तस्यां रजन्यां व्युष्टायां यज्ञवाटगतो नृपः । ऋषीन् सर्वान् महातेजाः शब्दापयति राघवः ॥
वसिष्ठो वामदेवश् च जाबालिर् अथ काश्यपः । विश्वामित्रो दीर्घतपा दुर्वासाश् च महातपाः ॥
अगस्त्यो ऽथ तथाशक्तिर् भार्गवश् चैव वामनः । मार्कण्डेयश् च दीर्घायुर् मौद्गल्यश् च महातपाः ॥
भार्गवश् च्यवनश् चैव शतानन्दश् च धर्मवित् । भरद्वाजश् च तेजस्वी अग्निपुत्रश् च सुप्रभः ॥
एते चान्ये च मुनयो बहवः संशितव्रताः । राजानश् च नरव्याघ्राः सर्व एव समागताः ॥
राक्षसाश् च महावीर्या वानराश् च महाबलाः । समाजग्मुर् महात्मानः सर्व एव कुतूहलात् ॥
क्षत्रियाश् चैव वैश्याश् च शूद्राश् चैव सहस्रशः । सीताशपथवीक्षार्थं सर्व एव समागताः ॥
tasyāṃ rajanyāṃ vyuṣṭāyāṃ yajñavāṭagato nṛpaḥ | ṛṣīn sarvān mahātejāḥ śabdāpayati rāghavaḥ ||
vasiṣṭho vāmadevaś ca jābālir atha kāśyapaḥ | viśvāmitro dīrghatapā durvāsāś ca mahātapāḥ ||
agastyo 'tha tathāśaktir bhārgavaś caiva vāmanaḥ | mārkaṇḍeyaś ca dīrghāyur maudgalyaś ca mahātapāḥ ||
bhārgavaś cyavanaś caiva śatānandaś ca dharmavit | bharadvājaś ca tejasvī agniputraś ca suprabhaḥ ||
ete cānye ca munayo bahavaḥ saṃśitavratāḥ | rājānaś ca naravyāghrāḥ sarva eva samāgatāḥ ||
rākṣasāś ca mahāvīryā vānarāś ca mahābalāḥ | samājagmur mahātmānaḥ sarva eva kutūhalāt ||
kṣatriyāś caiva vaiśyāś ca śūdrāś caiva sahasraśaḥ | sītāśapathavīkṣārthaṃ sarva eva samāgatāḥ ||
Когда та ночь прошла и рассвело, великосияющий царь Рагхава пришёл на жертвенную площадку и велел позвать всех риши. Собрались Васиштха, Вамадева, Джабали, затем Кашьяпа, Вишвамитра, Диргхатапас, великоаскетичный Дурвасас, Агастья, а также Ашакти, Бхаргава, Вамана, долгоживущий Маркандея, великоаскетичный Маудгалья, Бхаргава Чьявана, знаток дхармы Шатананда, сияющий Бхарадваджа, сын Агни и Супрабха. Эти и многие другие муни, строгие в обетах, а также цари, тигры среди людей, собрались все. Из любопытства сошлись великодушные ракшасы великой доблести и могучие ванары. Тысячами собрались кшатрии, вайшьи и шудры, чтобы увидеть клятву Ситы.
15fb0bce4923 · published Jun 22, 2026, 12:00:00 AM UTC
Available inRUPage between verses with
Перед клятвой Ситы собирается весь мир Рамы: риши, цари, союзники, варны и народы. Свидетельство должно прозвучать не в частном кругу, а перед полной общественной памятью.