स सागरम् अनाधृष्यम् अभ्येत्य वरुणालयम् । जगामाकाशम् आविश्य वेगेन गरुणोपमः ॥
सेविते वारिधारिभिः पतगैश् च निषेविते । चरिते कैशिकाचार्यैर् ऐरावतनिषेविते ॥
सिंहकुञ्जरशार्दूलपतगोरगवाहनैः । विमानैः संपतद्भिश् च विमलैः समलंकृते ॥
वज्राशनिसमाघातैः पावकैर् उपशोभिते । कृतपुण्यैर् महाभागैः स्वर्गजिद्भिर् अलंकृते ॥
बहता हव्यम् अत्यन्तं सेविते चित्रभानुना । ग्रहनक्षत्रचन्द्रार्कतारागणविभूषिते ॥
महर्षिगणगन्धर्वनागयक्षसमाकुले । विविक्ते विमले विश्वे विश्वावसुनिषेविते ॥
देवराजगजाक्रान्ते चन्द्रसूर्यपथे शिवे । विताने जीवलोकस्य विततो ब्रह्मनिर्मिते ॥
बहुशः सेविते वीरैर् विद्याधरगणैर् वरैः । कपिना कृष्यमाणानि महाभ्राणि चकाशिरे ॥
प्रविशन्न् अभ्रजालानि निष्पतंश् च पुनः पुनः । प्रावृषीन्दुर् इवाभाति निष्पतन् प्रविशंस् तदा ॥
sa sāgaram anādhṛṣyam abhyetya varuṇālayam | jagāmākāśam āviśya vegena garuṇopamaḥ ||
sevite vāridhāribhiḥ patagaiś ca niṣevite | carite kaiśikācāryair airāvataniṣevite ||
siṃhakuñjaraśārdūlapatagoragavāhanaiḥ | vimānaiḥ saṃpatadbhiś ca vimalaiḥ samalaṃkṛte ||
vajrāśanisamāghātaiḥ pāvakair upaśobhite | kṛtapuṇyair mahābhāgaiḥ svargajidbhir alaṃkṛte ||
bahatā havyam atyantaṃ sevite citrabhānunā | grahanakṣatracandrārkatārāgaṇavibhūṣite ||
maharṣigaṇagandharvanāgayakṣasamākule | vivikte vimale viśve viśvāvasuniṣevite ||
devarājagajākrānte candrasūryapathe śive | vitāne jīvalokasya vitato brahmanirmite ||
bahuśaḥ sevite vīrair vidyādharagaṇair varaiḥ | kapinā kṛṣyamāṇāni mahābhrāṇi cakāśire ||
praviśann abhrajālāni niṣpataṃś ca punaḥ punaḥ | prāvṛṣīndur ivābhāti niṣpatan praviśaṃs tadā ||
Затем он достиг неприступного океана, обители Варуны, вошёл в небо и пошёл со скоростью, подобной Гаруде. Он летел по пространству, посещаемому водоносными облаками и птицами, мастерами небесного искусства и Айраватой; украшенному львами, слонами, тиграми, птицами, змеями, носителями и чистыми виманами; озарённому ударами ваджры, молнии и огня; украшенному добродетельными великодольными победителями неба; посещаемому Читрабхану, несущим жертву; украшенному планетами, созвездиями, луной, солнцем и сонмами звёзд; наполненному великими риши, гандхарвами, нагами и якшами; просторному, чистому, вселенскому, посещаемому Вишвавасу; благому пути луны и солнца, пройденному слоном царя богов; широкому пологу мира живых, созданному Брахмой; многократно посещаемому героями и лучшими сонмами видьядхаров. Великие облака, тянувшиеся за обезьяной, сияли. Входя в сети облаков и снова выходя из них, он тогда сиял, как луна в сезон дождей.
067d550814f9 · published Jun 22, 2026, 12:00:00 AM UTC
Available inRUPage between verses with
После испытания Сурасы путь Ханумана снова раскрывается как небесная дорога. Он движется не в пустоте, а через мир, где боги, риши, планеты и облака становятся свидетелями служения.