पन्नगप्रतिमैर् भीमैः परमर्मातिभेदिभिः । शरैर् आदीपयाम् आस नीलं हरिचमूपतिम् ॥
स शरौघसमायस्तो नीलः कपिचमूपतिः । करेणैकेन शैलाग्रं रक्षोऽधिपतये ऽसृजत् ॥
हनूमान् अपि तेजस्वी समाश्वस्तो महामनाः । विप्रेक्षमाणो युद्धेप्सुः सरोषम् इदम् अब्रवीत् ॥
नीलेन सह संयुक्तं रावणं राक्षसेश्वरम् । अन्येन युध्यमानस्य न युक्तम् अभिधावनम् ॥
रावणो ऽपि महातेजास् तच् छृङ्गं सप्तभिः शरैः । आजघान सुतीक्ष्णाग्रैस् तद् विकीर्णं पपात ह ॥
तद् विकीर्णं गिरेः शृङ्गं दृष्ट्वा हरिचमूपतिः । कालाग्निर् इव जज्वाल क्रोधेन परवीरहा ॥
सो ऽश्वकर्णान् धवान् सालांश् चूतांश् चापि सुपुष्पितान् । अन्यांश् च विविधान् वृक्षान् नीलश् चिक्षेप संयुगे ॥
स तान् वृक्षान् समासाद्य प्रतिचिच्छेद रावणः । अभ्यवर्षत् सुघोरेण शरवर्षेण पावकिम् ॥
अभिवृष्टः शरौघेण मेघेनेव महाचलः । ह्रस्वं कृत्वा तदा रूपं ध्वजाग्रे निपपात ह ॥
पावकात्मजम् आलोक्य ध्वजाग्रे समवस्थितम् । जज्वाल रावणः क्रोधात् ततो नीलो ननाद ह ॥
ध्वजाग्रे धनुषश् चाग्रे किरीटाग्रे च तं हरिम् । लक्ष्मणो ऽथ हनूमांश् च दृष्ट्वा रामश् च विस्मिताः ॥
रावणो ऽपि महातेजाः कपिलाघवविस्मितः । अस्त्रम् आहारयाम् आस दीप्तम् आग्नेयम् अद्भुतम् ॥
ततस् ते चुक्रुशुर् हृष्टा लब्धलक्ष्याः प्लवंगमाः । नीललाघवसंभ्रान्तं दृष्ट्वा रावणम् आहवे ॥
वानराणां च नादेन संरब्धो रावणस् तदा । संभ्रमाविष्टहृदयो न किं चित् प्रत्यपद्यत ॥
आग्नेयेनाथ संयुक्तं गृहीत्वा रावणः शरम् । ध्वजशीर्षस्थितं नीलम् उदैक्षत निशाचरः ॥
ततो ऽब्रवीन् महातेजा रावणो राक्षसेश्वरः । कपे लाघवयुक्तो ऽसि मायया परयानया ॥
जीवितं खलु रक्षस्व यदि शक्नोषि वानर । तानि तान्य् आत्मरूपाणि सृजसे त्वम् अनेकशः ॥
तथापि त्वां मया मुक्तः सायको ऽस्त्रप्रयोजितः । जीवितं परिरक्षन्तं जीविताद् भ्रंशयिष्यति ॥
एवम् उक्त्वा महाबाहू रावणो राक्षसेश्वरः । संधाय बाणम् अस्त्रेण चमूपतिम् अताडयत् ॥
सो ऽस्त्रयुक्तेन बाणेन नीलो वक्षसि ताडितः । निर्दह्यमानः सहसा निपपात महीतले ॥
पितृमाहात्म्य संयोगाद् आत्मनश् चापि तेजसा । जानुभ्याम् अपतद् भूमौ न च प्राणैर् व्ययुज्यत ॥
विसंज्ञं वानरं दृष्ट्वा दशग्रीवो रणोत्सुकः । रथेनाम्बुदनादेन सौमित्रिम् अभिदुद्रुवे ॥
pannagapratimair bhīmaiḥ paramarmātibhedibhiḥ | śarair ādīpayām āsa nīlaṃ haricamūpatim ||
sa śaraughasamāyasto nīlaḥ kapicamūpatiḥ | kareṇaikena śailāgraṃ rakṣo'dhipataye 'sṛjat ||
hanūmān api tejasvī samāśvasto mahāmanāḥ | viprekṣamāṇo yuddhepsuḥ saroṣam idam abravīt ||
nīlena saha saṃyuktaṃ rāvaṇaṃ rākṣaseśvaram | anyena yudhyamānasya na yuktam abhidhāvanam ||
rāvaṇo 'pi mahātejās tac chṛṅgaṃ saptabhiḥ śaraiḥ | ājaghāna sutīkṣṇāgrais tad vikīrṇaṃ papāta ha ||
tad vikīrṇaṃ gireḥ śṛṅgaṃ dṛṣṭvā haricamūpatiḥ | kālāgnir iva jajvāla krodhena paravīrahā ||
so 'śvakarṇān dhavān sālāṃś cūtāṃś cāpi supuṣpitān | anyāṃś ca vividhān vṛkṣān nīlaś cikṣepa saṃyuge ||
sa tān vṛkṣān samāsādya praticiccheda rāvaṇaḥ | abhyavarṣat sughoreṇa śaravarṣeṇa pāvakim ||
abhivṛṣṭaḥ śaraugheṇa megheneva mahācalaḥ | hrasvaṃ kṛtvā tadā rūpaṃ dhvajāgre nipapāta ha ||
pāvakātmajam ālokya dhvajāgre samavasthitam | jajvāla rāvaṇaḥ krodhāt tato nīlo nanāda ha ||
dhvajāgre dhanuṣaś cāgre kirīṭāgre ca taṃ harim | lakṣmaṇo 'tha hanūmāṃś ca dṛṣṭvā rāmaś ca vismitāḥ ||
rāvaṇo 'pi mahātejāḥ kapilāghavavismitaḥ | astram āhārayām āsa dīptam āgneyam adbhutam ||
tatas te cukruśur hṛṣṭā labdhalakṣyāḥ plavaṃgamāḥ | nīlalāghavasaṃbhrāntaṃ dṛṣṭvā rāvaṇam āhave ||
vānarāṇāṃ ca nādena saṃrabdho rāvaṇas tadā | saṃbhramāviṣṭahṛdayo na kiṃ cit pratyapadyata ||
āgneyenātha saṃyuktaṃ gṛhītvā rāvaṇaḥ śaram | dhvajaśīrṣasthitaṃ nīlam udaikṣata niśācaraḥ ||
tato 'bravīn mahātejā rāvaṇo rākṣaseśvaraḥ | kape lāghavayukto 'si māyayā parayānayā ||
jīvitaṃ khalu rakṣasva yadi śaknoṣi vānara | tāni tāny ātmarūpāṇi sṛjase tvam anekaśaḥ ||
tathāpi tvāṃ mayā muktaḥ sāyako 'straprayojitaḥ | jīvitaṃ parirakṣantaṃ jīvitād bhraṃśayiṣyati ||
evam uktvā mahābāhū rāvaṇo rākṣaseśvaraḥ | saṃdhāya bāṇam astreṇa camūpatim atāḍayat ||
so 'strayuktena bāṇena nīlo vakṣasi tāḍitaḥ | nirdahyamānaḥ sahasā nipapāta mahītale ||
pitṛmāhātmya saṃyogād ātmanaś cāpi tejasā | jānubhyām apatad bhūmau na ca prāṇair vyayujyata ||
visaṃjñaṃ vānaraṃ dṛṣṭvā daśagrīvo raṇotsukaḥ | rathenāmbudanādena saumitrim abhidudruve ||
Равана поразил Нилу страшными стрелами, подобными змеям и пронзающими жизненные места. Измученный потоком стрел, Нила одной рукой метнул в него скальную вершину. Хануман, придя в себя, заметил, что нападать на Равану, уже сражающегося с Нилой, не подобает. Равана семью острейшими стрелами разбил вершину, и она упала. Увидев это, Нила вспыхнул как огонь конца мира и стал бросать в Равану ашвакарны, дхавы, салы, цветущие манговые и другие деревья. Равана рассекал их и осыпал сына Огня страшным дождём стрел. Осыпанные стрелами, как великая гора тучей, Нила уменьшил свой облик и прыгнул на верх знамени Раваны. Равана запылал от гнева, а Нила заревел; Рама, Лакшмана и Хануман удивились, видя ванара то на знамени, то на луке, то на короне. Равана, смущённый лёгкостью Нилы, призвал пылающее огненное оружие. Ванары радостно кричали, видя смятение Раваны; от их шума он на мгновение потерял ясность. Затем он взял стрелу с огненным оружием, взглянул на Нилу и сказал: «О ванар, ты наделён лёгкостью и высшей магией. Береги жизнь, если можешь: хотя ты создаёшь разные облики, моя стрела, снаряжённая оружием, лишит тебя жизни». Сказав это, Равана поразил Нилу в грудь стрелой с астрой. Сжигаемый ею, Нила упал на землю, но благодаря величию своего отца и собственной силе, встав на колени, не расстался с жизнью. Увидев ванара без сознания, Десятишеий на грохочущей колеснице устремился к Лакшмане.
807e011135e4 · published Jun 22, 2026, 12:00:00 AM UTC
Available inRUPage between verses with
Нила побеждает не силой удара, а лёгкостью и неуловимостью. Огонь Раваны может повергнуть сына Огня, но не способен отнять его жизнь: в слуге Рамы действует более глубокая защита.