इदम् एवामृतं प्राहू राज्ञां राजर्षयः परे । वनवासं भवार्थाय प्रेत्य मे प्रपितामहाः ॥
शिलाः शैलस्य शोभन्ते विशालाः शतशो ऽभितः । बहुला बहुलैर् वर्णैर् नीलपीतसितारुणैः ॥
निशि भान्त्य् अचलेन्द्रस्य हुताशनशिखा इव । ओषध्यः स्वप्रभा लक्ष्म्या भ्राजमानाः सहस्रशः ॥
के चित् क्षयनिभा देशाः के चिद् उद्यानसंनिभाः । के चिद् एकशिला भान्ति पर्वतस्यास्य भामिनि ॥
भित्त्वेव वसुधां भाति चित्रकूटः समुत्थितः । चित्रकूटस्य कूटो ऽसौ दृश्यते सर्वतः शिवः ॥
कुष्ठपुंनागतगरभूर्जपत्रोत्तरच्छदान् । कामिनां स्वास्तरान् पश्य कुशेशयदलायुतान् ॥
मृदिताश् चापविद्धाश् च दृश्यन्ते कमलस्रजः । कामिभिर् वनिते पश्य फलानि विविधानि च ॥
वस्वौकसारां नलिनीम् अत्येतीवोत्तरान् कुरून् । पर्वतश् चित्रकूटो ऽसौ बहुमूलफलोदकः ॥
इमं तु कालं वनिते विजह्रिवांस्; त्वया च सीते सह लक्ष्मणेन च । रतिं प्रपत्स्ये कुलधर्मवर्धिनीं; सतां पथि स्वैर् नियमैः परैः स्थितः ॥
idam evāmṛtaṃ prāhū rājñāṃ rājarṣayaḥ pare | vanavāsaṃ bhavārthāya pretya me prapitāmahāḥ ||
śilāḥ śailasya śobhante viśālāḥ śataśo 'bhitaḥ | bahulā bahulair varṇair nīlapītasitāruṇaiḥ ||
niśi bhānty acalendrasya hutāśanaśikhā iva | oṣadhyaḥ svaprabhā lakṣmyā bhrājamānāḥ sahasraśaḥ ||
ke cit kṣayanibhā deśāḥ ke cid udyānasaṃnibhāḥ | ke cid ekaśilā bhānti parvatasyāsya bhāmini ||
bhittveva vasudhāṃ bhāti citrakūṭaḥ samutthitaḥ | citrakūṭasya kūṭo 'sau dṛśyate sarvataḥ śivaḥ ||
kuṣṭhapuṃnāgatagarabhūrjapatrottaracchadān | kāmināṃ svāstarān paśya kuśeśayadalāyutān ||
mṛditāś cāpaviddhāś ca dṛśyante kamalasrajaḥ | kāmibhir vanite paśya phalāni vividhāni ca ||
vasvaukasārāṃ nalinīm atyetīvottarān kurūn | parvataś citrakūṭo 'sau bahumūlaphalodakaḥ ||
imaṃ tu kālaṃ vanite vijahrivāṃs; tvayā ca sīte saha lakṣmaṇena ca | ratiṃ prapatsye kuladharmavardhinīṃ; satāṃ pathi svair niyamaiḥ paraiḥ sthitaḥ ||
«Древние царственные риши, мои предки, называли такое лесное пребывание нектаром для царей, когда оно ведёт к высшему благу. Сотни широких скал этой горы сияют вокруг множеством синих, жёлтых, белых и алых красок. Ночью тысячи трав на этой лучшей горе светятся собственной красотой, словно языки огня. О сияющая, одни места этой горы похожи на жилища, другие — на сады, а иные кажутся цельной скалой. Читракута выглядит так, будто пробила землю и поднялась из неё; её прекрасная вершина видна со всех сторон. Посмотри на ложа влюблённых, покрытые куштхой, пуннагой, тагарой и берестой, усыпанные лепестками лотосов. О прекрасная, видны смятые и разбросанные лотосовые гирлянды и разные плоды. Эта гора Читракута, богатая кореньями, плодами и водой, словно превосходит лотосовые озёра, обители Васу и северных Куру. О Сита, проводя здесь время с тобой и Лакшманой, утверждённый в высших обетах на пути праведных, я обрету радость, которая умножает дхарму нашего рода».
394dbf4c5735 · published Jun 22, 2026, 12:00:00 AM UTC
Available inRUPage between verses with
Рама видит в лесной жизни царский нектар, потому что она связана с обетом, предками и путём праведных. Читракута становится местом, где красота природы и исполнение долга соединяются в одну форму радости.