Рама
ततः क्रोधसमाविष्टो रामो दशरथात्मजः । उवाच रावणं वीरः प्रहस्य परुषं वचः ॥
मम भार्या जनस्थानाद् अज्ञानाद् राक्षसाधम । हृता ते विवशा यस्मात् तस्मात् त्वं नासि वीर्यवान् ॥
मया विरहितां दीनां वर्तमानां महावने । वैदेहीं प्रसभं हृत्वा शूरो ऽहम् इति मन्यसे ॥
स्त्रीषु शूर विनाथासु परदाराभिमर्शके । कृत्वा कापुरुषं कर्म शूरो ऽहम् इति मन्यसे ॥
भिन्नमर्याद निर्लज्ज चारित्रेष्व् अनवस्थित । दर्पान् मृत्युम् उपादाय शूरो ऽहम् इति मन्यसे ॥
शूरेण धनदभ्रात्रा बलैः समुदितेन च । श्लाघनीयं यशस्यं च कृतं कर्म महत् त्वया ॥
उत्सेकेनाभिपन्नस्य गर्हितस्याहितस्य च । कर्मणः प्राप्नुहीदानीं तस्याद्य सुमहत् फलम् ॥
शूरो ऽहम् इति चात्मानम् अवगच्छसि दुर्मते । नैव लज्जास्ति ते सीतां चोरवद् व्यपकर्षतः ॥
यदि मत्संनिधौ सीता धर्षिता स्यात् त्वया बलात् । भ्रातरं तु खरं पश्येस् तदा मत्सायकैर् हतः ॥
दिष्ट्यासि मम दुष्टात्मंश् चक्षुर्विषयम् आगतः । अद्य त्वां सायकैस् तीक्ष्णैर् नयामि यमसादनम् ॥
अद्य ते मच्छरैश् छिन्नं शिरो ज्वलितकुण्डलम् । क्रव्यादा व्यपकर्षन्तु विकीर्णं रणपांसुषु ॥
निपत्योरसि गृध्रास् ते क्षितौ क्षिप्तस्य रावण । पिबन्तु रुधिरं तर्षाद् बाणशल्यान्तरोथितम् ॥
अद्य मद्बाणाभिन्नस्य गतासोः पतितस्य ते । कर्षन्त्व् अन्त्राणि पतगा गरुत्मन्त इवोरगान् ॥
tataḥ krodhasamāviṣṭo rāmo daśarathātmajaḥ | uvāca rāvaṇaṃ vīraḥ prahasya paruṣaṃ vacaḥ ||
mama bhāryā janasthānād ajñānād rākṣasādhama | hṛtā te vivaśā yasmāt tasmāt tvaṃ nāsi vīryavān ||
mayā virahitāṃ dīnāṃ vartamānāṃ mahāvane | vaidehīṃ prasabhaṃ hṛtvā śūro 'ham iti manyase ||
strīṣu śūra vināthāsu paradārābhimarśake | kṛtvā kāpuruṣaṃ karma śūro 'ham iti manyase ||
bhinnamaryāda nirlajja cāritreṣv anavasthita | darpān mṛtyum upādāya śūro 'ham iti manyase ||
śūreṇa dhanadabhrātrā balaiḥ samuditena ca | ślāghanīyaṃ yaśasyaṃ ca kṛtaṃ karma mahat tvayā ||
utsekenābhipannasya garhitasyāhitasya ca | karmaṇaḥ prāpnuhīdānīṃ tasyādya sumahat phalam ||
śūro 'ham iti cātmānam avagacchasi durmate | naiva lajjāsti te sītāṃ coravad vyapakarṣataḥ ||
yadi matsaṃnidhau sītā dharṣitā syāt tvayā balāt | bhrātaraṃ tu kharaṃ paśyes tadā matsāyakair hataḥ ||
diṣṭyāsi mama duṣṭātmaṃś cakṣurviṣayam āgataḥ | adya tvāṃ sāyakais tīkṣṇair nayāmi yamasādanam ||
adya te maccharaiś chinnaṃ śiro jvalitakuṇḍalam | kravyādā vyapakarṣantu vikīrṇaṃ raṇapāṃsuṣu ||
nipatyorasi gṛdhrās te kṣitau kṣiptasya rāvaṇa | pibantu rudhiraṃ tarṣād bāṇaśalyāntarothitam ||
adya madbāṇābhinnasya gatāsoḥ patitasya te | karṣantv antrāṇi patagā garutmanta ivoragān ||
Тогда Рама, сын Дашаратхи, охваченный гневом, усмехнулся и сказал Раване резкие слова: «Низший из ракшасов, поскольку ты по неведению похитил мою беззащитную жену из Джанастханы, ты не доблестен. Ты силой похитил Вайдехи, несчастную, разлучённую со мной и находившуюся в великом лесу, и считаешь: “Я герой”. Ты герой только среди беззащитных женщин, ты прикасаешься к чужим жёнам; совершив трусливое дело, ты считаешь: “Я герой”. Нарушивший границы, бесстыдный, неустойчивый в поведении, из гордости взявший смерть, ты считаешь: “Я герой”. Ты, герой и брат Куберы, обладающий войсками, совершил великое дело, достойное похвалы и славы. Теперь получи сегодня великий плод того поступка, порицаемого, вредного и совершённого в гордыне. Дурноумный, ты считаешь себя героем, но у тебя совсем нет стыда, когда ты, как вор, уводишь Ситу. Если бы ты силой оскорбил Ситу в моём присутствии, тогда увидел бы своего брата Кхару, убитого моими стрелами. По счастью, злодушный, ты попал в поле моего зрения. Сегодня острыми стрелами я отправлю тебя в обитель Ямы. Сегодня плотоядные пусть утащат твою голову, отсечённую моими стрелами, с пылающими серьгами, рассыпанную в боевой пыли. Пусть грифы, налетев на твою грудь, когда ты будешь брошен на землю, Равана, из жажды пьют кровь, поднявшуюся из ран от стрел. Сегодня, когда ты будешь пробит моими стрелами, безжизнен и повержен, птицы пусть тянут твои внутренности, как гаруды тащат змей».
62d383e1025c · published Jun 22, 2026, 12:00:00 AM UTC
Available inRUPage between verses with
Рама разрушает ложный образ героизма Раваны. Героизм не измеряется силой против беззащитных; похищение Ситы раскрывает трусость, которую Равана прикрывал властью и гордостью.