ततो जाम्बवतो वाक्यम् अगृह्णन्त वनौकसः । अङ्गदप्रमुखा वीरा हनूमांश् च महाकपिः ॥
प्रीतिमन्तस् ततः सर्वे वायुपुत्रपुरःसराः । महेन्द्राग्रं परित्यज्य पुप्लुवुः प्लवगर्षभाः ॥
मेरुमन्दरसंकाशा मत्ता इव महागजाः । छादयन्त इवाकाशं महाकाया महाबलाः ॥
सभाज्यमानं भूतैस् तम् आत्मवन्तं महाबलम् । हनूमन्तं महावेगं वहन्त इव दृष्टिभिः ॥
राघवे चार्थनिर्वृत्तिं भर्तुश् च परमं यशः । समाधाय समृद्धार्थाः कर्मसिद्धिभिर् उन्नताः ॥
प्रियाख्यानोन्मुखाः सर्वे सर्वे युद्धाभिनन्दिनः । सर्वे रामप्रतीकारे निश्चितार्था मनस्विनः ॥
प्लवमानाः खम् आप्लुत्य ततस् ते काननौक्षकः । नन्दनोपमम् आसेदुर् वनं द्रुमलतायुतम् ॥
यत् तन् मधुवनं नाम सुग्रीवस्याभिरक्षितम् । अधृष्यं सर्वभूतानां सर्वभूतमनोहरम् ॥
यद् रक्षति महावीर्यः सदा दधिमुखः कपिः । मातुलः कपिमुख्यस्य सुग्रीवस्य महात्मनः ॥
tato jāmbavato vākyam agṛhṇanta vanaukasaḥ | aṅgadapramukhā vīrā hanūmāṃś ca mahākapiḥ ||
prītimantas tataḥ sarve vāyuputrapuraḥsarāḥ | mahendrāgraṃ parityajya pupluvuḥ plavagarṣabhāḥ ||
merumandarasaṃkāśā mattā iva mahāgajāḥ | chādayanta ivākāśaṃ mahākāyā mahābalāḥ ||
sabhājyamānaṃ bhūtais tam ātmavantaṃ mahābalam | hanūmantaṃ mahāvegaṃ vahanta iva dṛṣṭibhiḥ ||
rāghave cārthanirvṛttiṃ bhartuś ca paramaṃ yaśaḥ | samādhāya samṛddhārthāḥ karmasiddhibhir unnatāḥ ||
priyākhyānonmukhāḥ sarve sarve yuddhābhinandinaḥ | sarve rāmapratīkāre niścitārthā manasvinaḥ ||
plavamānāḥ kham āplutya tatas te kānanaukṣakaḥ | nandanopamam āsedur vanaṃ drumalatāyutam ||
yat tan madhuvanaṃ nāma sugrīvasyābhirakṣitam | adhṛṣyaṃ sarvabhūtānāṃ sarvabhūtamanoharam ||
yad rakṣati mahāvīryaḥ sadā dadhimukhaḥ kapiḥ | mātulaḥ kapimukhyasya sugrīvasya mahātmanaḥ ||
Затем лесные жители, герои во главе с Ангадой, и великий капи Хануман приняли слово Джамбавана. Радостные быки среди прыгунов, все с сыном Ваю впереди, оставили вершину Махендры и прыгнули. Великотелые и великосильные, похожие на Меру и Мандару, они летели как опьянённые великие слоны, словно закрывая небо. Своими взглядами они словно несли великоскоростного и великосильного Ханумана, владеющего собой и почитаемого существами. Утвердив в Рагхаве исполнение цели и высшую славу своего господина, возвышенные успехом дела, все они были устремлены к приятной вести, все радовались битве, все решительно думали о возмездии за Раму. Прыгая и взлетев в небо, эти лесные жители достигли леса, подобного Нандане, с деревьями и лианами. Это была Мадхувана, особо охраняемый лес Сугривы, неприступный для всех существ и очаровательный для всех существ. Его всегда охранял великодоблестный капи Дадхимукха, дядя великодушного Сугривы, главного среди капи.
8f189193098e · published Jun 22, 2026, 12:00:00 AM UTC
Available inRUPage between verses with
Приняв совет Джамбавана, ванары возвращаются не как беглецы, а как носители доброй вести. Их радость уже обращена к Раме и к битве за Ситу, поэтому Мадхувана становится местом первого излияния победного восторга.