निरीक्ष्य स मुहूर्तं तु ददर्श भरतो गुरुम् । उटजे रामम् आसीनां जटामण्डलधारिणम् ॥
तं तु कृष्णाजिनधरं चीरवल्कलवाससं । ददर्श रामम् आसीनम् अभितः पावकोपमम् ॥
सिंहस्कन्धं महाबाहुं पुण्डरीकनिभेक्षणम् । पृथिव्याः सगरान्ताया भर्तारं धर्मचारिणम् ॥
उपविष्टं महाबाहुं ब्रह्माणम् इव शाश्वतम् । स्थण्डिले दर्भसस्म्तीर्णे सीतया लक्ष्मणेन च ॥
तं दृष्ट्वा भरतः श्रीमान् दुःखमोहपरिप्लुतः । अभ्यधावत धर्मात्मा भरतः कैकयीसुतः ॥
दृष्ट्वा च विललापार्तो बाष्पसंदिग्धया गिरा । अशक्नुवन् धारयितुं धैर्याद् वचनम् अब्रवीत् ॥
यः संसदि प्रकृतिभिर् भवेद् युक्त उपासितुम् । वन्यैर् मृगैर् उपासीनः सो ऽयम् आस्ते ममाग्रजः ॥
वासोभिर् बहुसाहस्रैर् यो महात्मा पुरोचितः । मृगाजिने सो ऽयम् इह प्रवस्ते धर्मम् आचरन् ॥
अधारयद् यो विविधाश् चित्राः सुमनसस् तदा । सो ऽयं जटाभारम् इमं सहते राघवः कथम् ॥
यस्य यज्ञैर् यथादिष्टैर् युक्तो धर्मस्य संचयः । शरीर क्लेशसंभूतं स धर्मं परिमार्गते ॥
चन्दनेन महार्हेण यस्याङ्गम् उपसेवितम् । मलेन तस्याङ्गम् इदं कथम् आर्यस्य सेव्यते ॥
मन्निमित्तम् इदं दुःखं प्राप्तो रामः सुखोचितः । धिग् जीवितं नृशंसस्य मम लोकविगर्हितम् ॥
nirīkṣya sa muhūrtaṃ tu dadarśa bharato gurum | uṭaje rāmam āsīnāṃ jaṭāmaṇḍaladhāriṇam ||
taṃ tu kṛṣṇājinadharaṃ cīravalkalavāsasaṃ | dadarśa rāmam āsīnam abhitaḥ pāvakopamam ||
siṃhaskandhaṃ mahābāhuṃ puṇḍarīkanibhekṣaṇam | pṛthivyāḥ sagarāntāyā bhartāraṃ dharmacāriṇam ||
upaviṣṭaṃ mahābāhuṃ brahmāṇam iva śāśvatam | sthaṇḍile darbhasasmtīrṇe sītayā lakṣmaṇena ca ||
taṃ dṛṣṭvā bharataḥ śrīmān duḥkhamohapariplutaḥ | abhyadhāvata dharmātmā bharataḥ kaikayīsutaḥ ||
dṛṣṭvā ca vilalāpārto bāṣpasaṃdigdhayā girā | aśaknuvan dhārayituṃ dhairyād vacanam abravīt ||
yaḥ saṃsadi prakṛtibhir bhaved yukta upāsitum | vanyair mṛgair upāsīnaḥ so 'yam āste mamāgrajaḥ ||
vāsobhir bahusāhasrair yo mahātmā purocitaḥ | mṛgājine so 'yam iha pravaste dharmam ācaran ||
adhārayad yo vividhāś citrāḥ sumanasas tadā | so 'yaṃ jaṭābhāram imaṃ sahate rāghavaḥ katham ||
yasya yajñair yathādiṣṭair yukto dharmasya saṃcayaḥ | śarīra kleśasaṃbhūtaṃ sa dharmaṃ parimārgate ||
candanena mahārheṇa yasyāṅgam upasevitam | malena tasyāṅgam idaṃ katham āryasya sevyate ||
mannimittam idaṃ duḥkhaṃ prāpto rāmaḥ sukhocitaḥ | dhig jīvitaṃ nṛśaṃsasya mama lokavigarhitam ||
Осмотревшись, Бхарата через мгновение увидел в хижине своего старшего брата Раму, сидящего с венцом спутанных волос. Он увидел Раму, сидящего в чёрной оленьей шкуре, в одежде из луба и коры, подобного огню со всех сторон: львиноплечего, могучерукого, лотосоокого, владыку земли до океана, идущего путём дхармы. Могучерукий Рама сидел на голой земле, устланной дарбхой, рядом с Ситой и Лакшманой, словно вечный Брахма. Увидев его, славный праведный Бхарата, сын Кайкейи, охваченный горем и смятением, устремился к нему. Измученный, он стал причитать голосом, захлёбывающимся слезами, и, не в силах сдержаться мужеством, сказал: «Тот, кого в собрании должны были почитать подданные, теперь сидит здесь, окружённый лесными зверями, — мой старший брат. Тот великодушный, достойный дворца и тысяч одежд, здесь носит оленью шкуру, исполняя дхарму. Тот Рагхава, который прежде носил разные прекрасные цветы, как теперь терпит эту тяжесть джат? Тот, чья дхарма должна была накапливаться предписанными жертвоприношениями, теперь ищет дхарму, рожденную телесным страданием. Тело благородного, которое было умащено драгоценным сандалом, как теперь покрывается грязью? Из-за меня Рама, достойный счастья, получил это страдание. Позор жизни такого жестокого человека, как я, порицаемой всем миром!»
dad5309e4544 · published Jun 22, 2026, 12:00:00 AM UTC
Available inRUPage between verses with
Вид Рамы разрушает последние оправдания Бхараты. Его речь построена на контрасте: дворец и шкура, сандал и грязь, царский зал и лесные звери. Так раскаяние становится не абстрактной виной, а прямым видением страдания Рамы.