कृत्वैवम् उदकं तस्मै प्रस्थितौ राघवौ तदा । अवेक्षन्तौ वने सीतां पश्चिमां जग्मतुर् दिशम् ॥
तां दिशं दक्षिणां गत्वा शरचापासिधारिणौ । अविप्रहतम् ऐक्ष्वाकौ पन्थानं प्रतिपेदतुः ॥
गुल्मैर् वृक्षैश् च बहुभिर् लताभिश् च प्रवेष्टितम् । आवृतं सर्वतो दुर्गं गहनं घोरदर्शनम् ॥
व्यतिक्रम्य तु वेगेन गृहीत्वा दक्षिणां दिशम् । सुभीमं तन् महारण्यं व्यतियातौ महाबलौ ॥
ततः परं जनस्थानात् त्रिक्रोशं गम्य राघवौ । क्रौञ्चारण्यं विविशतुर् गहनं तौ महौजसौ ॥
नानामेघघनप्रख्यं प्रहृष्टम् इव सर्वतः । नानावर्णैः शुभैः पुष्पैर् मृगपक्षिगणैर् युतम् ॥
दिदृक्षमाणौ वैदेहीं तद् वनं तौ विचिक्यतुः । तत्र तत्रावतिष्ठन्तौ सीताहरणकर्शितौ ॥
kṛtvaivam udakaṃ tasmai prasthitau rāghavau tadā | avekṣantau vane sītāṃ paścimāṃ jagmatur diśam ||
tāṃ diśaṃ dakṣiṇāṃ gatvā śaracāpāsidhāriṇau | aviprahatam aikṣvākau panthānaṃ pratipedatuḥ ||
gulmair vṛkṣaiś ca bahubhir latābhiś ca praveṣṭitam | āvṛtaṃ sarvato durgaṃ gahanaṃ ghoradarśanam ||
vyatikramya tu vegena gṛhītvā dakṣiṇāṃ diśam | subhīmaṃ tan mahāraṇyaṃ vyatiyātau mahābalau ||
tataḥ paraṃ janasthānāt trikrośaṃ gamya rāghavau | krauñcāraṇyaṃ viviśatur gahanaṃ tau mahaujasau ||
nānāmeghaghanaprakhyaṃ prahṛṣṭam iva sarvataḥ | nānāvarṇaiḥ śubhaiḥ puṣpair mṛgapakṣigaṇair yutam ||
didṛkṣamāṇau vaidehīṃ tad vanaṃ tau vicikyatuḥ | tatra tatrāvatiṣṭhantau sītāharaṇakarśitau ||
Совершив для Джатаю водное подношение, оба Рагхавы отправились дальше и, высматривая Ситу в лесу, пошли к западу. Дойдя затем до южного направления, два потомка Икшваку, вооружённые стрелами, луками и мечами, вышли на свободный путь. Они быстро миновали великий страшный лес, обвитый кустами, множеством деревьев и лиан, покрытый со всех сторон, труднопроходимый, густой и грозный на вид. Потом, пройдя от Джанастханы ещё три кроши, два могучих Рагхавы вошли в густой лес Краунча, похожий на тёмные грозовые облака, словно радующийся повсюду, украшенный разноцветными прекрасными цветами и полный зверей и птиц. Желая увидеть Вайдехи, измученные её похищением, они обыскивали тот лес, останавливаясь то здесь, то там.
a73784cc4f2c · published Jun 22, 2026, 12:00:00 AM UTC
Available inRUPage between verses with
После погребения Джатаю движение продолжается: скорбь не останавливает долга. Лес уже ведёт Раму и Лакшману на юг, к будущему раскрытию пути на Ланку.