नारायणगिरिं ते तु गर्जन्तो राक्षसाम्बुदाः । अवर्षन्न् इषुवर्षेण वर्षेणाद्रिम् इवाम्बुदाः ॥
श्यामावदातस् तैर् विष्णुर् नीलैर् नक्तंचरोत्तमैः । वृतो ऽञ्जनगिरीवासीद् वर्षमाणैः पयोधरैः ॥
शलभा इव केदारं मशका इव पर्वतम् । यथामृतघटं जीवा मकरा इव चार्णवम् ॥
तथा रक्षोधनुर् मुक्ता वज्रानिलमनोजवाः । हरिं विशन्ति स्म शरा लोकास्तम् इव पर्यये ॥
स्यन्दनैः स्यन्दनगता गजैश् च गजधूर् गताः । अश्वारोहाः सदश्वैश् च पादाताश् चाम्बरे चराः ॥
राक्षसेन्द्रा गिरिनिभाः शरशक्त्यृष्टितोमरैः । निरुच्छ्वासं हरिं चक्रुः प्राणायाम इव द्विजम् ॥
निशाचरैस् तुद्यमानो मीनैर् इव महातिमिः । शार्ङ्गम् आयम्य गात्राणि राक्षसानां महाहवे ॥
शरैः पूर्णायतोत्सृष्टैर् वज्रवक्त्रैर् मनोजवैः । चिच्छेद तिलशो विष्णुः शतशो ऽथ सहस्रशः ॥
विद्राव्य शरवर्षं तं वर्षं वायुर् इवोत्थितम् । पाञ्चजन्यं महाशङ्खं प्रदध्मौ पुरुषोत्तमः ॥
सो ऽम्बुजो हरिणा ध्मातः सर्वप्राणेन शङ्खराट् । ररास भीमनिह्रादो युगान्ते जलदो यथा ॥
nārāyaṇagiriṃ te tu garjanto rākṣasāmbudāḥ | avarṣann iṣuvarṣeṇa varṣeṇādrim ivāmbudāḥ ||
śyāmāvadātas tair viṣṇur nīlair naktaṃcarottamaiḥ | vṛto 'ñjanagirīvāsīd varṣamāṇaiḥ payodharaiḥ ||
śalabhā iva kedāraṃ maśakā iva parvatam | yathāmṛtaghaṭaṃ jīvā makarā iva cārṇavam ||
tathā rakṣodhanur muktā vajrānilamanojavāḥ | hariṃ viśanti sma śarā lokāstam iva paryaye ||
syandanaiḥ syandanagatā gajaiś ca gajadhūr gatāḥ | aśvārohāḥ sadaśvaiś ca pādātāś cāmbare carāḥ ||
rākṣasendrā girinibhāḥ śaraśaktyṛṣṭitomaraiḥ | nirucchvāsaṃ hariṃ cakruḥ prāṇāyāma iva dvijam ||
niśācarais tudyamāno mīnair iva mahātimiḥ | śārṅgam āyamya gātrāṇi rākṣasānāṃ mahāhave ||
śaraiḥ pūrṇāyatotsṛṣṭair vajravaktrair manojavaiḥ | ciccheda tilaśo viṣṇuḥ śataśo 'tha sahasraśaḥ ||
vidrāvya śaravarṣaṃ taṃ varṣaṃ vāyur ivotthitam | pāñcajanyaṃ mahāśaṅkhaṃ pradadhmau puruṣottamaḥ ||
so 'mbujo hariṇā dhmātaḥ sarvaprāṇena śaṅkharāṭ | rarāsa bhīmanihrādo yugānte jalado yathā ||
Гремящие ракшасы, словно грозовые облака, проливали на гору-Нараяну дождь стрел, как тучи проливают дождь на гору. Окружённый тёмными и синими лучшими ночными странниками, Вишну казался горой сурьмы, обступленной дождящими облаками. Как саранча налетает на поле, комары — на гору, живые существа — к сосуду нектара, а макары — к океану, так стрелы, выпущенные из луков ракшасов, быстрые как молния, ветер и ум, входили в Хари, словно миры уходят в закат при конце времени. На колесницах, слонах и конях, пешие и летящие по воздуху, цари ракшасов, подобные горам, стрелами, дротиками, копьями и томарами сделали Хари как бы бездыханным, словно пранаяма делает неподвижным брахмана. Но, поражаемый ночными странниками как великий кит рыбами, Вишну натянул Шарнгу и в великой битве стрелами с алмазными остриями, быстрыми как ум, разрезал члены ракшасов на мелкие части, сотнями и тысячами. Рассеяв тот дождь стрел, как ветер рассеивает поднятый ливень, Пурушоттама протрубил в великую раковину Панчаджанью. Протрубленная всем дыханием Хари, эта лотосная царица раковин заревела страшным гулом, как туча в конце юги.
def886f47f6f · published Jun 22, 2026, 12:00:00 AM UTC
Available inRUPage between verses with
Начало битвы строится на образе несоизмеримости: ракшасы кажутся грозовыми тучами, но Нараяна остаётся горой, на которую обрушивается дождь. Их натиск силён, однако он лишь открывает проявление оружия и звука Господа.