रामस् तस्य तु विज्ञाय सीतासक्तां प्रियां कथाम् । गृध्रराजं परिष्वज्य रुरोद सहलक्ष्मणः ॥
एकम् एकायने दुर्गे निःश्वसन्तं कथं चन । समीक्ष्य दुःखितो रामः सौमित्रिम् इदम् अब्रवीत् ॥
राज्याद् भ्रंशो वने वासः सीता नष्टा हतो द्विजः । ईदृशीयं ममालक्ष्मीर् निर्दहेद् अपि पावकम् ॥
संपूर्णम् अपि चेद् अद्य प्रतरेयं महोदधिम् । सो ऽपि नूनं ममालक्ष्म्या विशुष्येत् सरितां पतिः ॥
नास्त्य् अभाग्यतरो लोके मत्तो ऽस्मिन् सचराचरे । येनेयं महती प्राप्ता मया व्यसनवागुरा ॥
अयं पितृवयस्यो मे गृध्रराजो जरान्वितः । शेते विनिहतो भूमौ मम भाग्यविपर्ययात् ॥
इत्य् एवम् उक्त्वा बहुशो राघवः सहलक्ष्मणः । जटायुषं च पस्पर्श पितृस्नेहं निदर्शयन् ॥
निकृत्तपक्षं रुधिरावसिक्तं; तं गृध्रराजं परिरभ्य रामः । क्व मैथिलि प्राणसमा ममेति; विमुच्य वाचं निपपात भूमौ ॥
rāmas tasya tu vijñāya sītāsaktāṃ priyāṃ kathām | gṛdhrarājaṃ pariṣvajya ruroda sahalakṣmaṇaḥ ||
ekam ekāyane durge niḥśvasantaṃ kathaṃ cana | samīkṣya duḥkhito rāmaḥ saumitrim idam abravīt ||
rājyād bhraṃśo vane vāsaḥ sītā naṣṭā hato dvijaḥ | īdṛśīyaṃ mamālakṣmīr nirdahed api pāvakam ||
saṃpūrṇam api ced adya pratareyaṃ mahodadhim | so 'pi nūnaṃ mamālakṣmyā viśuṣyet saritāṃ patiḥ ||
nāsty abhāgyataro loke matto 'smin sacarācare | yeneyaṃ mahatī prāptā mayā vyasanavāgurā ||
ayaṃ pitṛvayasyo me gṛdhrarājo jarānvitaḥ | śete vinihato bhūmau mama bhāgyaviparyayāt ||
ity evam uktvā bahuśo rāghavaḥ sahalakṣmaṇaḥ | jaṭāyuṣaṃ ca pasparśa pitṛsnehaṃ nidarśayan ||
nikṛttapakṣaṃ rudhirāvasiktaṃ; taṃ gṛdhrarājaṃ parirabhya rāmaḥ | kva maithili prāṇasamā mameti; vimucya vācaṃ nipapāta bhūmau ||
Узнав от него дорогую весть, связанную с Ситой, Рама обнял царя грифов и заплакал вместе с Лакшманой. Видя его одного на трудном пути, едва дышащего, скорбный Рама сказал Саумитри: «Лишение царства, жизнь в лесу, потеря Ситы, гибель этого дваждырождённого — такая моя несчастливая судьба сожгла бы даже огонь. Если бы я сегодня стал переправляться через полный великий океан, и он, владыка рек, наверное, высох бы от моего несчастья. Нет в мире, движущемся и неподвижном, никого несчастнее меня: такая великая сеть бедствий пришла ко мне. Этот царь грифов, старый друг моего отца, лежит убитым на земле из-за переворота моей судьбы». Сказав это много раз, Рагхава вместе с Лакшманой коснулся Джатаю, показывая отцовскую нежность. Обняв царя грифов с отсечёнными крыльями, омытым кровью, Рама произнёс: «Где Майтили, равная моей жизни?» — и упал на землю.
6027e5a4b889 · published Jun 22, 2026, 12:00:00 AM UTC
Available inRUPage between verses with
Когда Рама понимает, кто перед ним, подозрение мгновенно сменяется почтением и плачем. Джатаю становится для него не просто свидетелем, а старшим, другом отца, отдавшим жизнь за Ситу.