एवम् उक्त्वा तु परुषं मारीचो रावणो ततः । गच्छावेत्य् अब्रवीद् दीनो भयाद् रात्रिंचरप्रभोः ॥
दृष्टाश् चाहं पुनस् तेन शरचापासिधारिणा । मद्विधोद्यतशस्त्रेण विनष्टं जीवितं च मे ॥
किं तु कर्तुं मया शक्यम् एवं त्वयि दुरात्मनि । एष गच्छाम्य् अहं तात स्वस्ति ते ऽस्तु निशाचरः ॥
प्रहृष्टस् त्व् अभवत् तेन वचनेन स राक्षसः । परिष्वज्य सुसंश्लिष्टम् इदं वचनम् अब्रवीत् ॥
एतच् छौण्डीर्ययुक्तं ते मच्छब्दाद् इव भाषितम् । इदानीम् असि मारीचः पूर्वम् अन्यो निशाचरः ॥
आरुह्यताम् अयं शीघ्रं खगो रत्नविभूषितः । मया सह रथो युक्तः पिशाचवदनैः खरैः ॥
ततो रावणमारीचौ विमानम् इव तं रथम् । आरुह्य ययतुः शीघ्रं तस्माद् आश्रममण्डलात् ॥
तथैव तत्र पश्यन्तौ पत्तनानि वनानि च । गिरींश् च सरितः सर्वा राष्ट्राणि नगराणि च ॥
समेत्य दण्डकारण्यं राघवस्याश्रमं ततः । ददर्श सहमरीचो रावणो राक्षसाधिपः ॥
अवतीर्य रथात् तस्मात् ततः काञ्चनभूषणात् । हस्ते गृहीत्वा मारीचं रावणो वाक्यम् अब्रवीत् ॥
एतद् रामाश्रमपदं दृश्यते कदलीवृतम् । क्रियतां तत् सखे शीघ्रं यदर्थं वयम् आगताः ॥
evam uktvā tu paruṣaṃ mārīco rāvaṇo tataḥ | gacchāvety abravīd dīno bhayād rātriṃcaraprabhoḥ ||
dṛṣṭāś cāhaṃ punas tena śaracāpāsidhāriṇā | madvidhodyataśastreṇa vinaṣṭaṃ jīvitaṃ ca me ||
kiṃ tu kartuṃ mayā śakyam evaṃ tvayi durātmani | eṣa gacchāmy ahaṃ tāta svasti te 'stu niśācaraḥ ||
prahṛṣṭas tv abhavat tena vacanena sa rākṣasaḥ | pariṣvajya susaṃśliṣṭam idaṃ vacanam abravīt ||
etac chauṇḍīryayuktaṃ te macchabdād iva bhāṣitam | idānīm asi mārīcaḥ pūrvam anyo niśācaraḥ ||
āruhyatām ayaṃ śīghraṃ khago ratnavibhūṣitaḥ | mayā saha ratho yuktaḥ piśācavadanaiḥ kharaiḥ ||
tato rāvaṇamārīcau vimānam iva taṃ ratham | āruhya yayatuḥ śīghraṃ tasmād āśramamaṇḍalāt ||
tathaiva tatra paśyantau pattanāni vanāni ca | girīṃś ca saritaḥ sarvā rāṣṭrāṇi nagarāṇi ca ||
sametya daṇḍakāraṇyaṃ rāghavasyāśramaṃ tataḥ | dadarśa sahamarīco rāvaṇo rākṣasādhipaḥ ||
avatīrya rathāt tasmāt tataḥ kāñcanabhūṣaṇāt | haste gṛhītvā mārīcaṃ rāvaṇo vākyam abravīt ||
etad rāmāśramapadaṃ dṛśyate kadalīvṛtam | kriyatāṃ tat sakhe śīghraṃ yadarthaṃ vayam āgatāḥ ||
Сказав это резко, Марича, несчастный от страха перед владыкой ночных странников, ответил Раване: «Пойдём. Если меня снова увидит тот, кто держит стрелу, лук и меч и поднимает оружие против таких, как я, моя жизнь погибла. Но что я могу сделать, когда ты таков, злодушный? Вот я иду, дорогой; благо тебе, ночной странник». Услышав эти слова, ракшас обрадовался, крепко обнял Маричу и сказал: «Вот это слово достойно отваги, словно сказанное моим собственным голосом. Теперь ты Марича; прежде ты был каким-то другим ночным странником. Быстро взойди со мной на эту летящую колесницу, украшенную драгоценностями и запряжённую ослами с лицами пишачей». Затем Равана и Марича взошли на колесницу, подобную вимане, и быстро выехали из той области ашрама. По пути они видели города, леса, горы, все реки, царства и крепости. Достигнув Дандакараньи, владыка ракшасов Равана вместе с Маричей увидел ашрам Рагхавы. Сойдя с золотом украшенной колесницы, Равана взял Маричу за руку и сказал: «Вот видно место ашрама Рамы, окружённое бананами. Друг, быстро сделай то, ради чего мы пришли».
86adecfc8c77 · published Jun 22, 2026, 12:00:00 AM UTC
Available inRUPage between verses with
Марича соглашается не из убеждения, а под давлением страха. Равана принимает это за возвращение мужества, не понимая, что принуждение уже разрушило всякую благую основу дела.