एवं ब्रुवत्यां सीतायां संरब्धः परुषाक्षरम् । ललाटे भ्रुकुटीं कृत्वा रावणः प्रत्युवाच ह ॥
भ्राता वैश्रवणस्याहं सापत्न्यो वरवर्णिनि । रावणो नाम भद्रं ते दशग्रीवः प्रतापवान् ॥
यस्य देवाः सगन्धर्वाः पिशाचपतगोरगाः । विद्रवन्ति भयाद् भीता मृत्योर् इव सदा प्रजाः ॥
येन वैश्रवणो भ्राता वैमात्रः कारणान्तरे । द्वन्द्वम् आसादितः क्रोधाद् रणे विक्रम्य निर्जितः ॥
मद्भयार्तः परित्यज्य स्वम् अधिष्ठानम् ऋद्धिमत् । कैलासं पर्वतश्रेष्ठम् अध्यास्ते नरवाहनः ॥
यस्य तत् पुष्पकं नाम विमानं कामगं शुभम् । वीर्याद् आवर्जितं भद्रे येन यामि विहायसं ॥
मम संजातरोषस्य मुखं दृष्ट्वैव मैथिलि । विद्रवन्ति परित्रस्ताः सुराः शक्रपुरोगमाः ॥
यत्र तिष्ठाम्य् अहं तत्र मारुतो वाति शङ्कितः । तीव्रांशुः शिशिरांशुश् च भयात् संपद्यते रविः ॥
निष्कम्पपत्रास् तरवो नद्यश् च स्तिमितोदकाः । भवन्ति यत्र यत्राहं तिष्ठामि च चरामि च ॥
evaṃ bruvatyāṃ sītāyāṃ saṃrabdhaḥ paruṣākṣaram | lalāṭe bhrukuṭīṃ kṛtvā rāvaṇaḥ pratyuvāca ha ||
bhrātā vaiśravaṇasyāhaṃ sāpatnyo varavarṇini | rāvaṇo nāma bhadraṃ te daśagrīvaḥ pratāpavān ||
yasya devāḥ sagandharvāḥ piśācapatagoragāḥ | vidravanti bhayād bhītā mṛtyor iva sadā prajāḥ ||
yena vaiśravaṇo bhrātā vaimātraḥ kāraṇāntare | dvandvam āsāditaḥ krodhād raṇe vikramya nirjitaḥ ||
madbhayārtaḥ parityajya svam adhiṣṭhānam ṛddhimat | kailāsaṃ parvataśreṣṭham adhyāste naravāhanaḥ ||
yasya tat puṣpakaṃ nāma vimānaṃ kāmagaṃ śubham | vīryād āvarjitaṃ bhadre yena yāmi vihāyasaṃ ||
mama saṃjātaroṣasya mukhaṃ dṛṣṭvaiva maithili | vidravanti paritrastāḥ surāḥ śakrapurogamāḥ ||
yatra tiṣṭhāmy ahaṃ tatra māruto vāti śaṅkitaḥ | tīvrāṃśuḥ śiśirāṃśuś ca bhayāt saṃpadyate raviḥ ||
niṣkampapatrās taravo nadyaś ca stimitodakāḥ | bhavanti yatra yatrāhaṃ tiṣṭhāmi ca carāmi ca ||
Когда Сита сказала это, Равана, разъярённый, нахмурив лоб, ответил ей суровыми словами: «Я брат Вайшраваны по другой матери, прекрасная. Я Равана, могущественный Десятиглавый; благо тебе. От страха передо мной боги вместе с гандхарвами, пишачи, птицы и змеи разбегаются, как существа всегда разбегаются от смерти. Моего сводного брата Вайшравану я в гневе вызвал на поединок и, напав в битве, победил. Мучимый страхом передо мной, Наравахана оставил своё богатое место и теперь обитает на Кайласе, лучшей из гор. Его прекрасный летучий дворец Пушпака, движущийся по желанию, я отнял силой, благородная, и на нём хожу по небу. Когда во мне рождается гнев, Майтили, боги во главе с Шакрой разбегаются, едва увидев моё лицо. Где я стою, там ветер дует боязливо; солнце с его жаркими и прохладными лучами меняется от страха. Где бы я ни стоял и ни ходил, деревья становятся с неподвижными листьями, а реки — с застывшими водами».
c4bfca456b0b · published Jun 22, 2026, 12:00:00 AM UTC
Available inRUPage between verses with
Равана пытается заменить истину Рамы страхом перед собой. Его самоописание построено на власти над мирами и природой, но эта власть уже звучит как самообличение: он гордится тем, что заставляет всё живое замирать от страха.