क्रुद्धो रामः शरं घोरं संधाय धनुषि क्षुरम् । ततः पर्वतकूटाभं महाभागं द्विजोत्तमम् ॥
ददर्श पतितं भूमौ क्षतजार्द्रं जटायुषम् । तं दृष्ट्वा गिरिशृङ्गाभं रामो लक्ष्मणम् अब्रवीत् । अनेन सीता वैदेही भक्षिता नात्र संशयः ॥
गृध्ररूपम् इदं व्यक्तं रक्षो भ्रमति काननम् । भक्षयित्वा विशालाक्षीम् आस्ते सीतां यथासुखम् । एनं वधिष्ये दीप्ताग्रैर् घोरैर् बाणैर् अजिह्मगैः ॥
इत्य् उक्त्वाभ्यपतद् गृध्रं संधाय धनुषि क्षुरम् । क्रुद्धो रामः समुद्रान्तां चालयन्न् इव मेदिनीम् ॥
तं दीनदीनया वाचा सफेनं रुधिरं वमन् । अभ्यभाषत पक्षी तु रामं दशरथात्मजम् ॥
kruddho rāmaḥ śaraṃ ghoraṃ saṃdhāya dhanuṣi kṣuram | tataḥ parvatakūṭābhaṃ mahābhāgaṃ dvijottamam ||
dadarśa patitaṃ bhūmau kṣatajārdraṃ jaṭāyuṣam | taṃ dṛṣṭvā giriśṛṅgābhaṃ rāmo lakṣmaṇam abravīt | anena sītā vaidehī bhakṣitā nātra saṃśayaḥ ||
gṛdhrarūpam idaṃ vyaktaṃ rakṣo bhramati kānanam | bhakṣayitvā viśālākṣīm āste sītāṃ yathāsukham | enaṃ vadhiṣye dīptāgrair ghorair bāṇair ajihmagaiḥ ||
ity uktvābhyapatad gṛdhraṃ saṃdhāya dhanuṣi kṣuram | kruddho rāmaḥ samudrāntāṃ cālayann iva medinīm ||
taṃ dīnadīnayā vācā saphenaṃ rudhiraṃ vaman | abhyabhāṣata pakṣī tu rāmaṃ daśarathātmajam ||
Разгневанный Рама наложил на лук страшную бритвенную стрелу. Тогда он увидел Джатаю, лучшего из птиц, великого и подобного горной вершине, лежащего на земле, мокрого от крови. Увидев его, подобного горному пику, Рама сказал Лакшмане: «Вайдехи Сита съедена им — в этом нет сомнения. Ясно, это ракшас в облике грифа бродит по лесу и, съев широкоглазую Ситу, спокойно сидит здесь. Я убью его сияющими, страшными и прямолетящими стрелами». Сказав так, разгневанный Рама, наложив на лук бритвенную стрелу, бросился на грифа, словно сотрясая землю до самого океана. Тогда птица, извергая кровь с пеной, очень жалким голосом заговорила с Рамой, сыном Дашаратхи.
9ef53def4b45 · published Jun 22, 2026, 12:00:00 AM UTC
Available inRUPage between verses with
В первом порыве Рама принимает раненого Джатаю за врага. Скорбь и следы крови делают его подозрение мгновенным, но именно слово Джатаю возвращает истину на место.