaṃ mayi pitrā vinākṛte | bhrātṛbhyāṃ ca parityakte sarvalokasya cāpriye ||
kausalyāṃ dharmasaṃyuktāṃ viyuktāṃ pāpaniścaye | kṛtvā kaṃ prāpsyase tv adya lokaṃ nirayagāminī ||
kiṃ nāvabudhyase krūre niyataṃ bandhusaṃśrayam | jyeṣṭhaṃ pitṛsamaṃ rāmaṃ kausalyāyātmasaṃbhavam ||
aṅgapratyaṅgajaḥ putro hṛdayāc cāpi jāyate | tasmāt priyataro mātuḥ priyatvān na tu bāndhavaḥ ||
Пади с царства, Кайкейи, жестокая и злонравная! Оставленная дхармой, не становись плакальщицей по умершему мужу. Что дурного сделал тебе царь или крайне праведный Рама, если по твоей вине к одному пришла смерть, а к другому изгнание? Разрушив этот род, ты навлекла на себя грех, подобный убийству младенца. Иди в ад, Кайкейи, и не достигни одного мира с мужем. Своим ужасным поступком ты совершила такое зло: отвергла любимого всеми Раму и навлекла опасность даже на меня. По твоей вине умер мой отец, Рама ушёл в лес, а я поставлен тобой в позор среди живых. Врагиня в образе матери, жестокая, жаждущая царства, я не должен говорить с тобой, злонравная убийца мужа. Каушалья, Сумитра и все другие мои матери охвачены великим горем, столкнувшись с тобой, осквернительницей рода. Ты не дочь мудрого и праведного царя Ашвапати: в его роду родилась ракшаси, разрушительница отцовского рода. Праведный Рама, всегда преданный истине, был отправлен тобой в лес, а отец от горя ушёл на небо. Ты главная причина этого греха: я лишён отца, оставлен двумя братьями и стал неприятен всему миру. О решившаяся на зло, сделав праведную Каушалью разлучённой с сыном, какой мир ты теперь получишь, обречённая на ад? Разве ты не понимаешь, жестокая, что Рама, старший, равный отцу, собственный сын Каушальи, непременно является опорой родных? Сын рождается из всех членов тела и даже из сердца; поэтому он для матери дороже всего, а не просто один из родственников.
b3f6b05239e9 · published Jun 22, 2026, 12:00:00 AM UTC
Available inRUPage between verses with
Бхарата говорит предельно резко, потому что видит грех без украшений: Кайкейи разрушила доверие, род, материнство и царскую дхарму. Его слова показывают, что любовь к Раме неотделима от верности истине; принять выгоду от такого поступка значило бы стать его соучастником.