तत् प्रयातं बलं घोरम् अशिवं शोणितोदकम् । अभ्यवर्षन् महामेघस् तुमुलो गर्दभारुणः ॥
निपेतुस् तुरगास् तस्य रथयुक्ता महाजवाः । समे पुष्पचिते देशे राजमार्गे यदृच्छया ॥
श्यामं रुधिरपर्यन्तं बभूव परिवेषणम् । अलातचक्रप्रतिमं प्रतिगृह्य दिवाकरम् ॥
ततो ध्वजम् उपागम्य हेमदण्डं समुच्छ्रितम् । समाक्रम्य महाकायस् तस्थौ गृध्रः सुदारुणः ॥
जनस्थानसमीपे च समाक्रम्य खरस्वनाः । विस्वरान् विविधांश् चक्रुर् मांसादा मृगपक्षिणः ॥
व्याजह्रुश् च पदीप्तायां दिशि वै भैरवस्वनम् । अशिवा यातु दाहानां शिवा घोरा महास्वनाः ॥
प्रभिन्नगिरिसंकाशास् तोयशोषितधारिणः । आकाशं तद् अनाकाशं चक्रुर् भीमा बलाहकाः ॥
बभूव तिमिरं घोरम् उद्धतं रोमहर्षणम् । दिशो वा विदिशो वापि सुव्यक्तं न चकाशिरे ॥
क्षतजार्द्रसवर्णाभा संध्याकालं विना बभौ । खरस्याभिमुखं नेदुस् तदा घोरा मृगाः खगाः ॥
नित्याशिवकरा युद्धे शिवा घोरनिदर्शनाः । नेदुर् बलस्याभिमुखं ज्वालोद्गारिभिर् आननैः ॥
tat prayātaṃ balaṃ ghoram aśivaṃ śoṇitodakam | abhyavarṣan mahāmeghas tumulo gardabhāruṇaḥ ||
nipetus turagās tasya rathayuktā mahājavāḥ | same puṣpacite deśe rājamārge yadṛcchayā ||
śyāmaṃ rudhiraparyantaṃ babhūva pariveṣaṇam | alātacakrapratimaṃ pratigṛhya divākaram ||
tato dhvajam upāgamya hemadaṇḍaṃ samucchritam | samākramya mahākāyas tasthau gṛdhraḥ sudāruṇaḥ ||
janasthānasamīpe ca samākramya kharasvanāḥ | visvarān vividhāṃś cakrur māṃsādā mṛgapakṣiṇaḥ ||
vyājahruś ca padīptāyāṃ diśi vai bhairavasvanam | aśivā yātu dāhānāṃ śivā ghorā mahāsvanāḥ ||
prabhinnagirisaṃkāśās toyaśoṣitadhāriṇaḥ | ākāśaṃ tad anākāśaṃ cakrur bhīmā balāhakāḥ ||
babhūva timiraṃ ghoram uddhataṃ romaharṣaṇam | diśo vā vidiśo vāpi suvyaktaṃ na cakāśire ||
kṣatajārdrasavarṇābhā saṃdhyākālaṃ vinā babhau | kharasyābhimukhaṃ nedus tadā ghorā mṛgāḥ khagāḥ ||
nityāśivakarā yuddhe śivā ghoranidarśanāḥ | nedur balasyābhimukhaṃ jvālodgāribhir ānanaiḥ ||
Когда это страшное и зловещее войско выступило, шумная ослино-красная туча пролила кровавый дождь. Его быстрые кони, запряжённые в колесницу, внезапно упали на ровной царской дороге, усыпанной цветами. Вокруг солнца появилось тёмное кровавое кольцо, похожее на круг горящей головни. Огромный и ужасный гриф взобрался на высокое знамя с золотым древком и стоял там. Близ Джанастханы плотоядные звери и птицы, взобравшись повыше, издавали грубые, безобразные звуки; в пламенеющей стороне недобрые птицы-шивы кричали страшными голосами. Страшные облака, подобные расколотым горам, сделали небо словно безнебесным. Поднялась жуткая тьма, вызывающая дрожь, и стороны света уже не были ясно видны. Без времени сумерек всё озарилось цветом мокрой крови, а страшные звери и птицы ревели навстречу Кхаре. Птицы-шивы, всегда предвещающие беду в битве, с огненными пастями ревели навстречу войску.
8430a1508f58 · published Jun 22, 2026, 12:00:00 AM UTC
Available inRUPage between verses with
Перед войском Кхары сама природа становится свидетелем грядущей гибели. Кровавый дождь, падение коней, тьма, гриф на знамени и звериные крики показывают, что движение ракшасов против Рамы не поддержано порядком мира. Знамения говорят то, чего Кхара не хочет слышать.