ततो हृष्टो भरद्वाजो भरतं वाक्यम् अब्रवीत् । अपि कृत्यं कृतं तात रामेण च समागतम् ॥
एवम् उक्तस् तु भरतो भरद्वाजेन धीमता । प्रत्युवाच भरद्वाजं भरतो धर्मवत्सलः ॥
स याच्यमानो गुरुणा मया च दृढविक्रमः । राघवः परमप्रीतो वसिष्ठं वाक्यम् अब्रवीत् ॥
पितुः प्रतिज्ञां ताम् एव पालयिष्यामि तत्त्वतः । चतुर्दश हि वर्षाणि य प्रतिज्ञा पितुर् मम ॥
एवम् उक्तो महाप्राज्ञो वसिष्ठः प्रत्युवाच ह । वाक्यज्ञो वाक्यकुशलं राघवं वचनं महत् ॥
एते प्रयच्छ संहृष्टः पादुके हेमभूषिते । अयोध्यायां महाप्राज्ञ योगक्षेमकरे तव ॥
एवम् उक्तो वसिष्ठेन राघवः प्राङ्मुखः स्थितः । पादुके हेमविकृते मम राज्याय ते ददौ ॥
निवृत्तो ऽहम् अनुज्ञातो रामेण सुमहात्मना । अयोध्याम् एव गच्छामि गृहीत्वा पादुके शुभे ॥
एतच् छ्रुत्वा शुभं वाक्यं भरतस्य महात्मनः । भरद्वाजः शुभतरं मुनिर् वाक्यम् उदाहरत् ॥
नैतच् चित्रं नरव्याघ्र शीलवृत्तवतां वर । यद् आर्यं त्वयि तिष्ठेत् तु निम्ने वृष्टिम् इवोदकम् ॥
अमृतः स महाबाहुः पिता दशरथस् तव । यस्य त्वम् ईदृशः पुत्रो धर्मात्मा धर्मवत्सलः ॥
तम् ऋषिं तु महात्मानम् उक्तवाक्यं कृताञ्जलिः । आमन्त्रयितुम् आरेभे चरणाव् उपगृह्य च ॥
tato hṛṣṭo bharadvājo bharataṃ vākyam abravīt | api kṛtyaṃ kṛtaṃ tāta rāmeṇa ca samāgatam ||
evam uktas tu bharato bharadvājena dhīmatā | pratyuvāca bharadvājaṃ bharato dharmavatsalaḥ ||
sa yācyamāno guruṇā mayā ca dṛḍhavikramaḥ | rāghavaḥ paramaprīto vasiṣṭhaṃ vākyam abravīt ||
pituḥ pratijñāṃ tām eva pālayiṣyāmi tattvataḥ | caturdaśa hi varṣāṇi ya pratijñā pitur mama ||
evam ukto mahāprājño vasiṣṭhaḥ pratyuvāca ha | vākyajño vākyakuśalaṃ rāghavaṃ vacanaṃ mahat ||
ete prayaccha saṃhṛṣṭaḥ pāduke hemabhūṣite | ayodhyāyāṃ mahāprājña yogakṣemakare tava ||
evam ukto vasiṣṭhena rāghavaḥ prāṅmukhaḥ sthitaḥ | pāduke hemavikṛte mama rājyāya te dadau ||
nivṛtto 'ham anujñāto rāmeṇa sumahātmanā | ayodhyām eva gacchāmi gṛhītvā pāduke śubhe ||
etac chrutvā śubhaṃ vākyaṃ bharatasya mahātmanaḥ | bharadvājaḥ śubhataraṃ munir vākyam udāharat ||
naitac citraṃ naravyāghra śīlavṛttavatāṃ vara | yad āryaṃ tvayi tiṣṭhet tu nimne vṛṣṭim ivodakam ||
amṛtaḥ sa mahābāhuḥ pitā daśarathas tava | yasya tvam īdṛśaḥ putro dharmātmā dharmavatsalaḥ ||
tam ṛṣiṃ tu mahātmānam uktavākyaṃ kṛtāñjaliḥ | āmantrayitum ārebhe caraṇāv upagṛhya ca ||
Тогда радостный Бхарадваджа сказал Бхарате: «Дитя, исполнено ли дело? Состоялась ли встреча с Рамой?» На эти слова мудрого Бхарадваджи преданный дхарме Бхарата ответил: «Непоколебимый Рагхава, хотя его умоляли наставник и я, с глубокой благосклонностью сказал Васиштхе: “Я в точности исполню это обещание отца; такова клятва моего отца на четырнадцать лет”. Когда так было сказано, великомудрый Васиштха, знаток должной речи, ответил Рагхаве, искусному в слове, важными словами: “О великомудрый, с радостью передай эти украшенные золотом сандалии. В Айодхье они будут приносить тебе обретение и сохранение благополучия”. Так наставленный Васиштхой, Рагхава, стоя лицом к востоку, передал мне для царства эти отделанные золотом сандалии. Получив позволение великодушного Рамы, я возвращаюсь в Айодхью, взяв эти благие сандалии». Услышав благие слова великодушного Бхараты, мудрец Бхарадваджа произнёс ещё более прекрасную речь: «О тигр среди людей, лучший среди обладающих нравом и поведением, неудивительно, что благородство пребывает в тебе, как дождевая вода в низине. Твой могучерукий отец Дашаратха не умер по-настоящему: у него есть такой сын, праведный и преданный дхарме». После этих слов Бхарата со сложенными ладонями начал прощаться с великодушным риши, почтительно взяв его стопы.
15ea30c19e53 · published Jun 22, 2026, 12:00:00 AM UTC
Available inRUPage between verses with
Бхарадваджа видит в Бхарате продолжение дхармы Дашаратхи. Сын сохраняет отца не телесно, а верностью истине: пока обещание Рамы почитается, царский род не распадается и власть остаётся связанной с праведностью.