यादृशं लक्ष्यते रूपं यथा चैव श्रुतं मया । व्यक्तं प्राप्ताः स्म तं देशं भरद्वाजो यम् अब्रवीत् ॥
अयं गिरिश् चित्रकूटस् तथा मन्दाकिनी नदी । एतत् प्रकाशते दूरान् नीलमेघनिभं वनम् ॥
गिरेः सानूनि रम्याणि चित्रकूटस्य संप्रति । वारणैर् अवमृद्यन्ते मामकैः पर्वतोपमैः ॥
मुञ्चन्ति कुसुमान्य् एते नगाः पर्वतसानुषु । नीला इवातपापाये तोयं तोयधरा घनाः ॥
किन्नराचरितोद्देशं पश्य शत्रुघ्न पर्वतम् । हयैः समन्ताद् आकीर्णं मकरैर् इव सागरम् ॥
एते मृगगणा भान्ति शीघ्रवेगाः प्रचोदिताः । वायुप्रविद्धाः शरदि मेघराज्य इवाम्बरे ॥
कुर्वन्ति कुसुमापीडाञ् शिरःसु सुरभीन् अमी । मेघप्रकाशैः फलकैर् दाक्षिणात्या यथा नराः ॥
निष्कूजम् इव भूत्वेदं वनं घोरप्रदर्शनम् । अयोध्येव जनाकीर्णा संप्रति प्रतिभाति मा ॥
खुरैर् उदीरितो रेणुर् दिवं प्रच्छाद्य तिष्ठति । तं वहत्य् अनिलः शीघ्रं कुर्वन्न् इव मम प्रियम् ॥
स्यन्दनांस् तुरगोपेतान् सूतमुख्यैर् अधिष्ठितान् । एतान् संपततः शीघ्रं पश्य शत्रुघ्न कानने ॥
एतान् वित्रासितान् पश्य बर्हिणः प्रियदर्शनान् । एतम् आविशतः शैलम् अधिवासं पतत्रिणाम् ॥
अतिमात्रम् अयं देशो मनोज्ञः प्रतिभाति मा । तापसानां निवासो ऽयं व्यक्तं स्वर्गपथो यथा ॥
yādṛśaṃ lakṣyate rūpaṃ yathā caiva śrutaṃ mayā | vyaktaṃ prāptāḥ sma taṃ deśaṃ bharadvājo yam abravīt ||
ayaṃ giriś citrakūṭas tathā mandākinī nadī | etat prakāśate dūrān nīlameghanibhaṃ vanam ||
gireḥ sānūni ramyāṇi citrakūṭasya saṃprati | vāraṇair avamṛdyante māmakaiḥ parvatopamaiḥ ||
muñcanti kusumāny ete nagāḥ parvatasānuṣu | nīlā ivātapāpāye toyaṃ toyadharā ghanāḥ ||
kinnarācaritoddeśaṃ paśya śatrughna parvatam | hayaiḥ samantād ākīrṇaṃ makarair iva sāgaram ||
ete mṛgagaṇā bhānti śīghravegāḥ pracoditāḥ | vāyupraviddhāḥ śaradi megharājya ivāmbare ||
kurvanti kusumāpīḍāñ śiraḥsu surabhīn amī | meghaprakāśaiḥ phalakair dākṣiṇātyā yathā narāḥ ||
niṣkūjam iva bhūtvedaṃ vanaṃ ghorapradarśanam | ayodhyeva janākīrṇā saṃprati pratibhāti mā ||
khurair udīrito reṇur divaṃ pracchādya tiṣṭhati | taṃ vahaty anilaḥ śīghraṃ kurvann iva mama priyam ||
syandanāṃs turagopetān sūtamukhyair adhiṣṭhitān | etān saṃpatataḥ śīghraṃ paśya śatrughna kānane ||
etān vitrāsitān paśya barhiṇaḥ priyadarśanān | etam āviśataḥ śailam adhivāsaṃ patatriṇām ||
atimātram ayaṃ deśo manojñaḥ pratibhāti mā | tāpasānāṃ nivāso 'yaṃ vyaktaṃ svargapatho yathā ||
Бхарата сказал: «По виду местности и по тому, что я слышал, ясно: мы достигли того края, о котором говорил Бхарадваджа. Вот гора Читракута, вот река Мандакини, и вон издали виднеется лес, подобный синей туче. Сейчас прекрасные склоны Читракуты топчутся моими слонами, подобными горам. Эти деревья на горных склонах роняют цветы, как тёмные дождевые тучи проливают воду, когда спадает зной. Посмотри, Шатругхна, на гору, где ходят киннары: она со всех сторон покрыта конями, как океан макарами. Встревоженные стремительные стада зверей кажутся рядами облаков, разметанных ветром в осеннем небе. Эти деревья с листьями, похожими на облака, носят на вершинах душистые цветочные уборы, как южане на головах. Этот лес, ставший почти без птичьего щебета и грозный на вид, теперь кажется мне многолюдной Айодхьей. Пыль, поднятая копытами, стоит, покрыв небо, а ветер быстро уносит её, словно делая мне приятное. Посмотри, Шатругхна, как в лесу быстро несутся колесницы с конями, управляемые лучшими возничими. Посмотри на прекрасных павлинов, которых распугали; они влетают на эту гору, жилище птиц. Эта местность кажется мне необычайно прекрасной: это обитель подвижников, явно подобная дороге в рай».
1f9b822b391b · published Jun 22, 2026, 12:00:00 AM UTC
Available inRUPage between verses with
Бхарата видит Читракуту глазами человека, стремящегося к Раме: красота леса, шум армии, бег зверей и поднятая пыль становятся знаками близости встречи. Даже потревоженный лес напоминает ему Айодхью, потому что там находится Рама.