सुतीक्ष्णेनाभ्यनुज्ञातं प्रस्थितं रघुनन्दनम् । वैदेही स्निग्धया वाचा भर्तारम् इदम् अब्रवीत् ॥
अयं धर्मः सुसूक्ष्मेण विधिना प्राप्यते महान् । निवृत्तेन च शक्यो ऽयं व्यसनात् कामजाद् इह ॥
त्रीण्य् एव व्यसनान्य् अत्र कामजानि भवन्त्य् उत । मिथ्या वाक्यं परमकं तस्माद् गुरुतराव् उभौ । परदाराभिगमनं विना वैरं च रौद्रता ॥
मिथ्यावाक्यं न ते भूतं न भविष्यति राघव । कुतो ऽभिलषणं स्त्रीणां परेषां धर्मनाशनम् ॥
तच् च सर्वं महाबाहो शक्यं वोढुं जितेन्द्रियैः । तव वश्येन्द्रियत्वं च जानामि शुभदर्शन ॥
तृतीयं यद् इदं रौद्रं परप्राणाभिहिंसनम् । निर्वैरं क्रियते मोहात् तच् च ते समुपस्थितम् ॥
प्रतिज्ञातस् त्वया वीर दण्डकारण्यवासिनाम् । ऋषीणां रक्षणार्थाय वधः संयति रक्षसाम् ॥
एतन्निमित्तं च वनं दण्डका इति विश्रुतम् । प्रस्थितस् त्वं सह भ्रात्रा धृतबाणशरासनः ॥
ततस् त्वां प्रस्थितं दृष्ट्वा मम चिन्ताकुलं मनः । त्वद् वृत्तं चिन्तयन्त्या वै भवेन् निःश्रेयसं हितम् ॥
sutīkṣṇenābhyanujñātaṃ prasthitaṃ raghunandanam | vaidehī snigdhayā vācā bhartāram idam abravīt ||
ayaṃ dharmaḥ susūkṣmeṇa vidhinā prāpyate mahān | nivṛttena ca śakyo 'yaṃ vyasanāt kāmajād iha ||
trīṇy eva vyasanāny atra kāmajāni bhavanty uta | mithyā vākyaṃ paramakaṃ tasmād gurutarāv ubhau | paradārābhigamanaṃ vinā vairaṃ ca raudratā ||
mithyāvākyaṃ na te bhūtaṃ na bhaviṣyati rāghava | kuto 'bhilaṣaṇaṃ strīṇāṃ pareṣāṃ dharmanāśanam ||
tac ca sarvaṃ mahābāho śakyaṃ voḍhuṃ jitendriyaiḥ | tava vaśyendriyatvaṃ ca jānāmi śubhadarśana ||
tṛtīyaṃ yad idaṃ raudraṃ paraprāṇābhihiṃsanam | nirvairaṃ kriyate mohāt tac ca te samupasthitam ||
pratijñātas tvayā vīra daṇḍakāraṇyavāsinām | ṛṣīṇāṃ rakṣaṇārthāya vadhaḥ saṃyati rakṣasām ||
etannimittaṃ ca vanaṃ daṇḍakā iti viśrutam | prasthitas tvaṃ saha bhrātrā dhṛtabāṇaśarāsanaḥ ||
tatas tvāṃ prasthitaṃ dṛṣṭvā mama cintākulaṃ manaḥ | tvad vṛttaṃ cintayantyā vai bhaven niḥśreyasaṃ hitam ||
Когда Сутикшна отпустил потомка Рагху и тот отправился в путь, Вайдехи ласковой речью сказала своему мужу: «Эта великая дхарма достигается очень тонким способом; здесь она возможна для того, кто отвернулся от порока, рождённого желанием. Есть три порока, происходящие от страсти: ложная речь — первый, а два других тяжелее её: посягательство на чужую жену и жестокость без вражды. О Рагхава, ложной речи у тебя не бывало и не будет; откуда у тебя могло бы быть и желание чужих женщин, разрушительное для дхармы? О могучерукий, всё это по силам тем, кто победил чувства, и я знаю, о прекрасный видом, что твои чувства тебе подвластны. Но третье, жестокое: насилие над чужой жизнью, совершаемое без вражды из заблуждения, — оно теперь предстало перед тобой. О герой, тобой обещано ради защиты риши, живущих в Дандакском лесу, сражать ракшасов в битве. Ради этого ты с братом, вооружённый стрелами и луком, отправился в лес, известный как Дандака. Поэтому, видя тебя отправившимся, моё сердце полно тревоги; размышляя о твоём поведении, я желаю высшего блага и пользы».
bd5b19d6292b · published Jun 22, 2026, 12:00:00 AM UTC
Available inRUPage between verses with
Сита говорит не против защиты риши, а о тонкости дхармы. Она различает праведное наказание и жестокость без личной вражды или явной вины, напоминая, что даже благой обет требует внутренней осторожности.