सीता तद्वचनं श्रुत्वा पूर्णचन्द्रनिभानना । हनूमन्तम् उवाचेदं धर्मार्थसहितं वचः ॥
अमृतं विषसंसृष्टं त्वया वानरभाषितम् । यच् च नान्यमना रामो यच् च शोकपरायणः ॥
ऐश्वर्ये वा सुविस्तीर्णे व्यसने वा सुदारुणे । रज्ज्वेव पुरुषं बद्ध्वा कृतान्तः परिकर्षति ॥
विधिर् नूनम् असंहार्यः प्राणिनां प्लवगोत्तम । सौमित्रिं मां च रामं च व्यसनैः पश्य मोहितान् ॥
शोकस्यास्य कदा पारं राघवो ऽधिगमिष्यति । प्लवमानः परिश्रान्तो हतनौः सागरे यथा ॥
राक्षसानां क्षयं कृत्वा सूदयित्वा च रावणम् । लङ्काम् उन्मूलितां कृत्वा कदा द्रक्ष्यति मां पतिः ॥
स वाच्यः संत्वरस्वेति यावद् एव न पूर्यते । अयं संवत्सरः कालस् तावद् धि मम जीवितम् ॥
वर्तते दशमो मासो द्वौ तु शेषौ प्लवंगम । रावणेन नृशंसेन समयो यः कृतो मम ॥
विभीषणेन च भ्रात्रा मम निर्यातनं प्रति । अनुनीतः प्रयत्नेन न च तत् कुरुते मतिम् ॥
मम प्रतिप्रदानं हि रावणस्य न रोचते । रावणं मार्गते संख्ये मृत्युः कालवशं गतम् ॥
ज्येष्ठा कन्यानला नम विभीषणसुता कपे । तया ममैतद् आख्यातं मात्रा प्रहितया स्वयम् ॥
अविन्ध्यो नाम मेधावी विद्वान् राक्षसपुंगवः । धृतिमाञ् शीलवान् वृद्धो रावणस्य सुसंमतः ॥
रामात् क्षयम् अनुप्राप्तं रक्षसां प्रत्यचोदयत् । न च तस्यापि दुष्टात्मा शृणोति वचनं हितम् ॥
आशंसेति हरिश्रेष्ठ क्षिप्रं मां प्राप्स्यते पतिः । अन्तरात्मा हि मे शुद्धस् तस्मिंश् च बहवो गुणाः ॥
उत्साहः पौरुषं सत्त्वम् आनृशंस्यं कृतज्ञता । विक्रमश् च प्रभावश् च सन्ति वानरराघवे ॥
चतुर्दशसहस्राणि राक्षसानां जघान यः । जनस्थाने विना भ्रात्रा शत्रुः कस् तस्य नोद्विजेत् ॥
न स शक्यस् तुलयितुं व्यसनैः पुरुषर्षभः । अहं तस्यानुभावज्ञा शक्रस्येव पुलोमजा ॥
शरजालांशुमाञ् शूरः कपे रामदिवाकरः । शत्रुरक्षोमयं तोयम् उपशोषं नयिष्यति ॥
sītā tadvacanaṃ śrutvā pūrṇacandranibhānanā | hanūmantam uvācedaṃ dharmārthasahitaṃ vacaḥ ||
amṛtaṃ viṣasaṃsṛṣṭaṃ tvayā vānarabhāṣitam | yac ca nānyamanā rāmo yac ca śokaparāyaṇaḥ ||
aiśvarye vā suvistīrṇe vyasane vā sudāruṇe | rajjveva puruṣaṃ baddhvā kṛtāntaḥ parikarṣati ||
vidhir nūnam asaṃhāryaḥ prāṇināṃ plavagottama | saumitriṃ māṃ ca rāmaṃ ca vyasanaiḥ paśya mohitān ||
śokasyāsya kadā pāraṃ rāghavo 'dhigamiṣyati | plavamānaḥ pariśrānto hatanauḥ sāgare yathā ||
rākṣasānāṃ kṣayaṃ kṛtvā sūdayitvā ca rāvaṇam | laṅkām unmūlitāṃ kṛtvā kadā drakṣyati māṃ patiḥ ||
sa vācyaḥ saṃtvarasveti yāvad eva na pūryate | ayaṃ saṃvatsaraḥ kālas tāvad dhi mama jīvitam ||
vartate daśamo māso dvau tu śeṣau plavaṃgama | rāvaṇena nṛśaṃsena samayo yaḥ kṛto mama ||
vibhīṣaṇena ca bhrātrā mama niryātanaṃ prati | anunītaḥ prayatnena na ca tat kurute matim ||
mama pratipradānaṃ hi rāvaṇasya na rocate | rāvaṇaṃ mārgate saṃkhye mṛtyuḥ kālavaśaṃ gatam ||
jyeṣṭhā kanyānalā nama vibhīṣaṇasutā kape | tayā mamaitad ākhyātaṃ mātrā prahitayā svayam ||
avindhyo nāma medhāvī vidvān rākṣasapuṃgavaḥ | dhṛtimāñ śīlavān vṛddho rāvaṇasya susaṃmataḥ ||
rāmāt kṣayam anuprāptaṃ rakṣasāṃ pratyacodayat | na ca tasyāpi duṣṭātmā śṛṇoti vacanaṃ hitam ||
āśaṃseti hariśreṣṭha kṣipraṃ māṃ prāpsyate patiḥ | antarātmā hi me śuddhas tasmiṃś ca bahavo guṇāḥ ||
utsāhaḥ pauruṣaṃ sattvam ānṛśaṃsyaṃ kṛtajñatā | vikramaś ca prabhāvaś ca santi vānararāghave ||
caturdaśasahasrāṇi rākṣasānāṃ jaghāna yaḥ | janasthāne vinā bhrātrā śatruḥ kas tasya nodvijet ||
na sa śakyas tulayituṃ vyasanaiḥ puruṣarṣabhaḥ | ahaṃ tasyānubhāvajñā śakrasyeva pulomajā ||
śarajālāṃśumāñ śūraḥ kape rāmadivākaraḥ | śatrurakṣomayaṃ toyam upaśoṣaṃ nayiṣyati ||
Услышав эти слова, Сита с лицом, подобным полной луне, сказала Хануману речь, соединённую с дхармой и смыслом: «Ванара, твои слова — нектар, смешанный с ядом: Рама не думает ни о чём другом, но он предан скорби. В великом богатстве или в страшной беде рок тащит живое существо, словно человека, связанного верёвкой. Лучший из прыгунов, судьба живых, несомненно, неотвратима: посмотри, как беды смутили Саумитри, меня и Раму. Когда Рагхава достигнет берега этой скорби, словно измученный пловец с разбитой лодкой в океане? Когда мой муж увидит меня, уничтожив ракшасов, убив Равану и искоренив Ланку? Ему нужно сказать: “Поспеши, пока не исполнился этот годовой срок; лишь до тех пор длится моя жизнь”. Идёт десятый месяц, о прыгун, и остаются только два месяца из срока, который назначил мне жестокий Равана. Его брат Вибхишана старательно убеждал его вернуть меня, но Равана не принимает такого решения. Моё возвращение не нравится Раване: смерть ищет его в битве, уже попавшего под власть времени. Капи, это рассказала мне Анала, старшая дочь Вибхишаны, которую её мать сама послала ко мне. Есть также разумный Авиндхья, учёный, лучший среди ракшасов, стойкий, добронравный, старый и уважаемый Раваной; он предостерегал, что от Рамы придёт гибель ракшасов, но злодушный Равана не слушает и его благого слова. Лучший хари, надейся: мой муж быстро достигнет меня. Моя внутренняя душа чиста, а в нём много качеств: решимость, мужество, сила, милосердие, благодарность, доблесть и могущество есть в Рагхаве, о ванара. Кто из врагов не устрашится того, кто без брата убил четырнадцать тысяч ракшасов в Джанастхане? Этот бык среди людей не может быть подавлен бедами. Я знаю его могущество, как Пуломаджа знает могущество Шакры. Капи, герой Рама-солнце, сияющий сетью стрел, высушит воды, состоящие из врагов-ракшасов».
6528546d97e7 · published Jun 22, 2026, 12:00:00 AM UTC
Available inRUPage between verses with
Сита принимает утешение Ханумана, но сразу возвращает речь к сроку и делу. Её надежда трезва: Рама всесилен, но время Раваны ограничило её жизнь двумя месяцами.