तं दृष्ट्वाचलसंकाशम् उवाच जनकात्मजा । पद्मपत्रविशालाक्षी मारुतस्यौरसं सुतम् ॥
तव सत्त्वं बलं चैव विजानामि महाकपे । वायोर् इव गतिं चापि तेजश् चाग्निर् इवाद्भुतम् ॥
प्राकृतो ऽन्यः कथं चेमां भूमिम् आगन्तुम् अर्हति । उदधेर् अप्रमेयस्य पारं वानरपुंगव ॥
जानामि गमने शक्तिं नयने चापि ते मम । अवश्यं साम्प्रधार्याशु कार्यसिद्धिर् इहात्मनः ॥
अयुक्तं तु कपिश्रेष्ठ मया गन्तुं त्वया सह । वायुवेगसवेगस्य वेगो मां मोहयेत् तव ॥
अहम् आकाशम् आसक्ता उपर्य् उपरि सागरम् । प्रपतेयं हि ते पृष्ठाद् भयाद् वेगेन गच्छतः ॥
पतिता सागरे चाहं तिमिनक्रझषाकुले । भयेयम् आशु विवशा यादसाम् अन्नम् उत्तमम् ॥
न च शक्ष्ये त्वया सार्धं गन्तुं शत्रुविनाशन । कलत्रवति संदेहस् त्वय्य् अपि स्याद् असंशयम् ॥
taṃ dṛṣṭvācalasaṃkāśam uvāca janakātmajā | padmapatraviśālākṣī mārutasyaurasaṃ sutam ||
tava sattvaṃ balaṃ caiva vijānāmi mahākape | vāyor iva gatiṃ cāpi tejaś cāgnir ivādbhutam ||
prākṛto 'nyaḥ kathaṃ cemāṃ bhūmim āgantum arhati | udadher aprameyasya pāraṃ vānarapuṃgava ||
jānāmi gamane śaktiṃ nayane cāpi te mama | avaśyaṃ sāmpradhāryāśu kāryasiddhir ihātmanaḥ ||
ayuktaṃ tu kapiśreṣṭha mayā gantuṃ tvayā saha | vāyuvegasavegasya vego māṃ mohayet tava ||
aham ākāśam āsaktā upary upari sāgaram | prapateyaṃ hi te pṛṣṭhād bhayād vegena gacchataḥ ||
patitā sāgare cāhaṃ timinakrajhaṣākule | bhayeyam āśu vivaśā yādasām annam uttamam ||
na ca śakṣye tvayā sārdhaṃ gantuṃ śatruvināśana | kalatravati saṃdehas tvayy api syād asaṃśayam ||
Увидев его, подобного горе, лотосоокая дочь Джанаки сказала родному сыну Ветра: «Великий капи, я знаю твою силу и мощь, твою скорость, подобную ветру, и удивительное сияние, подобное огню. Какой другой, обычный, мог бы прийти на эту землю, на дальний берег неизмеримого океана, о лучший ванара? Я знаю твою силу двигаться и нести меня, но здесь необходимо быстро и хорошо обдумать успех дела. Лучший капи, мне не подобает идти с тобой. Твоя скорость, равная скорости ветра, приведёт меня в смятение. Если я буду висеть в небе над океаном, то от страха могу упасть с твоей спины, пока ты движешься быстро. Упав в океан, полный тимингил, крокодилов и рыб, я быстро стала бы беспомощной лучшей пищей для морских существ. И я не смогу идти с тобой, уничтожитель врагов: если ты понесёшь женщину, даже для тебя, без сомнения, возникнет опасность».
dcd108147050 · published Jun 22, 2026, 12:00:00 AM UTC
Available inRUPage between verses with
Сита признаёт силу Ханумана, но отвечает с практической ясностью. Её отказ начинается не с недоверия, а с заботы об успехе миссии.