ततो हतान् राक्षसपुंगवांस् तान्; देवान्तकादित्रिशिरो ऽतिकायान् । रक्षोगणास् तत्र हतावशिष्टास्; ते रावणाय त्वरितं शशंसुः ॥
ततो हतांस् तान् सहसा निशम्य; राजा मुमोहाश्रुपरिप्लुताक्षः । पुत्रक्षयं भ्रातृवधं च घोरं; विचिन्त्य राजा विपुलं प्रदध्यौ ॥
ततस् तु राजानम् उदीक्ष्य दीनं; शोकार्णवे संपरिपुप्लुवानम् । अथर्षभो राक्षसराजसूनुर्; अथेन्द्रजिद् वाक्यम् इदं बभाषे ॥
न तात मोहं प्रतिगन्तुम् अर्हसि; यत्रेन्द्रजिज् जीवति राक्षसेन्द्र । नेन्द्रारिबाणाभिहतो हि कश् चित्; प्राणान् समर्थः समरे ऽभिधर्तुम् ॥
पश्याद्य रामं सहलक्ष्मणेन; मद्बाणनिर्भिन्नविकीर्णदेहम् । गतायुषं भूमितले शयानं; शरैः शितैर् आचितसर्वगात्रम् ॥
इमां प्रतिज्ञां शृणु शक्रशत्रोः; सुनिश्चितां पौरुषदैवयुक्ताम् । अद्यैव रामं सहलक्ष्मणेन; संतापयिष्यामि शरैर् अमोघैः ॥
अद्येन्द्रवैवस्वतविष्णुमित्र; साध्याश्विवैश्वानरचन्द्रसूर्याः । द्रक्ष्यन्ति मे विक्रमम् अप्रमेयं; विष्णोर् इवोग्रं बलियज्ञवाटे ॥
स एवम् उक्त्वा त्रिदशेन्द्रशत्रुर्; आपृच्छ्य राजानम् अदीनसत्त्वः । समारुरोहानिलतुल्यवेगं; रथं खरश्रेष्ठसमाधियुक्तम् ॥
tato hatān rākṣasapuṃgavāṃs tān; devāntakāditriśiro 'tikāyān | rakṣogaṇās tatra hatāvaśiṣṭās; te rāvaṇāya tvaritaṃ śaśaṃsuḥ ||
tato hatāṃs tān sahasā niśamya; rājā mumohāśrupariplutākṣaḥ | putrakṣayaṃ bhrātṛvadhaṃ ca ghoraṃ; vicintya rājā vipulaṃ pradadhyau ||
tatas tu rājānam udīkṣya dīnaṃ; śokārṇave saṃparipupluvānam | atharṣabho rākṣasarājasūnur; athendrajid vākyam idaṃ babhāṣe ||
na tāta mohaṃ pratigantum arhasi; yatrendrajij jīvati rākṣasendra | nendrāribāṇābhihato hi kaś cit; prāṇān samarthaḥ samare 'bhidhartum ||
paśyādya rāmaṃ sahalakṣmaṇena; madbāṇanirbhinnavikīrṇadeham | gatāyuṣaṃ bhūmitale śayānaṃ; śaraiḥ śitair ācitasarvagātram ||
imāṃ pratijñāṃ śṛṇu śakraśatroḥ; suniścitāṃ pauruṣadaivayuktām | adyaiva rāmaṃ sahalakṣmaṇena; saṃtāpayiṣyāmi śarair amoghaiḥ ||
adyendravaivasvataviṣṇumitra; sādhyāśvivaiśvānaracandrasūryāḥ | drakṣyanti me vikramam aprameyaṃ; viṣṇor ivograṃ baliyajñavāṭe ||
sa evam uktvā tridaśendraśatrur; āpṛcchya rājānam adīnasattvaḥ | samārurohānilatulyavegaṃ; rathaṃ kharaśreṣṭhasamādhiyuktam ||
Оставшиеся после бойни отряды ракшасов быстро сообщили Раване, что эти быки ракшасов — Девантака, Тришира, Атикая и другие — убиты. Услышав об их внезапной гибели, царь оцепенел, глаза его наполнились слезами; думая о гибели сыновей и страшном убийстве братьев, он глубоко погрузился в раздумье. Тогда Индраджит, бык среди сыновей царя ракшасов, увидел царя жалким и тонущим в океане скорби и сказал: «О отец, о царь ракшасов, ты не должен впадать в помрачение, пока Индраджит жив. Никто, поражённый стрелами врага Индры, не способен удержать жизнь в бою. Сегодня увидь Раму вместе с Лакшманой: его тело будет пробито и разорвано моими стрелами, жизнь уйдёт, он будет лежать на земле, всё тело покрыто острыми стрелами. Услышь эту клятву врага Шакры — твёрдую, соединённую с мужеством и судьбой: сегодня же я измучу Раму вместе с Лакшманой безошибочными стрелами. Сегодня Индра, Вайвасвата, Вишну, Митра, садхьи, Ашвины, Вайшванара, луна и солнце увидят мою неизмеримую доблесть, грозную как доблесть Вишну на жертвенной площадке Бали». Сказав так, враг царя богов, не подавленный духом, простился с царём и взошёл на колесницу, быструю как ветер и крепко запряжённую лучшими ослами.
4c3c35336b1e · published Jun 22, 2026, 12:00:00 AM UTC
Available inRUPage between verses with
Индраджит говорит как тот, кто уверен в силе мантры, оружия и своей прежней победы над Индрой. Но его клятва рождается не из истины, а из желания закрыть скорбь Раваны новой жестокостью.