ईदृशानां सहस्राणि सायुधानां नराधम । भक्षितानि मया रोषात् कालम् आकाङ्क्षसे नु किम् ॥
आहारश् चाप्य् असंपूर्णो ममायं पुरुषाधम । स्वयं प्रविष्टो नु मुखं कथम् आसाद्य दुर्मते ॥
तस्यैवं भाषमाणस्य हसतश् च मुहुर् मुहुः । शत्रुघ्नो वीर्यसंपन्नो रोषाद् अश्रूण्य् अवर्तयत् ॥
तस्य रोषाभिभूतस्य शत्रुघ्नस्य महात्मनः । तेजोमया मरीच्यस् तु सर्वगात्रैर् विनिष्पतन् ॥
उवाच च सुसंक्रुद्धः शत्रुघ्नस् तं निशाचरम् । योद्धुम् इच्छामि दुर्बुद्धे द्वन्द्वयुद्धं त्वया सह ॥
पुत्रो दशरथस्याहं भ्राता रामस्य धीमतः । शत्रुघ्नो नाम शत्रुघ्नो वधाकाङ्क्षी तवागतः ॥
तस्य मे युद्धकामस्य द्वन्द्वयुद्धं प्रदीयताम् । शत्रुस् त्वं सर्वजीवानां न मे जीवन् गमिष्यसि ॥
īdṛśānāṃ sahasrāṇi sāyudhānāṃ narādhama | bhakṣitāni mayā roṣāt kālam ākāṅkṣase nu kim ||
āhāraś cāpy asaṃpūrṇo mamāyaṃ puruṣādhama | svayaṃ praviṣṭo nu mukhaṃ katham āsādya durmate ||
tasyaivaṃ bhāṣamāṇasya hasataś ca muhur muhuḥ | śatrughno vīryasaṃpanno roṣād aśrūṇy avartayat ||
tasya roṣābhibhūtasya śatrughnasya mahātmanaḥ | tejomayā marīcyas tu sarvagātrair viniṣpatan ||
uvāca ca susaṃkruddhaḥ śatrughnas taṃ niśācaram | yoddhum icchāmi durbuddhe dvandvayuddhaṃ tvayā saha ||
putro daśarathasyāhaṃ bhrātā rāmasya dhīmataḥ | śatrughno nāma śatrughno vadhākāṅkṣī tavāgataḥ ||
tasya me yuddhakāmasya dvandvayuddhaṃ pradīyatām | śatrus tvaṃ sarvajīvānāṃ na me jīvan gamiṣyasi ||
Лавана сказал: «О низший из людей, тысячи таких вооружённых были съедены мной в гневе. Не смерти ли ты желаешь? О низший из людей, моя пища ещё не полна; о дурно мыслящий, как ты сам пришёл мне в рот?» Пока он так говорил и снова и снова смеялся, доблестный Шатругхна пролил слёзы от гнева. Из всех членов великодушного Шатругхны, охваченного гневом, стали исходить сияющие лучи. Сильно разгневанный Шатругхна сказал этому ночному страннику: «О дурно мыслящий, я хочу сразиться с тобой в поединке. Я сын Дашаратхи, брат мудрого Рамы; имя мне Шатругхна, поражающий врагов, и я пришёл, желая убить тебя. Дай мне, желающему битвы, поединок. Ты враг всех живых существ и живым от меня не уйдёшь».
8b259ead2eb2 · published Jun 22, 2026, 12:00:00 AM UTC
Available inRUPage between verses with
Лавана видит в Шатругхне очередную пищу, но Шатругхна раскрывает себя как представитель дома Рамы и защитник всех живых существ. Его гнев не личная обида, а ответ на насилие над миром.