खरं तु विरथं रामो गदापाणिम् अवस्थितम् । मृदुपूर्वं महातेजाः परुषं वाक्यम् अब्रवीत् ॥
गजाश्वरथसंबाधे बले महति तिष्ठता । कृतं सुदारुणं कर्म सर्वलोकजुगुप्सितम् ॥
उद्वेजनीयो भूतानां नृशंसः पापकर्मकृत् । त्रयाणाम् अपि लोकानाम् ईश्वरो ऽपि न तिष्ठति ॥
कर्म लोकविरुद्धं तु कुर्वाणं क्षणदाचर । तीक्ष्णं सर्वजनो हन्ति सर्पं दुष्टम् इवागतम् ॥
लोभात् पापानि कुर्वाणः कामाद् वा यो न बुध्यते । भ्रष्टः पश्यति तस्यान्तं ब्राह्मणी करकाद् इव ॥
वसतो दण्डकारण्ये तापसान् धर्मचारिणः । किं नु हत्वा महाभागान् फलं प्राप्स्यसि राक्षस ॥
न चिरं पापकर्माणः क्रूरा लोकजुगुप्सिताः । ऐश्वर्यं प्राप्य तिष्ठन्ति शीर्णमूला इव द्रुमाः ॥
अवश्यं लभते कर्ता फलं पापस्य कर्मणः । घोरं पर्यागते काले द्रुमः पुष्पम् इवार्तवम् ॥
नचिरात् प्राप्यते लोके पापानां कर्मणां फलम् । सविषाणाम् इवान्नानां भुक्तानां क्षणदाचर ॥
पापम् आच्चरतां घोरं लोकस्याप्रियम् इच्छताम् । अहम् आसादितो राजा प्राणान् हन्तुं निशाचर ॥
अद्य हि त्वां मया मुक्ताः शराः काञ्चनभूषणाः । विदार्य निपतिष्यन्ति वल्मीकम् इव पन्नगाः ॥
ये त्वया दण्डकारण्ये भक्षिता धर्मचारिणः । तान् अद्य निहतः संख्ये ससैन्यो ऽनुगमिष्यसि ॥
अद्य त्वां निहतं बाणैः पश्यन्तु परमर्षयः । निरयस्थं विमानस्था ये त्वया हिंसिताः पुरा ॥
प्रहर त्वं यथाकामं कुरु यत्नं कुलाधम । अद्य ते पातयिष्यामि शिरस् तालफलं यथा ॥
kharaṃ tu virathaṃ rāmo gadāpāṇim avasthitam | mṛdupūrvaṃ mahātejāḥ paruṣaṃ vākyam abravīt ||
gajāśvarathasaṃbādhe bale mahati tiṣṭhatā | kṛtaṃ sudāruṇaṃ karma sarvalokajugupsitam ||
udvejanīyo bhūtānāṃ nṛśaṃsaḥ pāpakarmakṛt | trayāṇām api lokānām īśvaro 'pi na tiṣṭhati ||
karma lokaviruddhaṃ tu kurvāṇaṃ kṣaṇadācara | tīkṣṇaṃ sarvajano hanti sarpaṃ duṣṭam ivāgatam ||
lobhāt pāpāni kurvāṇaḥ kāmād vā yo na budhyate | bhraṣṭaḥ paśyati tasyāntaṃ brāhmaṇī karakād iva ||
vasato daṇḍakāraṇye tāpasān dharmacāriṇaḥ | kiṃ nu hatvā mahābhāgān phalaṃ prāpsyasi rākṣasa ||
na ciraṃ pāpakarmāṇaḥ krūrā lokajugupsitāḥ | aiśvaryaṃ prāpya tiṣṭhanti śīrṇamūlā iva drumāḥ ||
avaśyaṃ labhate kartā phalaṃ pāpasya karmaṇaḥ | ghoraṃ paryāgate kāle drumaḥ puṣpam ivārtavam ||
nacirāt prāpyate loke pāpānāṃ karmaṇāṃ phalam | saviṣāṇām ivānnānāṃ bhuktānāṃ kṣaṇadācara ||
pāpam āccaratāṃ ghoraṃ lokasyāpriyam icchatām | aham āsādito rājā prāṇān hantuṃ niśācara ||
adya hi tvāṃ mayā muktāḥ śarāḥ kāñcanabhūṣaṇāḥ | vidārya nipatiṣyanti valmīkam iva pannagāḥ ||
ye tvayā daṇḍakāraṇye bhakṣitā dharmacāriṇaḥ | tān adya nihataḥ saṃkhye sasainyo 'nugamiṣyasi ||
adya tvāṃ nihataṃ bāṇaiḥ paśyantu paramarṣayaḥ | nirayasthaṃ vimānasthā ye tvayā hiṃsitāḥ purā ||
prahara tvaṃ yathākāmaṃ kuru yatnaṃ kulādhama | adya te pātayiṣyāmi śiras tālaphalaṃ yathā ||
Великосияющий Рама обратился к Кхаре, стоявшему без колесницы с палицей в руке; начав мягко, он сказал суровые слова: «Стоя в великом войске, среди слонов, коней и колесниц, ты совершил крайне ужасные дела, презираемые всеми мирами. Жестокий и грешнодейственный, возмущающий живых существ, не устоит даже владыка трёх миров. О ночной странник, всякий сурово уничтожает того, кто совершает дела, противные миру, как пришедшую злую змею. Тот, кто из жадности или желания творит грехи и не понимает, падший, видит конец своих дел, как посевы брахмани от града. Какой плод, о ракшас, ты получишь, убив в Дандакаранье великодостойных подвижников, идущих дхармой? Грешники, жестокие и презираемые миром, недолго удерживают власть, как деревья с разрушенными корнями. Деятель неизбежно получает страшный плод греховного дела, когда приходит время, как дерево приносит сезонный цветок. Плод греховных дел достигается в мире скоро, как плод съеденной ядовитой пищи. О ночной странник, для тех, кто совершает страшный грех и желает миру зла, я, царь, пришёл, чтобы отнять жизни. Сегодня мои стрелы, украшенные золотом, разорвут тебя и упадут, как змеи в муравейник. Тех подвижников, идущих дхармой, которых ты пожрал в Дандакаранье, сегодня ты, убитый в битве, последуешь вместе со своим войском. Пусть высшие риши, которых ты прежде мучил, находясь в небесных виманах, увидят тебя, убитого стрелами и лежащего в аду. Нападай как хочешь, прилагай усилие, низший рода: сегодня я сброшу твою голову, как плод пальмы».
a20962024b40 · published Jun 22, 2026, 12:00:00 AM UTC
Available inRUPage between verses with
Речь Рамы — не обычная брань перед боем. Он формулирует закон кармы: греховная власть не держится долго, плод действия неизбежно приходит, а защита подвижников является царским долгом. Кхара слышит приговор не только себе, но и всему образу жизни, построенному на насилии над дхармой.