जटायुषस् त्व् एवम् उक्तो भ्रात्रा संपातिना तदा । युवराजो महाप्राज्ञः प्रत्युवाचाङ्गदस् तदा ॥
जटायुषो यदि भ्राता श्रुतं ते गदितं मया । आख्याहि यदि जानासि निलयं तस्य रक्षसः ॥
अदीर्घदर्शिनं तं वा रावणं राक्षसाधिपम् । अन्तिके यदि वा दूरे यदि जानासि शंस नः ॥
ततो ऽब्रवीन् महातेजा ज्येष्ठो भ्राता जटायुषः । आत्मानुरूपं वचनं वानरान् संप्रहर्षयन् ॥
निर्दग्धपक्षो गृध्रो ऽहं गतवीर्यः प्लवंगमाः । वाङ्मात्रेण तु रामस्य करिष्ये साह्यम् उत्तमम् ॥
जानामि वारुणाल् लोकान् विष्णोस् त्रैविक्रमान् अपि । देवासुरविमर्दांश् च अमृतस्य च मन्थनम् ॥
रामस्य यद् इदं कार्यं कर्तव्यं प्रथमं मया । जरया च हृतं तेजः प्राणाश् च शिथिला मम ॥
jaṭāyuṣas tv evam ukto bhrātrā saṃpātinā tadā | yuvarājo mahāprājñaḥ pratyuvācāṅgadas tadā ||
jaṭāyuṣo yadi bhrātā śrutaṃ te gaditaṃ mayā | ākhyāhi yadi jānāsi nilayaṃ tasya rakṣasaḥ ||
adīrghadarśinaṃ taṃ vā rāvaṇaṃ rākṣasādhipam | antike yadi vā dūre yadi jānāsi śaṃsa naḥ ||
tato 'bravīn mahātejā jyeṣṭho bhrātā jaṭāyuṣaḥ | ātmānurūpaṃ vacanaṃ vānarān saṃpraharṣayan ||
nirdagdhapakṣo gṛdhro 'haṃ gatavīryaḥ plavaṃgamāḥ | vāṅmātreṇa tu rāmasya kariṣye sāhyam uttamam ||
jānāmi vāruṇāl lokān viṣṇos traivikramān api | devāsuravimardāṃś ca amṛtasya ca manthanam ||
rāmasya yad idaṃ kāryaṃ kartavyaṃ prathamaṃ mayā | jarayā ca hṛtaṃ tejaḥ prāṇāś ca śithilā mama ||
Когда брат Сампати так сказал о Джатаю, великомудрый юный царь Ангада ответил: «Если ты брат Джатаю и услышал сказанное мной, расскажи, если знаешь, жилище того ракшаса. Скажи нам, если знаешь, где находится недальновидный Равана, владыка ракшасов: близко он или далеко». Тогда великосияющий старший брат Джатаю, радуя ванаров, сказал слово, достойное его самого: «О прыгуны, я сожжённокрылый гриф, моя сила ушла. Но одной лишь речью я окажу Раме лучшую помощь. Я знаю миры Варуны, три шага Вишну, битвы богов и асуров и пахтание нектара. Это дело Рамы должно быть сделано мной прежде всего, хотя старость отняла моё сияние и мои жизненные силы ослабли».
011e37817eb1 · published Jun 22, 2026, 12:00:00 AM UTC
Available inRUPage between verses with
Ангада сразу обращает скорбь Сампати к делу: где Равана? Сампати, не способный сражаться телом, решает служить словом и знанием.