ततो ऽनसूया संहृष्टा श्रुत्वोक्तं सीतया वचः । शिरस्य् आघ्राय चोवाच मैथिलीं हर्षयन्त्य् उत ॥
नियमैर् विविधैर् आप्तं तपो हि महद् अस्ति मे । तत् संश्रित्य बलं सीते छन्दये त्वां शुचिव्रते ॥
उपपन्नं च युक्तं च वचनं तव मैथिलि । प्रीता चास्म्य् उचितं किं ते करवाणि ब्रवीहि मे । कृतम् इत्य् अब्रवीत् सीता तपोबलसमन्विताम् ॥
सा त्व् एवम् उक्ता धर्मज्ञा तया प्रीततराभवत् । सफलं च प्रहर्षं ते हन्त सीते करोम्य् अहम् ॥
इदं दिव्यं वरं माल्यं वस्त्रम् आभरणानि च । अङ्गरागं च वैदेहि महार्हम् अनुलेपनम् ॥
मया दत्तम् इदं सीते तव गात्राणि शोभयेत् । अनुरूपम् असंक्लिष्टं नित्यम् एव भविष्यति ॥
अङ्गरागेण दिव्येन लिप्ताङ्गी जनकात्मजे । शोभयिष्यामि भर्तारं यथा श्रीर् विष्णुम् अव्ययम् ॥
सा वस्त्रम् अङ्गरागं च भूषणानि स्रजस् तथा । मैथिली प्रतिजग्राह प्रीतिदानम् अनुत्तमम् ॥
प्रतिगृह्य च तत् सीता प्रीतिदानं यशस्विनी । श्लिष्टाञ्जलिपुटा धीरा समुपास्त तपोधनाम् ॥
तथा सीताम् उपासीनाम् अनसूया दृढव्रता । वचनं प्रष्टुम् आरेभे कथां कां चिद् अनुप्रियाम् ॥
स्वयंवरे किल प्राप्ता त्वम् अनेन यशस्विना । राघवेणेति मे सीते कथा श्रुतिम् उपागता ॥
तां कथां श्रोतुम् इच्छामि विस्तरेण च मैथिलि । यथानुभूतं कार्त्स्न्येन तन् मे त्वं वक्तुम् अर्हसि ॥
tato 'nasūyā saṃhṛṣṭā śrutvoktaṃ sītayā vacaḥ | śirasy āghrāya covāca maithilīṃ harṣayanty uta ||
niyamair vividhair āptaṃ tapo hi mahad asti me | tat saṃśritya balaṃ sīte chandaye tvāṃ śucivrate ||
upapannaṃ ca yuktaṃ ca vacanaṃ tava maithili | prītā cāsmy ucitaṃ kiṃ te karavāṇi bravīhi me | kṛtam ity abravīt sītā tapobalasamanvitām ||
sā tv evam uktā dharmajñā tayā prītatarābhavat | saphalaṃ ca praharṣaṃ te hanta sīte karomy aham ||
idaṃ divyaṃ varaṃ mālyaṃ vastram ābharaṇāni ca | aṅgarāgaṃ ca vaidehi mahārham anulepanam ||
mayā dattam idaṃ sīte tava gātrāṇi śobhayet | anurūpam asaṃkliṣṭaṃ nityam eva bhaviṣyati ||
aṅgarāgeṇa divyena liptāṅgī janakātmaje | śobhayiṣyāmi bhartāraṃ yathā śrīr viṣṇum avyayam ||
sā vastram aṅgarāgaṃ ca bhūṣaṇāni srajas tathā | maithilī pratijagrāha prītidānam anuttamam ||
pratigṛhya ca tat sītā prītidānaṃ yaśasvinī | śliṣṭāñjalipuṭā dhīrā samupāsta tapodhanām ||
tathā sītām upāsīnām anasūyā dṛḍhavratā | vacanaṃ praṣṭum ārebhe kathāṃ kāṃ cid anupriyām ||
svayaṃvare kila prāptā tvam anena yaśasvinā | rāghaveṇeti me sīte kathā śrutim upāgatā ||
tāṃ kathāṃ śrotum icchāmi vistareṇa ca maithili | yathānubhūtaṃ kārtsnyena tan me tvaṃ vaktum arhasi ||
Услышав слова Ситы, Анасуйя обрадовалась, поцеловала Майтхили в темя и, радуя её, сказала: «У меня есть великая сила аскезы, достигнутая разными обетами. Опираясь на эту силу, о Сита, чистая в обете, я хочу исполнить твоё желание. О Майтхили, твоя речь уместна и верна; я довольна. Скажи, что подходящее для тебя мне сделать?» Сита сказала наделённой силой аскезы Анасуйе: «Уже сделано». Но знаток дхармы Анасуйя стала ещё более довольна и сказала: «О Сита, я сделаю твою радость плодотворной. Вот божественная лучшая гирлянда, одежда, украшения, мазь для тела и драгоценное благовонное умащение. Данное мной, о Сита, пусть оно украсит твоё тело; оно всегда будет подходящим и неувядающим. О дочь Джанаки, умащённая этой божественной мазью, ты украсишь мужа, как Шри украшает нетленного Вишну». Майтхили приняла одежду, мазь, украшения и гирлянды, этот непревзойдённый дар любви. Приняв его, славная и стойкая Сита со сложенными ладонями села рядом с богатой аскезой Анасуйей. Тогда твёрдая в обете Анасуйя начала расспрашивать Ситу о желанном рассказе: «О Сита, до меня дошла история, что на сваямваре ты была обретена этим славным Рагхавой. О Майтхили, я хочу услышать эту историю подробно. Расскажи мне её полностью, как ты сама пережила».
258d245c1abf · published Jun 22, 2026, 12:00:00 AM UTC
Available inRUPage between verses with
Дар Анасуйи не отменяет лесную простоту Ситы, а раскрывает её как служение Раме: красота становится не украшением эго, а частью любви. Образ Шри и Вишну прямо связывает супружескую верность Ситы с божественным порядком.