ततो भग्नप्रहरणौ मुष्टिभ्यां तौ समीयतुः । तेजो बलसमाविष्टौ दीप्ताव् इव हुताशनौ ॥
जघ्नतुस् तौ तदान्योन्यं नेदतुश् च पुनः पुनः । तलैश् चान्योन्यम् आहत्य पेततुर् धरणीतले ॥
उत्पेततुस् ततस् तूर्णं जघ्नतुश् च परस्परम् । भुजैश् चिक्षेपतुर् वीराव् अन्योन्यम् अपराजितौ ॥
आजहार तदा खग्डम् अदूरपरिवर्तिनम् । राक्षसश् चर्मणा सार्धं महावेगो महोदरः ॥
तथैव च महाखड्गं चर्मणा पतितं सह । जग्राह वानरश्रेष्ठः सुग्रीवो वेगवत्तरः ॥
तौ तु रोषपरीताङ्गौ नर्दन्ताव् अभ्यधावताम् । उद्यतासी रणे हृष्टौ युधि शस्त्रविशारदौ ॥
दक्षिणं मण्डलं चोभौ तौ तूर्णं संपरीयतुः । अन्योन्यम् अभिसंक्रुद्धौ जये प्रणिहिताव् उभौ ॥
स तु शूरो महावेगो वीर्यश्लाघी महोदरः । महाचर्मणि तं खड्गं पातयाम् आस दुर्मतिः ॥
लग्नम् उत्कर्षतः खड्गं खड्गेन कपिकुञ्जरः । जहार सशिरस् त्राणं कुण्डलोपहितं शिरः ॥
निकृत्तशिरसस् तस्य पतितस्य महीतले । तद् बलं राक्षसेन्द्रस्य दृष्ट्वा तत्र न तिष्ठति ॥
हत्वा तं वानरैः सार्धं ननाद मुदितो हरिः । चुक्रोध च दशग्रीवो बभौ हृष्टश् च राघवः ॥
tato bhagnapraharaṇau muṣṭibhyāṃ tau samīyatuḥ | tejo balasamāviṣṭau dīptāv iva hutāśanau ||
jaghnatus tau tadānyonyaṃ nedatuś ca punaḥ punaḥ | talaiś cānyonyam āhatya petatur dharaṇītale ||
utpetatus tatas tūrṇaṃ jaghnatuś ca parasparam | bhujaiś cikṣepatur vīrāv anyonyam aparājitau ||
ājahāra tadā khagḍam adūraparivartinam | rākṣasaś carmaṇā sārdhaṃ mahāvego mahodaraḥ ||
tathaiva ca mahākhaḍgaṃ carmaṇā patitaṃ saha | jagrāha vānaraśreṣṭhaḥ sugrīvo vegavattaraḥ ||
tau tu roṣaparītāṅgau nardantāv abhyadhāvatām | udyatāsī raṇe hṛṣṭau yudhi śastraviśāradau ||
dakṣiṇaṃ maṇḍalaṃ cobhau tau tūrṇaṃ saṃparīyatuḥ | anyonyam abhisaṃkruddhau jaye praṇihitāv ubhau ||
sa tu śūro mahāvego vīryaślāghī mahodaraḥ | mahācarmaṇi taṃ khaḍgaṃ pātayām āsa durmatiḥ ||
lagnam utkarṣataḥ khaḍgaṃ khaḍgena kapikuñjaraḥ | jahāra saśiras trāṇaṃ kuṇḍalopahitaṃ śiraḥ ||
nikṛttaśirasas tasya patitasya mahītale | tad balaṃ rākṣasendrasya dṛṣṭvā tatra na tiṣṭhati ||
hatvā taṃ vānaraiḥ sārdhaṃ nanāda mudito hariḥ | cukrodha ca daśagrīvo babhau hṛṣṭaś ca rāghavaḥ ||
Когда их оружие было разбито, они сошлись на кулаках, охваченные мощью и силой, словно два пылающих огня. Они били друг друга, снова и снова ревели, ударили друг друга ладонями и упали на землю. Затем они быстро вскочили, снова били друг друга, и два непобеждённых героя бросали друг друга руками. Тогда великостремительный ракшас Маходара достал лежавший неподалёку меч вместе со щитом. Так же лучший ванар, ещё более стремительный Сугрива, схватил большой меч, упавший вместе со щитом. Охваченные гневом, они с поднятыми мечами, радостные в бою и искусные в оружии, с ревом побежали друг на друга. Оба быстро обошли правый круг, разгневанные друг на друга и устремлённые к победе. Герой великой скорости Маходара, хвалившийся доблестью, дурноразумно опустил меч на большой щит Сугривы. Пока он вытягивал застрявший меч, слон-обезьяна Сугрива своим мечом снёс его голову вместе со шлемом и украшениями-серьгами. Увидев Маходару обезглавленным и павшим на землю, войско владыки ракшасов не удержалось на месте. Убив его вместе с ванарами, радостный ванар заревел; Десятишеий разгневался, а Рагхава засиял радостью.
3722b269cbcd · published Jun 22, 2026, 12:00:00 AM UTC
Available inRUPage between verses with
Маходара проигрывает в миг технической ошибки: меч застревает, и Сугрива использует открывшееся место. В эпосе доблесть включает не только силу, но и ясность в решающий момент.