ततः प्रहृष्टः काकुत्स्थः श्रुत्वा वाक्यं महात्मनः । ऋषींस् तत्र समेतांश् च राज्ञश् चैवाभ्यभाषत ॥
भगवन्तः सशिष्या वै सानुगश् च नराधिपाः । पश्यन्तु सीताशपथं यश् चैवान्यो ऽभिकाङ्क्षते ॥
तस्य तद्वचनं श्रुत्वा राघवस्य महात्मनः । सर्वेषम् ऋषिमुख्यानां साधुवादो महान् अभूत् ॥
राजानश् च महात्मानः प्रशंसन्ति स्म राघवम् । उपपन्नं नरश्रेष्ठ त्वय्य् एव भुवि नान्यतः ॥
एवं विनिश्चयं कृत्वा श्वोभूत इति राघवः । विसर्जयाम् आस तदा सर्वांस् ताञ् शत्रुसूदनः ॥
tataḥ prahṛṣṭaḥ kākutsthaḥ śrutvā vākyaṃ mahātmanaḥ | ṛṣīṃs tatra sametāṃś ca rājñaś caivābhyabhāṣata ||
bhagavantaḥ saśiṣyā vai sānugaś ca narādhipāḥ | paśyantu sītāśapathaṃ yaś caivānyo 'bhikāṅkṣate ||
tasya tadvacanaṃ śrutvā rāghavasya mahātmanaḥ | sarveṣam ṛṣimukhyānāṃ sādhuvādo mahān abhūt ||
rājānaś ca mahātmānaḥ praśaṃsanti sma rāghavam | upapannaṃ naraśreṣṭha tvayy eva bhuvi nānyataḥ ||
evaṃ viniścayaṃ kṛtvā śvobhūta iti rāghavaḥ | visarjayām āsa tadā sarvāṃs tāñ śatrusūdanaḥ ||
Затем обрадованный Какутстха, услышав слово великой души, обратился к собравшимся там риши и царям: «О почтенные, вместе с учениками, и владыки людей со свитами, пусть увидят клятву Ситы, а также всякий другой, кто желает». Услышав это слово великодушного Рагхавы, все главные риши издали великий возглас одобрения. И великие душой цари стали восхвалять Рагхаву: «О лучший из людей, это подобает только тебе на земле, а не другому». Приняв такое решение — «завтра», — уничтожитель врагов Рагхава тогда отпустил их всех.
8dc4e5c49809 · published Jun 22, 2026, 12:00:00 AM UTC
Available inRUPage between verses with
Рама делает свидетельство открытым для всех: риши, царей, учеников, свит и любого желающего. Публичность нужна, чтобы снять не сомнение Рамы, а тень общественного обвинения с Ситы.