परितुष्टः स रामस्य तेन वाक्येन मातलिः । प्रचोदयाम् आस रथं सुरसारथिसत्तमः ॥
अपसव्यं ततः कुर्वन् रावणस्य महारथम् । चक्रोत्क्षिप्तेन रजसा रावणं व्यवधूनयत् ॥
ततः क्रुद्धो दशग्रीवस् ताम्रविस्फारितेक्षणः । रथप्रतिमुखं रामं सायकैर् अवधूनयत् ॥
धर्षणामर्षितो रामो धैर्यं रोषेण लङ्घयन् । जग्राह सुमहावेगम् ऐन्द्रं युधि शरासनम् । शरांश् च सुमहातेजाः सूर्यरश्मिसमप्रभान् ॥
तद् उपोढं महद् युद्धम् अन्योन्यवधकाङ्क्षिणोः । परस्पराभिमुखयोर् दृप्तयोर् इव सिंहयोः ॥
ततो देवाः सगन्धर्वाः सिद्धाश् च परमर्षयः । समीयुर् द्वैरथं द्रष्टुं रावणक्षयकाङ्क्षिणः ॥
समुत्पेतुर् अथोत्पाता दारुणा लोमहर्षणाः । रावणस्य विनाशाय राघवस्य जयाय च ॥
parituṣṭaḥ sa rāmasya tena vākyena mātaliḥ | pracodayām āsa rathaṃ surasārathisattamaḥ ||
apasavyaṃ tataḥ kurvan rāvaṇasya mahāratham | cakrotkṣiptena rajasā rāvaṇaṃ vyavadhūnayat ||
tataḥ kruddho daśagrīvas tāmravisphāritekṣaṇaḥ | rathapratimukhaṃ rāmaṃ sāyakair avadhūnayat ||
dharṣaṇāmarṣito rāmo dhairyaṃ roṣeṇa laṅghayan | jagrāha sumahāvegam aindraṃ yudhi śarāsanam | śarāṃś ca sumahātejāḥ sūryaraśmisamaprabhān ||
tad upoḍhaṃ mahad yuddham anyonyavadhakāṅkṣiṇoḥ | parasparābhimukhayor dṛptayor iva siṃhayoḥ ||
tato devāḥ sagandharvāḥ siddhāś ca paramarṣayaḥ | samīyur dvairathaṃ draṣṭuṃ rāvaṇakṣayakāṅkṣiṇaḥ ||
samutpetur athotpātā dāruṇā lomaharṣaṇāḥ | rāvaṇasya vināśāya rāghavasya jayāya ca ||
Матали, лучший возничий богов, остался доволен словами Рамы и погнал колесницу. Затем, обходя великую колесницу Раваны слева, он поднятой колесом пылью встряхнул Равану. Тогда разгневанный Десятишеий с медно-расширенными глазами потряс стрелами Раму, стоявшего перед колесницей. Рама, разгневанный дерзким нападением и переходя терпение гневом, взял в бою очень стремительный индров лук и стрелы, блеском равные солнечным лучам. Так приблизилось великое сражение двух воинов, желавших убить друг друга и стоявших лицом к лицу, как два гордых льва. Тогда боги с гандхарвами, сиддхи и высшие риши, желая гибели Раваны, собрались увидеть поединок колесниц. Затем возникли страшные знамения, от которых волосы вставали дыбом: на уничтожение Раваны и на победу Рагхавы.
7b25ffe6eb49 · published Jun 22, 2026, 12:00:00 AM UTC
Available inRUPage between verses with
Схождение свидетелей показывает, что поединок уже стал событием для всех миров. Дурные знамения не случайны: сама ткань мира начинает объявлять исход.